1.        2008 წლის სტუ-ს ბიუჯეტის განხილვა და დამტკიცება;

2.       მიმდინარე საკითხები.

 

   წარმომადგენლობითი საბჭოს სხდომას, სიითი შემადგენლობის 71 წევრიდან, ესწრებოდა 62.  სხდომას უძღვებოდა სტუ-ს წარმომადგენლობითი საბჭოს სპიკერი პროფ. ეკატერინე თევზაძე.

   სხდომის თავმჯდომარემ საბჭოს წევრებს გააცნო დღის წესრიგი

(იხ. დანართი). საბჭომ ერთხმად უყარა კენჭი წარმოდგენილ დღის წესრიგს.

 

   სპიკერი პროფ. ეკატერინე თევზაძე    _   2008   წლის   სტუ-ს   ბიუჯეტის

პროექტის   წარმოდგენისათვის    სიტყვას   გადავცემ                     სტუ-ს       ადმინისტრაციის           ხელმძღვანელს პროფ.   ქეთევან    ქოქრაშვილს.

   პროფ. ქეთევან ქოქრაშვილი    _ წინა   სხდომაზე   დამტკიცებული   იქნა   

ბიუჯეტის   შედგენის   წესი,  რომელიც წარმოადგენს    ცენტრალიზებულს.   ეს   განაპირობა  იმ ობიექტურმა   სიტუაციამ,    რაც     შექმნილია    სტუ-ში.     ჩვენ  წარმოვადგინეთ     ბიუჯეტის    პროექტი.   ბიუჯეტი  მეტ-ნაკლებად დეფიციტურია.  შეიცვალა    ზოგიერთი მუხლი:  ზოგი    შემცირდა,   ზოგი  გაიზარდა.  შიში იმისა, რომ   დეფიციტი  გაჩნდება  არ არის,   რადგან ჩვენ   ეს  დეფიციტი   შევავსეთ   ნაშთით. Bიუჯეტის პროექტის    ერთიანი   პაკეტი,   შედგება  რამდენიმე დოკუმენტისგან. წარმოდგენილია   ბიუჯეტის  პროექტი და დანართები. ბიუჯეტის     პროექტის      შედგენის     პროცესში მიმდინარეობდა შეხვედრები როგორც დეკანებთან,  ისე საფინანსო-საბიუჯეტო კომისიის წევრებთან.  აღინიშნა, რომ   დონორი ფაკულტეტები   მიიღებენ  უფრო  მეტ თანხას  ტექნიკისა  და სარემონტო  სამუშაოებისათვის ეს  ყოველთვის   ასე   იყო.   პროექტის     მიხედვით _ სახელფასო     ფონდი      არის          საკმაოდ გაზრდილი,  გათვალისწინებულია  25%-იანი დაბეგვრა. სახელფასო ფონდის გაზრდა გამოიწვია ამ  დაბეგვრამ.  აღნიშნულის გათვალისწინებით დასამტკიცებლად არის წარმოდგენილი     სტუ-ს    პერსონალის     შრომის ანაზღაურების ოდენობა. (იხ.დანართი 6).წარმოდგენილი სახელფასო   მატება  განხორციელდეს  1  იანვრიდან. 1  მარტიდან   მოხდება   აკადემიურ  თანამდებობებზე მყოფი  პირებისთვის ხელფასის  მომატება.  რამდენით? ჯერ   არ   ვიცით,   მაგრამ     ეს    განისაზღვრება თებერვალში. დეკემბერში ყველა თანამშრომელმა მიიღო  ერთი თვის ხელფასი პრემიის სახით (ნაშთიდან იქნა გამოყოფილი). მომავალში    გათვალისწინებულია    უფრო     მეტი სარემონტო სამუშაოები,  ვიდრე აქამდე იყო.   პირველ კორპუსში       უნდა     შეიცვალოს      ფანჯრები. გარდა  ამისა კომპიუტერული ტექნიკის  შეცვლისთვის გამოყოფილია   600 000   ლარი.   ყველას   სჭირდება კომპიუტერები,     განსაკუთრებით      ინფორმატიკის ფაკულტეტს. საჭიროა საკანცელარიო საქონელიც. ჩვენ გვქონდა  შეღავათი  კომუნალურ  ხარჯებზე,  კერძოდ წყალზე.  