საქართველოს ტექნიკური უნივერსიტეტის კურსდამთავრებულები ღირსეულად ამშვენებენ დღეს ქართული ხელოვნების არაერთ დარგს და სპორტის სამყაროს. კულტურისა და სპორტის მრავალ მოღვაწეს აქვს მოპოვებული მსოფლიო აღიარება, დაპყრობილი აქვს უმაღლესი მწვერვალები.
საქართველოს პოლიტექნიკურ ინსტიტუტში შეიქმნა და აქტიურად მოღვაწეობდნენ: სტუდენტთა მინიატიურების საესტრადო თეატრი „სმეთი“, დრამატული კოლექტივი, საესტრადო და ვოკალური ანსამბლები, სიმფონიური ორკესტრი, ქართული ხალხური ცეკვების სტუდია, ფოლკლორული ანსამბლი, „შვიდკაცა“, ხალხურ საკრავთა ტრიო;
საქართველოს პოლიტექნიკურ ინსტიტუტში ფუნქციონირებდა სტუდენტთა სახალხო თეატრი, ვაჟთა სახალხო კაპელა, საესტრადო ორკესტრი, ჯაზკვარტეტი, დრამატული წრეები, საფაკულტეტო ანსამბლები, აგიტმხატვრული ბრიგადები, ვოკალური ჯგუფები, მხატვრული კითხვის წრეები, ახალგაზრდა მხატვართა, ლიტერატურისა და პოეზიის მოყვარულთა, ახალგაზრდა შემოქმედთა წრეები.
60-იან წლებში საქართველოს პოლიტექნიკური ინსტიტუტი იყო ერთ-ერთი მთავარი ცენტრი თბილისში თანამედროვე (ესტრადა, ჯაზი, ბით-მუსიკა) მუსიკისთვის და სწორედ გეპეი-ს გარშემო ვითარდებოდა ახალგაზრდული მუსიკალური მოძრაობა.
საქართველოს პოლიტექნიკური ინსტიტუტის ორკესტრში აიდგა ფეხი გამოჩენილმა ქართველმა მსახიობმა, საქართველოს სახალხო არტისტმა, იუმორისტმა და სატირის თეატრის სამხატვრო ხელმძღვანელმა თენგიზ ჩანტლაძემ, რომელსაც მიაჩნდა, რომ „დღევანდელ ქართულ საესტრადო ხელოვნებას საფუძველი სპი-ს ორკესტრმა ჩაუყარა“.
საქართველოს ტექნიკური უნივერსიტეტის ორკესტრს ე.წ. „გეპეის ორკესტრს“ 2015 წელს დიდი საკონცერტო დარბაზის წინ ვარსკვლავი გაუხსნეს.
ქართული სცენის ყველა დროის ყველაზე დიდმა ვარსკვლავმა სასცენო მოღვაწეობა 1956 წელს საქართველოს ტექნიკური უნივერსიტეტის საესტრადო ორკესტრში დაიწყო.
„შესაძლოა, მომღერალი მაინც გავმხდარიყავი, მაგრამ პირველი წარმატებით მოპოვებული სიხარული მაინც ამ ორკესტრთან არის დაკავშირებული“.
საქართველოს პოლიტექნიკური ინსტიტუტის ორკესტრმა დიდწილად განსაზღვრა საქართველოს სახალხო არტისტის ვახტანგ (ბუბა) კიკაბიძის შემოქმედებითი გზა:
„პოლიტექნიკური ინსტიტუტის საესტრადო ორკესტრი რომ არა, ჩემი ცხოვრება სხვანაირად წარიმართებოდა“.
რობერტ ბარძიმაშვილი, ვოკალისტი, პედაგოგი, საქართველოს სსრ სახალხო არტისტი
გიული ჩოხელი, საბჭოთა კავშირში პირველი ჯაზ-მომღერალი ქალი, საქართველოს სსრ დამსახურებული არტისტი
ირმა სოხაძე, ვოკალისტი, კომპოზიტორი, საქართველოს სსრ დამსახურებული არტისტი
უმაღლეს სასწავლებელს დიდი პოპულარობა მოუტანეს „ცისფერმა ტრიომ“, „ვოკალურმა ტრიომ“, „ახალგაზრდულმა ტრიომ“, ბზვანელის კვარტეტმა და სხვებმა.
მეორე მსოფლიო ომის შემდეგ საბჭოთა კავშირში ჯაზს წითელი შუქი აუნთეს. შეიქმნა ჯაზორკესტრები, თუმცა „გეპეის კვარტეტის“ მსგავსი აღიარება არავის მოუპოვებია. მისი წევრები იყვნენ გურამ ბზვანელი, თამაზ ცინცაძე, გურამ ბაკურაძე და შოთა ხარაბაძე. მათი სიმღერები, ამერიკული ჯაზი კი არა, უმთავრესად, ქართულ თემაზე შექმნილი ორიგინალური ნაწარმოებები იყო.
