პოსტერების კონკურსი – ,,გაუდაბნოებასთან ბრძოლისა და მიწის მდგრადი მართვის პერსპექტივები საქართველოში’’
გაუდაბნოებასთან ბრძოლის საერთაშორისო დღის აღსანიშნავად გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრი გიწვევთ მონაწილეობის მისაღებად პოსტერების კონკურსში ,,გაუდაბნოებასთან ბრძოლისა და მიწის მდგრადი მართვის პერსპექტივები საქართველოში’’.
გვალვასთან და გაუდაბნოებასთან ბრძოლის საერთაშორისო დღე და ამ დღისადმი მიძღვნილ აქტივობებში ჩართვა არის უნიკალური შესაძლებლობა, შევახსენოთ ყველას, რომ გაუდაბნოების წინააღმდეგ ბრძოლა შესაძლებელი, მისი აღმოფხვრა კი მიღწევადია და რომ მთავარი გზა ამ მიზნამდე მისასვლელად საზოგადოებრივი ჩართულობისა და თანამშრომლობის გაძლიერებაა ყველა დონეზე.
კონკურსში მონაწილეობის მისაღებად მონაწილებმა უნდა შექმნან პოსტერი, გამოგვიგზავნონ და გაგვიზიარონ მათი ხედვები გაუდაბნოებასა და მიწის დეგრადაციასთან საბრძოლველად.
პოსტერში მონაწილეობა შეუძლია ყველას ვინც:
- დაინტერესებულია გარემოსდაცვითი საკითხებით
- ️აცნობიერებს საქართველოში მიწის დეგრადაციისა და გაუდაბნოების პრობლემის სიმწვავეს
- ️ფიქრობს, რომ შეუძლია საკუთარი განსხვავებული ხედვებისა და გზების შემოთავაზება ამ პრობლემების გადასაჭრელად
პოსტერები მონაწილეებმა უნდა გამოგვიგზავნონ 17 ივნისის ჩათვლით ელექტრონულად, PDF ფორმატში ელ.მისამართზე: info@eiec.gov.ge
10 საუკეთესო პოსტერის ავტორისთვის გაიმართება ლექცია-სემინარი საქართველოში გაუდაბნოებისა და მიწის მდგრადი მართვის საკითხებზე. ამავე ღონისძიებაზე მოეწყობა პოსტერების გამოფენა და გამოვლინდება 3 საუკეთესო პოსტერი, რომელთა ავტორებიც დაჯილდოვდებიან სპეციალურად დაწესებული პრიზებით!
კონკურსთან დაკავშირებული დეტალები ვრცლად იხილეთ ბმულზე: https://bit.ly/2XlWoec