სტუ-ის ვიზუალური იდენტობა
2022
2022 წელს, საქართველის ტექნიკური უნივერსიტეტის დაარსებიდან საუკუნოვან იუბილეზე, ბრენდის ვიზუალური იდენტობა განახლდა - სტუ-ის ლოგო და გერბი შეიცვალა.
100-წლიანი სწავლების გამოცდილების მქონე უნივერსიტეტისთვის შეიქმნა ახალი ბრენდი, რომელსაც აქვს ამბიცია თანამედროვეობასთან ჰარმონიაში მოიყვანოს კონსერვატიული და აკადემიური მიდგომები.
რებრენდინგის შედეგად სტუ-ის ლოგოდ უნივერსიტეტის დასახელების აბრევეატურა „სტუ“ შეირჩა.
სტუ-ის გერბად წარმოდგენილია საქართველოს ტექნიკური უნივერსიტეტის ისტორიული შენობის ერთ-ერთი დამახასიათებელი ფრაგმენტი – სვეტი, რომელიც ძალას – ცოდნის მიღების ძალას აღნიშნავს, მასზე გამოსახული წიგნი კი განათლების მიღების პროცესს გულისხმობს. გერბს აწერია საქართველოს ტექნიკური უნივესიტეტის მთავარი დევიზი SCIENTIA POTESTAS EST (ცოდნა ძალაა) და უნივერსიტეტის დაარსების წელი 1922
საქართველოს ტექნიკური უნივერსიტეტის ახალი ფერი იისფერია – ტექნოლოგიების, აღმოჩენებისა და ინოვაციების ფერი, რომელიც ასოცირდება მდიდარ ფანტაზიასა და კრეატიულობასთან.