DAAD გაცვლითი პროგრამა ულმის გამოყენებით მეცნიერებათა უნივერსიტეტში – 2025-2026 აკადემიური წლის II სემესტრი (სტუდენტებისთვის)

ულმის გამოყენებით მეცნიერებათა უნივერსიტეტი (Ulm University of Applied Sciences – Hochschule Ulm) (ულმი, გერმანია) DAAD – გერმანიის აკადემიური გაცვლის სამსახურის “აღმოსავლეთ პარტნიორობის” პროექტის (“Ostpartnerschaften“) ფარგლებში აცხადებს კონკურსს სასტიპენდიო პროგრამაზე 2025-2026 აკადემიური წლის საგაზაფხულო სემესტრისთვის (სექტემბერი – დეკემბერი).

შერჩევის პროცედურა:

ბაკალავრიატისა და მაგისტრატურის სტუდენტებისთვის

სტუ-ს საერთაშორისო ურთიერთობათა დეპარტამენტში საბუთების მიღების ბოლო ვადა: 26.09.2025.

უცხოურ ენაში ტესტირების ბოლო ვადა: 30.09.25.

საკონკურსო კომისიასთან გასაუბრების ბოლო ვადა: 03.10.25.

ნომინირებულ სტუდენტებს მიმღები უნივერსიტეტი გაუგზავნის ონლაინ სააპლიკაციო ფორმას შემდგომი პროცედურებისთვის. მიმღებ უნივერსიტეტში შევსებული სააპლიკაციო ფორმების წარდგენის ბოლო ვადა: 01.11.2025.

პროექტის ფარგლებში განსაზღვრულია საქართველოს ტექნიკური უნივერსიტეტიდან ბაკალავრიატის ან მაგისტრატურის საფეხურის 1 სტუდენტის მობილობა (მარტი/აპრილი – ივნისი/ივლისი).

სასარგებლო ბმულები:

ულმის გამოყენებით მეცნიერებათა უნივერსიტეტში გაცვლითი პროგრამის შესახებ საინფორმაციო ფურცელი, მათ შორის, ინგლისურენოვანი კურსები და მათი აღწერები, საინფორმაციო ვიდეო საერთაშორისო სტუდენტებისათვის, იხილეთ აქ. ელექტროიჟინერიისა და საინფორმაციო ტექნოლოგიების სასწავლიო კურსი სრულად ინგლისურ ენაზეა.

გერმანულენოვანი კურსები იხილეთ აქ. B2 დონეზე გერმანული ენის მცოდნე სტუდენტს შეუძლია ულმის გამოყენებით მეცნიერებათა უნივერსიტეტის ნებისმიერ საბაკალავრო პროგრამაზე სწავლა.

210 კრედიტის მქონე ბაკალავრებს შეუძლიათ სამაგისტრო კურსის არჩევა.

გარდა სასწავლო კურსებისა, სტუდენტს შეუძლია ულმის გამოყენებით მეცნიერებათა უნივერსიტეტში განახორციელონ პრაქტიკა/სტაჟირება/ პროექტზე მუშაობა ან იმუშაოს საბაკალავრო ან სამაგისტრო ნაშრომზე მიმღები უნივერსიტეტის შესაბამის ლაბორატორიაში. ამ შემთხვევაში, ხელმძღვანელი პროფესორის შესარჩევად აუცილებელი იქნება სტუდენტმა დროულად აცნობოს მიმღებ უნივერსიტეტს თავისი ინტერესის სფერო და ამასთან დაკავშირებით, თავისი კვალიფიკაცია.

ინფორმაცია ულმის გამოყენებით მეცნიერებათა უნივერსიტეტში კვლევითი პროექტების შესახებ იხილეთ აქ.

ულმში ცხოვრებასა და სწავლასთან დაკავშირებით სასარგებლო ინფორმაცია იხილეთ აქ.