სტრუქტურული ერთეულები

რექტორის აპარატი თავის საქმიანობას წარმართავს საქართველოს კონსტიტუციის, „უმაღლესი განათლების შესახებ” საქართველოს კანონის, უნივერსიტეტის წესდებით, წინამდებარე დებულებით, სამუშაოთა აღწერილობებისა და საქართველოს მოქმედი კანონმდებლობის შესაბამისად. დეპარტამენტის მიზანია საკუთარი კომპეტენციის ფარგლებში რექტორისათვის ორგანიზაციულ-ტექნიკური, საინფორმაციო მომსახურების გაწევა და აუცილებელი სამუშაო პირობების უზრუნველყოფა.

აკადემიური საბჭო თავის საქმიანობას წარმართავს საქართველოს კონსტიტუციის, „უმაღლესი განათლების შესახებ“ საქართველოს კანონის, უნივერსიტეტის წესდებისა და სხვა ნორმატიული აქტების შესაბამისად. უნივერსიტეტის აკადემიური საბჭოს რეგლამენტი განსაზღვრავს აკადემიური საბჭოს უფლებამოსილების განხორციელების წესს, პროცედურას და სავალდებულოა ყველა წევრისთვის. აკადემიური საბჭოს საქმიანობასთან დაკავშირებულ ყველა საკითხს, რომელიც არ არის მოწესრიგებული რეგლამენტით, აკადემიური საბჭო წყვეტს დადგენილებით.

წარმომადგენლობითი საბჭოს (სენატის) მუშაობის წესი და პროცედურები განისაზღვრება უნივერსიტეტის წესდებით, თანდართული რეგლამენტით და სხვა სამართლებრივი აქტებით. რეგლამენტი მიიღება და, საჭიროების შემთხვევაში, მასში ცვლილებები შედის სენატის მიერ. წარმომადგენლობითი საბჭოს (სენატის) მუშაობა დაფუძნებულია საჯაროობის, სამართლიანობის, გამჭვირვალობის და პიროვნების თავისუფლების პრინციპებზე.

ადმინისტრაციის ხელმძღვანელის (კანცლერის) აპარატი თავის საქმიანობას წარმართავს საქართველოს კონსტიტუციის, „უმაღლესი განათლების შესახებ” საქართველოს კანონის, საქართველოს ტექნიკური უნივერსიტეტის წესდების, თანდართული დებულების, აპარატის პერსონალის სამუშაოთა აღწერილობებისა და საქართველოს მოქმედი კანონმდებლობის შესაბამისად. აპარატის ძირითადი ფუნქციაა საკუთარი კომპეტენციის ფარგლებში ადმინისტრაციის ხელმძღვანელისთვის (კანცლერისთვის) ორგანიზაციულ-ტექნიკური, საინფორმაციო მომსახურების გაწევა და აუცილებელი სამუშაო პირობების უზრუნველყოფა.

საერთაშორისო აკრედიტაციის ცენტრი თავის საქმიანობას წარმართავს საქართველოს კონსტიტუციის, „უმაღლესი განათლების შესახებ” საქართველოს კანონის, უნივერსიტეტის წესდებით, წინამდებარე დებულებით, ცენტრის პერსონალის სამუშაოთა აღწერილობებისა და საქართველოს მოქმედი კანონმდებლობის შესაბამისად. ცენტრის მიზანია, უნივერსიტეტის ხარისხის უზრუნველყოფის სამსახურის კოორდინაციით, უნივერსიტეტის საგანმანათლებლო პროგრამებისთვის საერთაშორისო აკრედიტაციის მიღების მიზნით კანონმდებლობით გათვალისწინებული ღონისძიებების განხორციელება.

საერთაშორისო ურთიერთობების დეპარტამენტის მიზანია უნივერსიტეტის მასშტაბით საერთაშორისო აქტივობების ეფექტიანი კოორდინაცია, სტუდენტების მობილობის პროცესის ხელშეწყობა, საერთაშორისო ღონისძიებების ორგანიზება, უნივერსიტეტის საერთაშორისო ცნობადობის ამაღლება.

ტექნოლოგიებისა და საგრანტო პროექტების ოფისის მიზანია, უნივერსიტეტის აკადემიურ პერსონალს, ადმინისტრაციულ პერსონალსა და სტუდენტებს გაუწიოს დახმარება კვლევითი განვითარებისა და ინსტიტუციური რეფორმების დაფინანსების წყაროების მოძიებაში; უნივერსიტეტის მასშტაბით და თავისი კომპეტენციის ფარგლებში ხელი შეუწყოს სამეცნიერო კვლევების განვითარებას; უზრუნველყოს დაფინანსებული პროექტების მართვის პროცესის მხარდაჭერა.