1956 წლიდან მათ რიგებს ნანი ბრეგვაძეც შეუერთდა. „გეპეის“ სტუდენტურმა ორკესტრმა და კვარტეტმა საბჭოთა კავშირის ყველა ახალგაზრდულ კოლექტივს აჯობეს.
50-იანების მეორე ნახევარში ისეთი პოპულარული გახდნენ, რომ ქართველების სტუმრობისას მოსკოვში დარბაზები ხალხით იყო გადაჭედილი, მათს კონცერტებს კი ცხენოსანი მილიცია იცავდა.
უმაღლესი სასწავლებლის მესვეურთა მხრიდან ნიჭიერ, შემოქმედებით ადამიანებს ყოველთვის დიდი ხელშეწყობა ჰქონდათ. ასეა დღესაც – უნივერსიტეტი ტრადიციას არ ღალატობს.
სასცენო მოღვაწეობა დაიწყო 1956 წელს საქართველოს პოლიტექნიკური ინსტიტუტის საესტრადო ორკესტრში.
მეექვსე საერთაშორისო ახალგაზრდულ-სტუდენტური ფესტივალის (1957) ლაურეატი მოსკოვში, სადაც გურამ ბზვანელის მიერ იოსებ გრიშაშვილის ლექსზე შექმნილი სიმღერა „ჩავაქრე სანთელი“ შეასრულა.
იყო საქართველოს სახელმწიფო საესტრადო ორკესტრ „რეროს“ სოლისტი.
1964 წლიდან ვოკალურ-ინსტრუმენტულ ანსამბლ „ორერაში“ მღეროდა.
1980 წლიდან გამოდიოდა სოლო კონცერტებით.
მინიჭებული აქვს ღირსების ორდენი, ქართული საესტრადო ვოკალური ხელოვნების განვითარებაში შეტანილი დიდი წვლილისათვის.
ნანი ბრეგვაძის სახელობითი „ვარსკვლავები“ გახსნილია თბილისში, მოსკოვსა და ბაქოში.
ოთხი წლისა საქართველოს პოლიტექნიკური ინსტიტუტის ბიგბენდის, ხოლო რვა წლისა საქართველოს სახელმწიფო ორკესტრ „რეროს“ სოლისტი იყო.
70-იან წლებში „გეპეის“ ორკესტრს დაუბრუნდა და მის კონცერტებსა თუ საგასტროლო ტურნეებში წარმატებით მონაწილეობდა როგორც საქართველოში, ისე საზღვარგარეთ.
არის საქართველოს დამსახურებული არტისტი, მრავალი სატელევიზიო, საესტრადო თუ ჯაზური საერთაშორისო ფესტივალის ლაურეატი, 100-მდე საესტრადო საბავშვო სიმღერის, ლექსების, სამი საბავშვო მიუზიკლისა და ერთი მონოოპერის ავტორი.
2014 წლის 15 აპრილს თბილისის დიდი საკონცერტო დარბაზის წინ ირმა სოხაძის ვარსკვლავი გაიხსნა.
იყო საქართველოს კინემატოგრაფისტთა შემოქმედებითი კავშირის თავმჯდომარე, საქართველოს ოთხი მოწვევის პარლამენტის წევრი (1992-2008).
სხვადასხვა პრემიის ლაურეატი, საქართველოს მართლმადიდებელი ეკლესიის უმაღლესი ჯილდოს – წმინდა გიორგის ოქროს ორდენის კავალერი, საქართველოს და საბჭოთა კავშირის სახალხო არტისტი, „ხელოვნების ქურუმი“.
2016 წელს კინოთეატრ „რუსთაველის” წინ ელდარ შენგელაიას ვარსკვლავი გაიხსნა.
დავით აბესაძემ, მალხაზ თავართქილაძემ და თამაზ სეფერთელაძემ – 1970 წელს, პოლიტექნიკურ ინსტიტუტში სწავლის პერიოდში ჩამოაყალიბეს ვოკალური
ანსამბლი „ცისფერი ტრიო“.ტრიოს 2009 წელს ფილარმონიის დიდი საკონცერტო დარბაზის წინ ვარსკვლავი გაუხსნეს.
ინსტიტუტში სწავლის პერიოდში იყო სტუდენტური თეატრის მსახიობი და რეჟისორის ასისტენტი. 1975 წლიდან არის საქართველოს ტექნიკური უნივერსიტეტის თეატრის მთავარი რეჟისორი, მრავალი საერთაშორისო ფესტივალის ლაურეატი, მიღებული აქვს პრიზები საუკეთესო რეჟისორული ნამუშევრებისათვის.
