ამფეთქებელი
პროფესიული მომზადების პროგრამა
პროგრამის დონე – III
პროგრამის ხანგრძლივობა კვირებში -13
კვირეული სასწავლო საათობრივი დატვირთვა – 35 სთ.
პროგრამაზე ჩარიცხვის ფორმა – დახურული, პროგრამაზე აპლიკანტთა ჩარიცხვა განხორციელდება პარტნიორი ორგანიზაციის მომართვის საფუძველზე
პროგრამაზე დაშვების წინაპირობები – საბაზო განათლება, ასაკი – 18 წელი
აპლიკანტთა შერჩევის ფორმა – გასაუბრება – პროფესიის მოსინჯვის მეთოდით
პროგრამაზე ჩარიცხვის გამოცხადება – პროგრამაზე სწავლის მსურველი უნდა დაუკავშირდეს საკონტაქტო პირებს, რათა გაარკვიოს როდის გამოცხადდება აპლიკანტთა რეგისტრაცია
პროგრამის მიზნები – კვალიფიციური სპეციალისტების მომზადება სამთო საწარმოებისათვის, სატრანსპორტო გვირაბების, მათ შორის, მეტროპოლიტენის, სარკინიგზო და საავტომობილო გვირაბების მშენებლობის, ჰიდროტექნიკური ნაგებობების, მიწისქვეშა ნაგებობების მშენებლობისათვის.
სწავლის შედეგები (რომელიც აღინიშნება ცოდნით ან/და უნარით ან/და კომპეტენციით)
- ფეთქებადი ნივთიერებების შერჩევა;
- ელექტრული და არაელექტრული ასაფეთქებელი საშუალებების შერჩევა;
- ფეთქებადი ნივთიერებების და ასაფეთქებელი საშუალებების მიღება, ტრანსპორტირება – დასაწყობება, მოსამზადებელი სამუშაოების ჩატარება ცეცხლური და ელექტროაფეთქებისათვის;
- მოსამზადებელი სამუშაოების ჩატარება სადეტონაციო ზონარით და ნონელის ტალღაგამტარით მონტაჟისათვის, ასაფეთქებელი გარემოს შემოწმება, დამრტყმელი ვაზნების დამზადება;
- უსაფრთხოების წესების დაცვით ობიექტის ასაფეთქებლად მომზადება, ელექტრული აფეთქების ქსელის მონტაჟი;
- სადეტონაციო ზონარით და ნონელის ტალღაგამტარებით აფეთქების ქსელის მონტაჟი, ცეცხლგამტარი ზონარის ცალკეულ ბოლოების მონტაჟი მოსაკიდებელ ვაზნაში;
- აფეთქებითი სამუშაოების ჩატარება (ღია სანგრევებზე, მიწისქვეშა სანგრევებში, გაზისა და მტვრის მხრივ საშიშ შახტებში);
- შესრულებული აფეთქებითი სამუშაოების მონიტორინგი, საჭიროების მიხედვით პირველადი დახმარების აღმოჩენა;
- ოპტიმალური შრომითი ურთიერთობების ჩამოყალიბება, სამუშაო გარემოს ორგანიზება;
- მიღწეული სწავლის შედეგების გამოყენებით ზედამხედველობის ქვეშ პროფესიული ამოცანების შესრულება, შესრულებული სამუშაოს ჩაბარება.
მსმენელთა ცოდნის შეფასება – შეფასება განხორციელდება პროგრამის როგორც თეორიულ, ისე პრაქტიკულ ნაწილში.
დასაქმების შესაძლებლობები – კურსდამთავრებული შესაძლოა დასაქმდეს სამთო საწარმოებში, სატრანსპორტო გვირაბების, მათ შორის, მეტროპოლიტენის, სარკინიგზო და საავტომობილო გვირაბების მშენებლობაზე, ჰიდროტექნიკური ნაგებობების, მიწისქვეშა ნაგებობების მშენებლობაზე, ანუ იქ სადაც აფეთქებიტი სამუსაოები ხორციელდება.
პროგრამა ხორციელდება – სამთო გეოლოგიური და მთის მდგრადი განვითარების ფაკულტეტზე
პროგრამისხელმძღვანელი – დავით კუპატაძე
საკონტაქტო პირები – დავით კუპატაძე (ტელ. 593971788)