სტუ-ში დღეისათვის 11 ფაკულტეტი, 15 სამეცნიერო-კვლევითი ინსტიტუტი და 1 ცენტრი ფუნქციონირებს, რაც ნიშნავს რომ აბიტურიენტს ფაკულტეტების მრავალფეროვანი არჩევანი აქვს, როგორც საინჟინრო, ასევე ჰუმანიტარული მიმართულებით.
სტუდენტებს პირველივე კურსიდან აქვთ შესაძლებლობა, პარტნიორ ორგანიზაციებში გაიარონ სტაჟირება (ხშირ შემთხვევაში ანაზღაურებადი), მიიღონ პრაქტიკული გამოცდილება და გაიღრმავონ პროფესიული ცოდნა.
სწავლის პარალელურად, სტუ-ის სტუდენტები ჩართულები არიან მრავალ სპორტულ თუ კულტურულ ღონისძიებაში.უნივერსიტეტში წარმატებით ფუნქციონირებს რაგბის, ფეხბურთის, ძიუდოს, ქართული ჭიდაობის, ბილიარდის, ჭადრაკის, შაშის, სამბოს, ბოულინგის, ფრენბურთის, თოვლისა და ქვიშის ფრენბურთის სპორტული გუნდები და კალათბურთის ნაკრები. სტუ-ის სპორტის ამ სახეობებში, არაერთი მნიშვნელოვანი ჯილდო აქვს მოპოვებული, როგორც საქართველოში, ისე მის ფარგლებს გარეთ.სახელგანთქმულია საქართველოს ტექნიკური უნივერსიტეტის სახალხო თეატრი „მოდინახე“, ვაჟთა კაპელა, „გეპეის ჯაზ ორკესტრი“, ქორეოგრაფიული ანსამბლი „მერანი“, სტუდენტ გოგონათა ანსამბლი „ქალდეა“ და სხვა მუსიკალური ჯგუფები.
საქართველოს ტექნიკური უნივერსიტეტი სტუდენტებისთვის გასცემს რამდენიმე სახეობის სტიპენდიას:
ეს არის ყველაზე გავრცელებული სტიპენდია.
ოდენობა: 150 ლარი თვეში.
სტუ რეგულარულად აქვეყნებს ინფორმაციას სხვადასხვა საერთაშორისო სასტიპენდიო კონკურსის შესახებ, მაგალითად:
სტუ-ს ფაკულტეტებზე მოქმედებს სახელობითი სტიპენდიების პროგრამა, თუმცა მათი ჩამონათვალი ყოველ წელს შეიძლება განახლდეს.
სახელობითი სტიპენდიის მიღება შესაძლებელია სახელმწიფო სტიპენდიასთან ერთადაც, თუ სტუდენტი ორივე კონკურსის პირობებს აკმაყოფილებს.
დროდადრო ცხადდება კერძო კომპანიებისა და პარტნიორი ორგანიზაციების მიერ დაფინანსებული სტიპენდიებიც. ასეთი პროგრამები დამოკიდებულია მიმდინარე თანამშრომლობებზე და ყოველ წელს შეიძლება განსხვავდებოდეს.
სტუ-ის მჭიდრო თანამშრომლობა აქვს ევროპის 17 ქვეყნის 68 უნივერსიტეტთან, სადაც სტუდენტებს შეუძლიათ განახორციელონ მობილობა Erasmus+ პროგრამის ფარგლებში და ამავე პროგრამის დაფინანსებით. ასეთი ქვეყნებია იტალია, ესპანეთი, გერმანია, თურქეთი, პოლონეთი, საფრანგეთი, პორტუგალია, შვედეთი, საბერძნეთი და სხვა.