საქართველოს პოლიტექნიკურ ინსტიტუტში სწავლის პერიოდში ჩამოაყალიბა კინომოყვარულთა სექცია. იყო რესპუბლიკის თავდაცვის საბჭოს პასუხისმგებელი მდივანი, პრეზიდენტის თანაშემწე, სამინისტროს მრჩეველი, სამხრეთ ოსეთის საოლქო კომიტეტის მდივანი. აფხაზეთის ომის მონაწილე.
ჯემალ სუხიშვილთან და მერაბ მახარაძესთან ერთად ჩამოაყალიბა ვოკალური ტრიო. შემდგომში მიიწვიეს ნინო რამიშვილისა და ილიკო სუხიშვილის მოცეკვავეთა ანსამბლში. მუშაობდა პოლიტექნიკური ინსტიტუტის გაერთიანებული პროფკომიტეტის თავმჯდომარის მოადგილედ.
იყო სპი-ის ორკესტრის სოლისტი; ჩამოაყალიბა პროფესიული ვოკალურ-ინსტრუმენტული ანსამბლები „ორერა“ და „ვია 75“. 1985 წლიდან ხელმძღვანელობდა ჯგუფ „ჯორჯიას“ და ბავშვთა ვოკალურ-ინსტრუმენტულ ანსამბლ „ლახტს“. დააარსა ამავე სახელწოდების სკოლა-სტუდია. მინიჭებული ჰქონდა საქართველოს სახალხო და დამსახურებული არტისტის წოდებები.
ინსტიტუტის საესტრადო ორკესტრის სოლისტი, მონაწილეობდა საკონცერტო ტურნეებში საქართველოში, მოსკოვსა და ლენინგრადში. 1969 წელს ჩელიაბინსკში საკავშირო ფესტივალზე პირველი პრემია და ლაურეატის საპატიო წოდება დაიმსახურა.
მომღერალი, პოეტი, საქართველოს ხელოვნების დამსახურებული მოღვაწე. თამაზ ცინცაძესთან, გურამ ბაკურაძესა და შოთა ხარაბაძესთან ერთად საქართველოს პოლიტექნიკური ინსტიტუტის საესტრადო ორკესტრთან ჩამოაყალიბა ვოკალური კვარტეტი, რომლის პოპულარობა მალე გასცდა თბილისის ფარგლებს და მთელი საბჭოთა კავშირი მოიცვა. კვარტეტი 1957 წელს მოსკოვში ახალგაზრდობისა და სტუდენტების მეექვსე მსოფლიო ფესტივალზე ლაურეატი გახდა. იყო თბილისის მესამე სამუსიკო სასწავლებლის ხელმძღვანელი, კომპოზიტორთა კავშირის წევრი, საქართველოს ხელოვნების დამსახურებული მოღვაწე, თბილისის ერთგულების მედლის კავალერი. 2015 წლის 22 ივნისს ფილარმონიის დიდი საკონცერტო დარბაზის წინ გურამ ბზვანელის ვარსკვლავი გაიხსნა.
მღეროდა თბილისის პოლიტექნიკური ინსტიტუტის ორკესტრში, რომელსაც ხელმძღვანელობდა იოსებ ტუღუში. 1964 წლიდან იყო საქართველოს ფილარმონიის, სახელმწიფო საესტრადო ორკესტრ „რეროს“ სოლისტი. 2014 წლის 29 ნოემბერს ეთერ კაკულიას ფილარმონიის წინ ვარსკვლავი გაუხსნეს.
საქართველოს პოლიტექნიკური ინსტიტუტის მოყვარულთა თეატრ „სმეთის“ დამაარსებელი და სამხატვრო ხელმძღვანელი; სტუდენტთა VI საერთაშორისო ფესტივალის (1967) ლაურეატი, რამდენიმე წიგნის ავტორი, სახელმწიფო ჯილდოების მფლობელი. 1988 წელს მიენიჭა საქართველოს სახალხო არტისტის წოდება.
საქართველოს პოლიტექნიკური ინსტიტუტის ვაჟთა კაპელის დამაარსებელი და სამხატვრო ხელმძღვანელი; რესპუბლიკური და საკავშირო ფესტივალების მრავალგზის ლაურეატი, საქართველოს კომკავშირის პრემიის ლაურეატი.
პოლიტექნიკური ინსტიტუტის საესტრადო ორკესტრის გიტარისტი, ვოკალურ–საკრავიერი ტრიო „ლილეს“ და ანსამბლ „ივერიის“ სოლისტი, შოუ-ბიზნესცენტრ „ლომისის“გენერალური დირექტორი.
