სახალხო თეატრი
საქართველოს პოლიტექნიკურ ინსტიტუტის სახალხო თეატრის პოპულარობა საქართველოს ფარგლებს გასცდა და საერთაშორისო აღიარება მოიპოვა. თეატრის სპექტაკლები იხილა გერმანიის ფედერაციული რესპუბლიკის, ამერიკის შეერთებული შტატების, ფინეთის, პოლონეთისა და სხვა ქვეყნების მრავალმა მაყურებელმა. თეატრი არის საკავშირო და საერთაშორისო ფესტივალის არაერთგზის ლაურეატი.
„მოდი ნახე“
1975 წლიდან საქართველოს პოლიტექნიკური ინსტიტუტის სტუდენტურ დრამატულ კოლექტივს თეატრი-სტუდია „მოდი ნახე“ ეწოდა, რომლის რეჟისორად სტუ-ის კურსდამთავრებული ნუგზარ ბუცხრიკიძე დანიშნეს. ოთხი წლის შემდეგ სტუდიას სახალხო თეატრის საპატიო წოდება მიენიჭა.
1980
1980 წელს თეატრმა ლიეტუვაში, კერძოდ, კაუნასსა და ვილნიუსში პირველი და მეორე საკავშირო ფესტივალების ლაურეატის წოდება დაიმსახურა.
1986
სპი-ს თეატრმა დიდ წარმატებას მიაღწია 1986 წელს გერმანიის ფედერაციულ რესპუბლიკაში. სცენაზე წარადგინეს რევაზ გაბრიაძის მოთხრობების მიხედვით შექმნილი სპექტაკლი „უცხო ჩიტი“, რომელსაც მომდევნო წელს ნიდერლანდების (მაშინდელი ჰოლანდიის) ქალაქ უტრეხტში მოყვარულთა თეატრების მსოფლიოს ფესტივალზე გრან პრი მიენიჭა.
1988
სტუდენტურ დასს 1988 წლის ივნისში ფინეთის საერთაშორისო ფესტივალზეც გრან პრი ერგო. „მოდი ნახე“ იყო პირველი ქართული თეატრალური კოლექტივი, რომელიც აშშ-ს ეწვია. ამერიკაში თეატრმა ორი სპექტაკლი წარადგინა: ლაშა თაბუკაშვილის „ათვინიერებენ მიმინოს“ და რევაზ გაბრიაძის „უცხო ჩიტი“.
„ტრიუმფი“
„მოდი ნახეს“ მორიგი ტრიუმფი იაპონიაში მსოფლიოს მოყვარულთა ფესტივალზე ჰქონდა. ვადიმ კოროსტილევის „ფიროსმანს“ გრან პრი ხვდა, საუკეთესო რეჟისურისთვის ნუგზარ ბუცხრიკიძემ, ხოლო მამაკაცის როლის საუკეთესო შესრულებისთვის თამაზ კაპანაძემ და თამაზ ბეიტრიშვილმა მთავარი პრიზები დაიმსახურეს.
1986
გერმანიაში კარლსრუეს „სანდკორნის“ თეატრში გურამ დოჩანაშვილის პიესით – „ხორუმი ქართული ცეკვაა“.
100 წლის იუბილე
ამჟამად თეატრში 100-ზე მეტი სცენის მოყვარული მოღვაწეობს. „მოდი ნახემ“ სტუ-ის 100 წლისთავთან დაკავშირებით დადგა ა. ჯოვანინის პიესა – „ღმერთმა შექმნა ადამიანი“, რომელიც ავტორმა მოიწონა და თეატრი საგასტროლოდ იტალიის დედაქალაქში მიიწვია.