საგამომცემლო სახლი „ტექნიკური უნივერსიტეტი“ თავის საქმიანობას წარმართავს უნივერსიტეტის სარედაქციო-საგამომცემლო საბჭოსთან თანამშრომლობით, რაც მოიცავს უნივერსიტეტის მასშტაბით საგამომცემლო საქმიანობის ხელმძღვანელობას, კოორდინაციასა და კონტროლს. ამასთანავე, გამომცემლობის მიზანია, სასწავლო, სამეცნიერო, მეთოდური, საცნობარო ლიტერატურის გამოცემით ხელი შეუწყოს სრულფასოვანი სასწავლო გარემოს შექმნასა და სამეცნიერო-ლიტერატურული ბაზის გაუმჯობესებას; გაამდიდროს უნივერსიტეტის ბიბლიოთეკის ფონდი, მიაწოდოს გამოცემული ლიტერატურა საქართველოსა და საზღვარგარეთის ქვეყნების ბიბლიოთეკებს და ამით გაზარდოს უნივერსიტეტის საგამომცემლო საქმიანობის ცნობადობა.

სტამბის მიზანია, პოლიგრაფიული საქმიანობით ხელი შეუწყოს სასწავლო, სამეცნიერო, მეთოდური, საცნობარო ლიტერატურის გამოცემას, სრულფასოვანი სასწავლო გარემოს შექმნასა და სამეცნიერო-ლიტერატურული ბაზის გაუმჯობესებას; ასევე, უნივერსიტეტის მასშტაბით უხელმძღვანელოს პოლიგრაფიულ საქმიანობას.

ადამიანური რესურსების მართვისა და საქმისწარმოების სამსახურის მიზნებია საქართველოს ტექნიკური უნივერსიტეტის სტრატეგიული მიზნების შესასრულებლად მაღალკვალიფიციური ადამიანური კაპიტალით უზრუნველყოფა, ადამიანური კაპიტალის განვითარება და ეფექტური ადმინისტრირების უზრუნველყოფა. საქმისწარმოებისა და დოკუმენტბრუნვასთან დაკავშირებული ურთიერთობების მოწესრიგება საქართველოს კანონმდებლობის შესაბამისად, ერთიანი საქმისწარმოების სისტემის უზრუნველყოფა და არქივის მართვა.

სასწავლო პროცესების მართვის სამსახურის მიზანია საქართველოს განათლებისა და მეცნიერების სფეროში ნორმატიული აქტების შესრულების უზრუნველყოფა, საქართველოს ტექნიკური უნივერსიტეტის საერთაშორისო საგანმანათლებლო სივრცეში ინტეგრაციის ხელშეწყობა, კონკურენტუნარიანი სპეციალისტების მომზადების პროცესის ხელშეწყობა.

სწავლა-სწავლების ცენტრის ძირითადი მიზანია: უნივერსიტეტის აკადემიური, მასწავლებელთა, სამეცნიერო, ადმინისტრაციული და დამხმარე პერსონალის, პროფესიული მასწავლებლების, სტუდენტების პროფესიული განვითარების ხელშეწყობა და უზრუნველყოფა.

მეცნიერებისა და ინოვაციების დეპარტამენტი ძირითადი ფუნქციაა უნივერსიტეტში სამეცნიერო პოლიტიკის დაგეგმვა და მართვა; სამეცნიერო-კვლევითი საქმიანობის განსაზღვრის ორგანიზება; მეცნიერების განვითარების ხელშეწყობა და მისი დაფინანსება. დეპარტამენტი ეხმარება ახალგაზრდა მკვლევრებს და მეცნიერებს სამეცნიერო საქმიანობაში. ასევე, მეცნიერების განვითარებისა და პოპულარიზაციის მიზნით, ხელს უწყობს საერთაშორისო კონფერენციების, ფორუმების, სიმპოზიუმების, საზაფხულო სკოლების ორგანიზებას და უნივერსიტეტის მხარდაჭერას საგანმანათლებლო და სამეცნიერო-კვლევით პროცესებში.

სამართლებრივი უზრუნველყოფისა და სტრატეგიული განვითარების სამსახური (შემდგომში – სამსახური) თავის საქმიანობაში ხელმძღვანელობს საქართველოს მოქმედი კანონმდებლობით, უნივერსიტეტის სამართლებრივი აქტებითა და თანდართული დებულებით. სამსახური, თავისი კომპეტენციის ფარგლებში, ასრულებს უნივერსიტეტის აკადემიური საბჭოს, წარმომადგენლობითი საბჭოს (სენატი), რექტორისა და ადმინისტრაციის ხელმძღვანელის (კანცლერის) მიერ კანომდებლობის საფუძველზე დაკისრებულ დავალებებს და ანგარიშვალდებულია ადმინისტრაციის ხელმძღვანელის (კანცლერის) წინაშე.

