გარემოს დაცვითი ინჟინერია

უზრუნველყოს კურსდამთავრებული გარემოსდაცვითი ინჟინერიის სფეროს ფართო ცოდნით, შრომის ბაზარზე არსებულ თანამედროვე მოთხოვნებთან შესაბამისი, დარგისათვის საჭირო უნარ-ჩვევებითა და პროფესიული კომპეტენციებით;

შეასწავლოს სტუდენტს გარემოს ობიექტების ხარისხის ნორმატივები, მასზე მოქმედ მავნე ნივთიერებათა, აგრეთვე ბუნებრივი და ანთროპოგენული ფაქტორების ზეგავლენით გამოწვეული ბიოსფეროს წონასწორობის რღვევა და კლიმატური ცვლილებები;

სტუდენტები დაეუფლონ გარემოს ობიექტების დაცვის თვალსაზრისით დამაბინძურებელი წყაროებისა და ქიმიური ნივთიერებების მნიშვნელობების მიხედვით ეკოლოგიური მონიტორინგის ჩატარების პრინციპებს;

მისცეს სტუდენტს უნარჩენო ან მცირენარჩენიანი ტექნოლოგიის თვალთაზრისით სამრეწველო აეროზოლებისა და ჩამდინარე წყლების გაწმენდის მეთოდების, აპარატებისა და საშუალებების, აგრეთვე მეორადი მასალების გადამუშავების ფართო ცოდნა.