საქართველოს ტექნიკური უნივერსიტეტის პოლიკლინიკა
ტექნიკური უნივერსიტეტის პოლიკლინიკა ემსახურება სტუდენტებს, სტუ-ს პროფესორ-მასწავლებლებსა და ტექნიკურ პერსონალს.
კლინიკის სერვისები
პოლიკლინიკაში დასაქმებულია დასაქმებულია ჯანდაცვის სამინისტროს რეკომენდაციის შესაბამისი კვალიფიკაციის მქონე სამედიცინო პერსონალი, მათ შორის:
- თერაპევტი
- კარდიოლოგი
- ენდოკრინოლოგი
- სტომატოლოგი (თერაპია)
- ფიზიოთერაპევტი
- რადიოლოგი (ექოსკოპია)
- ოფთალმოლოგი
- ოტორინოლარინგოლოგი
ასევე, ფუნქციონირებს სისხლის კლინიკური და ბიოქიმიური ლაბორატორია.
პოლიკლინიკაში ხელმისაწვდომია ამბულატორიული მომსახურება – კონსულტაციები და დიაგნოსტიკა; ლაბორატორიული და ინსტრუმენტალური კვლევები და რადიოლოგიური კვლევები; გადაუდებელი დახმარება. ჩვენი პრიორიტეტია პროფილაქტიკური მედიცინის განვითარება – დაავადებათა პრევენცია და დაავადების ადრეულ სტადიაზე გამოვლენა.
ტარიფები
სტუ-ის სტუდენტებისთვის სამედიცინო მომსახურება სრულიად უფასოა.
პროფესორ-მასწავლებლებს და ტექნიკურ პერსონალს, სურვილის შემთხვევაში, ხელფასიდან ექვითებათ 1%, რომელიც პოლიკლინიკის ანგარიშზე ირიცხება. აღნიშნული შენატანის საფუძველზე ისინი სამედიცინო მომსახურებას დამატებითი გადასახადის გარეშე იღებენ (გამონაკლისს წარმოადგენს მხოლოდ სტომატოლოგიური სერვისი).
მისამართი და სამუშაო დრო
სამედიცინო კაბინეტები განთავსებულია სტუ-ის I, VI და VIII სასწავლო კორპუსებში.
სამუშაო დღეებია ორშაბათი-პარასკევი, 10:00-16:00 საათი.