იმის  გამო,   რომ   I, VIII და VI კორპუსის ტუალეტებში    მოხდა    მექანიკურიჩამოსარეცხი საშუალებების  დამონტაჟება,  ჩვენ მივიღეთ ეკონომია. როგორც კი დამონტაჟდება გათბობის  სისტემა,   ჩვენ მზად  ვართ  გავათბოთ I კორპუსის VI კორპუსი,  ასევე III    და    IV     კორპუსები. _ რაც   შეეხება  ელექტროენერგიას  და წყალს, იგი დაანგარიშებულია  მრიცხველის ჩვენების საფუძველზე. ადრე,  2 სთ-ის  შემდეგ არც დენი იყო და არც წყალი. დღეს   ეს   პრობლემა   მოხსნილია.   დასუფთავების ხარჯები   იანგარიშება  1  სტუდენტი   X 0,25  _   ეს არის დასუფთავებაზე გადასახდელი თანხა.  გარდა  ამ გადასახადებისა არის ქონების გადასახადი, საურავები, ჯარიმები და დაზღვევა. სტუ-ს საერთო საცხოვრებელი, რომელიც   მდებარეობს   ნუცუბიძის  პლატოზე, 2007 წელს   დაუბრუნდა სახელმწიფოს.  ჩვენ აღარ ვიხდით ქონების   გადასახადს. სტუდენტების გადასახადების მაჩვენებელი ავიდა 92%. წინა წლებში  ეს მაჩვენებელი გაცილებით   ნაკლები   იყო.    2007  წელს არცერთი სასამართლო პროცესი არ წაგვიგია ჩვენმა კოლეგებმა, ვინც  ვერ   გავიდნენ    აკადემიურ   თანამდებობებზე მიმართეს    სასამართლოს.    ეს    პროცესები  ისევ გრძელდება ზედა ინსტანციებში. რაც შეეხება იჯარებს: ყველა  იჯარის   ხელშეკრულების  გადაფასება მოხდა თავიდან და ყველა მოიჯარეს გადაეგზავნა  წერილები. მოსაფიქრებლად  მიცემული    აქვთ   ერთი    წელი, რომელიც   გადის  აპრილში.  სტუ-ს  მიერ გაცემული ფართების  უმრავლესობას წარმოადგენს კედლები  და სახურავები. საიდანაც 2006 წელს შემოვიდა 36000ლარი; 2007   წელს  -  374000   ლარს     ველოდებით. III - IV  კორპუსის  პირველი სართული და რესტორანი     "ორიენტი"  ისევ   ჩვენია.  ისინი იხდიან თანხას და ეს თანხა  შემოდის უნივერსიტეტში შემოსავლების სახით. რაც შეეხება ტელეფონებს - კლასიფიკატორი არსებობს  ფინანსთა სამინისტროს მიერ ინტერნეტ მომსახურებაზე და სატელეფონო  საუბრებზე. სტუ-ს ნომრების ნაწილს დაგაიხდის  უნივერსიტეტი,    ნაწილის  გადახდა   კი მოუწევთ თანამშრომლებს. მე ვაპირებ ყოველ თვიურად გავცე   ლიმიტი   ადმინისტრაციის  თანამშრომლებზე მხოლოდ საჭიროების შემთხვევაში,  ხოლო  დეკანებზე განსაზღვრული     ლიმიტი   შეადგენს   50    ლარს.  საქართველოს   ტექნიკურ  უნივერსიტეტში 3 პირს  არ ეხება   ლიმიტი:    რექტორს,   რექტორის მოადგილესდა    ადმინისტრაციის      ხელმძღვანელს. _  ზაფხულში   საწვავის   დიდი   ნაწილი    წავიდა სარემონტო   სამუშაოებზე. სამთო  და სატრანსპორტო ფაკულტეტებს  სასწავლო პროცესისათვის  სჭირდებათ საწვავი.  ყველა   ეს   ციფრი   ასახულია  ბიჯეტის პროექტში   და  მის   დანართებში.  გთხოვთ   მხარი   დაუჭიროთ    წარმოდგენილ    ბიუჯეტს.

   სპიკერი პროფ. ეკატერინე თევზაძე    _   დასკვნისათვის სიტყვას გადავცემ

წარმომადგენლობითი    საბჭოს     საფინანსო    და ეკონომიკური      საკითხების          შემსწავლელი  მუდმივმოქმედი      კომისიის         თავმჯდომარეს პროფ.    დავით     ჯაფარიძეს.