საფინანსო სამსახურის მიზანია უნივერსიტეტის ეფექტიანი ფინანსური მენეჯმენტის განხორციელება, ფინანსური სიჯანსაღისა და მდგრადობის უზრუნველყოფა, ეფექტური და ეფექტიანი აღრიცხვა-ანგარიშგების სისტემის დანერგვა და ადმინისტრირება.

შესყიდვების დეპარტამენტის მიზანია საქართველოს ტექნიკური უნივერსიტეტის შესყიდვების პროცესის ეფექტურად და ეფექტიანად მართვა.

შიდა აუდიტის სამსახურის ძირითადი ფუნქციაა, უნივერსიტეტის სტრუქტურული ერთეულების შიდა აუდიტი და მონიტორინგი. სამსახური თავის საქმიანობას წარმართავს დამოუკიდებლობის, ობიექტურობის, პროფესიონალიზმის, საჯაროობის, გამჭვირვალობის, კანონიერების, კონფიდენციალურობის, მიუკერძოებლობის, სამართლიანობის და ინდივიდუალიზაციის პრინციპებზე დაყრდნობით.

ინფრასტრუქტურის განვითარების საუნივერსიტეტო სამსახურის მიზანია საქართველოს ტექნიკური უნივერსიტეტის შენობა-ნაგებობებისა და სხვა ფიზიკური აქტივების მოვლა-პატრონობა, უნივერსიტეტის მასშტაბით სამშენებლო და სარემონტო პროექტების დაგეგმვა და მართვა, სასაწყობე მეურნეობისა და მიწოდების ჯაჭვის მართვა და უნივერსიტეტში შრომის უსაფრთხოების ხელშეწყობა.

დაცვის და უსაფრთხოების სამსახური თავის საქმიანობას წარმართავს საქართველოს კონსტიტუციის, „უმაღლესი განათლების შესახებ” საქართველოს კანონის, საქართველოს ტექნიკური უნივერსიტეტის წესდებით, წინამდებარე დებულებით, სამსახურის პერსონალის სამუშაოთა აღწერილობებისა და საქართველოს მოქმედი კანონმდებლობის შესაბამისად. სამსახურის მიზანია უნივერსიტეტის პერსონალის და სტუდენტების უსაფრთხოების უზრუნველყოფა; ამასთანავე, ყველა შენობა-ნაგებობის, სასწავლო და არასასწავლო ინვენტარის დაცვა-უსაფრთხოებაზე ზრუნვა.

საზოგადოებასთან ურთიერთობის ჯგუფის მიზანია სტუდენტებს, ადმინისტრაციის თანამშრომლებს, პროფესორ-მასწავლებლებს, მკვლევრებსა და დეპარტამენტის თანამშრომლებს შორის ურთიერთობების გაღრმავება, უნივერსიტეტში მიმდინარე ყველა პროცესის გაშუქება და სპეციალური პროგრამების მომზადება საუნივერსიტეტო ტელევიზიით.

სტუდენტური სერვისების, კულტურისა და სპორტის დეპარტამენტის მიზნებია: კულტურის, ხელოვნების, ჯანსაღი ცხოვრებისა და სპორტის პოპულარიზაცია საუნივერსიტეტო სივრცეში და ამ მიზნით არსებული ინფრასტრუქტურის მაქსიმალურად ეფექტიანად გამოყენება; უნივერსიტეტში არსებული ინფრასტრუქტურის განვითარებაზე ზრუნვა, სტუდენტებისა და აკადემიური პერსონალისთვის მათი ინტერესების შესაბამისი გარემოსა და კომფორტული პირობების შესაქმნელად.

მარკეტინგისა და კომუნიკაციების ცენტრი ხელს უწყობს უნივერსიტეტის იმიჯის ფორმირებას და ბრენდის ცნობადობის გაზრდას. ჩვენ ვქმნით ეფექტიან და მიზანმიმართულ კომუნიკაციას, რომელიც უნივერსიტეტის ღირებულებებს და მიღწევებს წარმოაჩენს. ჩვენი გუნდი ხელს უწყობს მჭიდრო თანამშრომლობას როგორც შიდა, ასევე გარე აუდიტორიებთან, რათა წავახალისოთ მათი ჩართულობა და შესაბამისად გავაძლიეროთ უნივერსიტეტის მისია და მისი მნიშვნელობა თანამედროვეობაში.