შრომის უსაფრთხოების ლაბორატორია
შრომის უსაფრთხოება პერსპექტიული და მოთხოვნადი პროფესიაა. საქართველოს მასშტაბით მხოლოდ საქართველოს ტექნიკური უნივერსიტეტის სამთო-გეოლოგიური ფაკულტეტის შრომის უსაფრთხოებისა და საგანგებო სიტუაციების მართვის N 304-ე დეპარტამენტში წარმოებს კვალიფიციური კადრების მომზადება უმაღლესი განათლების აკადემიური პროგრამებით. არსებული საგანმანათლებლო პროგრამების მიზანია შრომის ბაზრის მოთხოვნების შესაბამისად კვალიფიციური სპეციალისტების მომზადება, სამუშაო ადგილების უსაფრთხო ორგანიზება და დაგეგმვა, შრომის პირობების გაუმჯობესება, შრომის პროცესში წარმოქმნილი საფრთხეების იდენტიფიცირება და რისკების მართვა.
დეპარტამენტში არსებობს აუცილებელი ხელსაწყოებითა და მოწყობილობა-დანადგარებით აღჭურვილი სასწავლო ლაბორატორიები, სამეცნიერო-კვლევითი პროექტების განხორციელებისთვის საჭირო აპარატურა, თანამედროვე საპროექციო საშუალებებითა და კომპიუტერული ტექნიკით აღჭურვილი სასწავლო აუდიტორიები, პროფესორ ვახტანგ კაშიბაძის სახელობის ხანძარსაწინაღდო ტექნიკის კაბინეტი.
ხანძარსაწინაღო ტექნიკის კაბინეტში წარმოდგენილია ხანძრის ავტომატური ქრობის სტენდები, ასევე, სამეცნიერო-კვლევითი პროექტების განხორციელებისთვის საჭირო აპარატურა, თანამედროვე საპროექციო საშუალებებითა და კომპიუტერული ტექნიკით.