   პროფ. დავით ჯაფარიძე    _    ჩვენი    კომისიის    მოსაზრებები      და

გადაწყვეტილებები     პროექტის    სახით     გაქვთ     დარიგებული.U   უნდა    ითქვას,    რომ    ბიუჯეტი დაგეგმილია   პესიმისტურად.   საშემოსავლო ნაწილი გაიზრდება: _ სტუდენტთა საფასურის ამოღება იქნება 80%.  დღეს  აკადემიური   საბჭო   იხილავს   ამ საკითხს. საბაზო ხარჯები  გადასახედია, ერთად მივაღწიოთ იმას,  რომ გადასახადი გაიზარდოს ორჯერ, რომ  გადასახადებში მივიღოთ   ერთი   მილიონი     ლარი.  _ პრობლემაა  ის,  რასაც  ჩადის კავკასიის   ბიზნეს სკოლა.   არც  ერთი კაპიკი არ აქვს ჩარიცხული  და 2   წლის   განმავლობაში   უკანონოდ ფლობს ჩვენს  ტერიტორიას  და პრინციპულად არ იხდის გადასახადს. აქედან   გამომდინარე   ჩვენ   რატომ დავეთანხმეთ იმ ციფრებს,    რაც     იქნა      წარმოდგენილი.    _ ძალიან  არაკონტროლირებადი  გახდა პროფესიული სასწავლებელი. ხდება სტუდენტთა  გადინება.   ყოველ კვარტალურად  უნდა   მოხდეს  საბიუჯეტო  ნაწილის განხილვა   (შემოსავლები    და     გასავალი). რაც  შეეხება ხარჯვით ნაწილს: 1. ბიუჯეტის ხარჯვით ნაწილზე    არ    მიდის   მუშაობა.  უნდა დაიწეროს პროგრამა. გარდა სოციალური საკითხებისა,  დადებითი  არის    კომპიუტერების   შეძენა   და     სარემონტო სამუშაოების ჩატარება.  შენობა-ნაგებობების  დაცვაზე ხარჯები გაზრდილია 500 000 ლარით. ეს  კომისიასთან შეთანხმებული   არ   ყოფილა.  იქნებ  ამ  საკითხთან  დაკავშირებით   თავი   შევიკავოთ.    უნივერსიტეტში აღდგენილი       უფროსი    მასწავლებლებისა    და მასწავლებლების   სტატუსი.   თუ  ჩვენ  ვაპირებთ ამ სტატუსის შემოღებას, ჩვენ უნდა დავთვალოთ  როგორ  და  როდის  მოხდება ამის  გადაწყვეტა, ეს პრობლემა სერიოზულად   უნდა  იქნეს დათვლილი. რაც შეეხება ხელფასის    მომატებას,    აკადემიურ   პერსონალზე 1 მარტიდან  20%-ით უნდა მოხდეს ხელფასების ზრდა,   იმის    მიხედვით    თუ   როგორ  წავა საშემოსავლო საკითხების    მიმდინარეობა.  არც  ერთი  თეთრი  არ  უნდა   იყოს    გაწერილი   ისე, რომ მას არ ახლდეს მიზნობრივი   პროგრამა.  2008 წლის  15 თებერვლამდე დამუშავდეს  და   პროგრამულად  გაიწეროს    ყველა პუნქტი.  დადებით   მომენტად  უნდა აღინიშნოს,  რომ დღეს   უნივერსიტეტს გააჩნია იმის საშუალება, ყველა ვალდებულება გასტუმრებული აქვს   და ამდენი წლის მანძილზე      პირველად      გასცეს         პრემია. _      ჩვენი      საბჭო    ადმინისტრაციასთან  ერთად    ცალკე   განიხილავს   იჯარების  საკითხს.

   აკადემიური საბჭოს პროფ. ზურა ლომსაძე   _    მაქვს     4     შეკითხვა.

1.  დაბეგვრის  სისტემის  შეცვლის  გამო, სახელფასო ხარჯებთან    დაკავშირებით,    რატომ     გაიზარდა   ბიუჯეტის   ხარჯვითი      ნაწილი?

