საზოგადოებასთან ურთიერთობა

პროგრამის მიზანია შეასწავლოს სტუდენტს როგორც მომხმარებლის ქცევისა და მოთხოვნილებების თავისებურებები, ასევე ორგანიზაციებსა და ინდივიდებს შორის პროდუქციისა და მომსახურების გაცვლის პროცესების ხელშეწყობის ტექნოლოგიები;

შესძინოს სტუდენტს საზოგადოებასთან ურთიერთობების სფეროს ფართო ცოდნა, რომელიც მოიცავს, თეორიების, პრინციპების, სტრატეგიული საკომუნიკაციო გეგმების შესწავლას და კრიტიკულ გააზრებას;

გამოუმუშაოს სტუდენტს საზოგადოებასთან ურთიერთობის სფეროში არსებული ამოცანების, ეფექტური კომუნიკაციის, პრობლემების გადაჭრის და დამოუკიდებელი სამუშაოს შესრულებისთვის აუცილებელი პრაქტიკული უნარები;

მოამზადოს საზოგადოებასთან ურთიერთობის დარგში არსებული შრომის ბაზრის მოთხოვნებთან თავსებადი კომპეტენციების მქონე კურსდამთავრებული, რომელსაც ექნება უწყვეტი პროფესიული განვითარებისა და შემდგომ საფეხურზე სწავლის გაგრძელების მყარი საფუძველი.