მასალათმცოდნეობა

პროგრამის მიზანია: უზრუნველყოს კურსდამთავრებული მასალათმცოდნეობის სფეროს ფართო თეორიული და პრაქტიკული ცოდნით, შრომის ბაზარზე არსებულ თანამედროვე მოთხოვნებთან შესაბამისი, დარგისათვის საჭირო უნარ-ჩვევებითა და პროფესიული კომპეტენციებით;

შეასწავლოს სტუდენტს მასალათმცოდნეობის საფუძვლები, ლითონური და არალითონური მასალების აგებულება, ფიზიკურ-მექანიკური თვისებები და ქიმიური შედგენილობა, სტრუქტურასა და თვისებებს შორის კავშირი, ტექნოლოგიური პროცესების მართვის ძირითადი პრინციპები და კანონზომიერებები, ტექნოლოგიური პროცესების უსაფრთხო წარმართვა და ტექნიკური და ტექნოლოგიური საშუალებების გარემოს დაცვითი მოთხოვნების მიხედვით ექსპლუატაცია, პროდუქციის ხარისხის ექსპერტიზის მეთოდოლოგია;

შეასწავლოს ტექნიკაში გამოყენებული უმთავრესი და ახალი საკონსტრუქციო მასალების თვისებები, მათი გამოყენების სფეროები. მოწყობილობა-დანადგარების მუშაობის პრინციპები და ტექნოლოგიური რეჟიმები.