 2. იჯარის    ქირის   გაზრდას  რატომ ჭირდება ერთი წელი? 3. რატომ არ ვუჩივით კავკასიის ბიზნეს სკოლას საკანონმდებლო ორგამოებში? 4. დაცვა იყოს შერჩევით.

   პროფ. იგორ კვესელავა    _     აქ    ასახული   არ    არის    მოწვეული პროფესორებისათვის  გამოყოფილი რაღაც თანხა.  ხომ არ  არის  საჭირო გამოგვეყო გამოჩენილი პროფესორი ან  გამოჩენილი პირი და ეს  თანხა  ახლავე ჩაგვედო?

   პროფ. ქეთევან ქოქრაშვილი  _ ბატონ დავითს და კომისიის შემადგენლობას მინდა   მადლობა გადაუხადო თანამშრომლობისათვის. _   თუ   არ   იქნება   განსაზღვრული   გამოჩენილი პროფესორის ან გამოჩენილი პირის, დეფინიცია, მაშინ არ   გვეცოდინება   თუ  ვის მივაკუთვნოთ   იგი   ეს აკადემიური         საბჭოს      გადასაწყვეტია.     _ ბიზნეს სკოლის საკითხთან  დაკავშირებით,  _ ქირა მათ   არ    ჰქონდათ    გადასახდელი,   რადგან   ეს სკოლა   შექმნილი   იყო  ტექნიკური  უნივერსიტეტის ბაზაზე.  ტექნიკური უნივერსიტეტი იყო დამფუძნებელი და  სტუდენტები  ითვლებოდნენ  სტუ-ს სტუდენტებად. შედეგად  მივიღეთ ის,  რომ ისინი ყველაფერს თვითონ ყიდულობდნენ  და  მათ  მაინც აქვთ ვალი. უბრალოდ მათ   ჭირდებათ   გრაფიკი   და   დრო.  დღეს სტუ-ს ანგარიშზე     დაჯდება    20 000     დოლარი.  სარემონტო   სამუშაოებზე    წინასწარ  ვერ მოხდა

ხარჯების     სკურპულოზური     გაწერა.  მასწავლებლის     და   უფროსი     მასწავლებლის ხელფასი ცალკე პუნქტად გამოყოფილი არ არის და ის სემესტრის     ბოლოს    აღარ      დაკმაყოფილდება.   დაცვის    სამსახურის   შემოყვანა   გადავწყვიტეთ, იმიტომ რომ ნელ-ნელა  ჩვენ უნდა შემოვიტანოთ ისეთი მომსახურება,  რომელიც არის საკმაოდ    მომგებიანი. იმის გამო,  რომ არსებობს შანსი  იმისა,  რომ  დაცვაიაფად ვიყოდოთ,  ჩვენ  გამოგვინთავისუფლდება 300 000 ლარი.  ყველა მომსახურებას, რომელიც 50 000 ლარზე მეტია   სჭირდება   ტენდერი.   ჩვენ   გამოვაცხადებთ ტენდერს    დაცვაზე  და  მოიგებს  ის, რომელიც იაფად  და    კარგად  შემოგვთავაზებს'ამ სამუშაოს.  

ჩვენ      წესრიგი      გვაქვს     'დასაცავი.  

 

წარმომადგენლობით საბჭოს სხდომას ესწრებოდა სტუ-ს რექტორი, რომელმაც მადლობა გადაუხადა ადმინისტრაციის ხელმძღვანელს და განსაკუთრებით წარმომადგენლობითი საბჭოს საფინანსო და ეკონომიკური საკითხების შემსწავლელ მუდმივმოქმედ კომისიას და მის თავმჯდომარეს პროფ. დავით ჯაფარიძეს  ბიუჯეტის პროექტის შემუშავების პროცესში აქტიური მონაწილეობისთვის.

 

 

   სპიკერმა, პროფ. ეკატერინე თევზაძემ წარმომადგენლობითი საბჭოს წევრებს აუწყა, რომ დღის წესრიგით გათვალისწინებული საკითხები ამოიწურა, საბჭოს წევრებს მადლობა გადაუხადა სხდომაში მონაწილეობისთვის და სხდომა დახურულად გამოაცხადა.

 

 

წარმომადგენლობითი საბჭოს

სპიკერი, პროფესორი                                     /ეკატერინე თევზაძე/

 

სხდომის მდივანი,

ასოცირებული პროფესორი                                /გინა გურეშიძე/