ინფორმატიკა

პროგრამის მიზანია მაღალკვაკიფიციური კადრების მომზადება, რომლებსაც ექნებათ საერთაშორისო ბაზრის მოთხოვნების შესაბამისი თეორიული და პრაქტიკული ცოდნა სახელმწიფო სტრუქტურების, მსხვილი კორპორაციების, მცირე ბიზნესისა და სხვადასხვა დარგის მეცნიერებების მოთხოვნების განსახორციელებლად:

• საინფორმაციო-საკომუნიკაციო ტექნოლოგიების, ასევე კორპორაციული ინფორმაციული სისტემების შექმნა, დანერგვა და ექსპლუატაცია;
• IT სერვისების დამუშავება, მათი სასიცოცხლო ციკლის ანალიზის და ეფექტური მართვის პრინციპების ჩამოყალიბება;
• ორგანიზაციული მართვის ობიექტების სისტემური ანალიზი, მათი მიზნების, ბიზნეს-ფუნქციების გამოვლენა, ლოჯისტიკური მენეჯმენტის ბიზნეს-პროცესების კლასიფიკაცია, მათი მოდელირება ობიექტ-ორიენტირებული და პროცეს-ორიენტირებული მიდგომებით;
• ინფორმაციული სისტემების სისუსტეებისა და საფრთხეების ანალიზი და მათი გადაწყვეტა ხელოვნურ ინტელექტში არსებული რთული ამოცანების ამოხსნის მეთოდებითა და გადაწყვეტილების მიღების მხარდამჭერი სისტემების საშუალებით;
• მოქმედ ორგანიზაციულ სამართლებრივ ბაზაზე დაყრდნობით, ნებისმიერი ტიპის ორგანიზაციის ინფორმაციული უსაფრთხოების კონცეფციის ჩამოყალიბება და კომპლექსური დაცვის სისტემის უზრუნველყოფა სხვადასხვა მეთოდებითა და საშუალებებით;
• ვებ და მულტიმედიური პროექტების შექმნა, მართვა და დანერგვა სხვადასხვა სამეცნიერო, საინჟინრო, საგანმანათლებლო, ინოვაციურ, კომერციულ და შემოქმედებით სფეროში;

პროგრამა უზრუნველყოფს ასევე სტუდენტის მიერ პერსპექტიული მიმართულების არჩევის საშუალებას, რომელშიც შესაძლებელია ახალი დასაქმების ბაზრების აღმოჩენა, საკუთარი საქმიანობის ორგანიზება ან შრომითი მოწყობა ვაკანსიებზე მოწინავე პროექტების შესასრულებლად.