სტუ-ის წარმომადგენლებმა მონაწილეობა მიიღეს ევროპის უმსხვილეს საერთაშორისო საგანმანათლებლო გამოფენაში EAIE 2025
საქართველოს ტექნიკური უნივერსიტეტის საერთაშორისო ურთიერთობების დეპარტამენტის ხელმძღვანელმა თეა მურვანიძემ და ტექნოლოგიებისა და გრანტების პროექტების ოფისის ხელმძღვანელმა გიორგი მიქიაშვილმა მონაწილეობა მიიღეს გამოფენაში — EAIE 2025 Conference and Exhibition, რომელიც 2025 წლის 16-19 სექტემბერს, შვედეთის ქალაქ გოთენბურგში გაიმართა.
სტუ-ის წარმომადგენლებმა ევროპის უმსხვილეს საერთაშორისო საგანმანათლებლო გამოფენის ფარგლებში გამართეს მრავალი შეხვედრა ევროპის სხვადასხვა უნივერსიტეტის წარმომადგენლებთან. შეხვედრებზე განსაკუთრებული ყურადღება დაეთმო ინტერნაციონალიზაციის პროცესების განვითარებასა და Erasmus+ და Horizon Europe პროგრამების ფარგლებში თანამშრომლობის გაფართოებას.
შეხვედრებს შედეგად მოჰყვა უნივერსიტეტის ახალი საერთაშორისო კონტაქტები და პარტნიორობა, ხოლო არსებულ პარტნიორებთან ურთიერთობების კიდევ უფრო გაღრმავება.
EAIE 2025 გამოფენაზე მოწყობილი იყო საქართველოს ერთობლივი სტენდი, სადაც ქვეყნის წამყვანმა უმაღლესმა საგანმანათლებლო დაწესებულებებმა წარმოადგინეს თავიანთი საერთაშორისო აქტივობები და პარტნიორული შესაძლებლობები. საქართველოს ტექნიკური უნივერსიტეტის მონაწილეობამ კიდევ ერთხელ გაუსვა ხაზი უნივერსიტეტის აქტიურ როლს ევროპულ საგანმანათლებლო სივრცეში ინტეგრაციისა და საერთაშორისო თანამშრომლობის გაძლიერებისთვის.
საქართველოს ტექნიკური უნივერსიტეტი მადლობას უხდის საქართველოს განათლების, მეცნიერებისა და ახალგაზრდობის სამინისტროს, რომლის მხარდაჭერითაც შესაძლებელი გახდა უნივერსიტეტის მონაწილეობა EAIE 2025 საერთაშორისო საგანმანათლებლო გამოფენაში და საქართველოს სტენდის ღირსეული წარმოდგენა.
საქართველოს ტექნიკური უნივერსიტეტი აგრძელებს აქტიურ ჩართულობას საერთაშორისო საგანმანათლებლო სივრცეში და მიზნად ისახავს ინტერნაციონალიზაციის გაძლიერებასა და ევროპული პარტნიორული ქსელის გაფართოებას, რაც უნივერსიტეტის განვითარების ერთ-ერთი მთავარი პრიორიტეტია.
Related
News
“IAAC 2026” – International Competition for Students Interested in Astronomy and Astrophysics Begins
The IAAC 2026 Astronomy Education Program is starting preparations for the 2026 edition and is announcing an international competition for...
News
Academic Schedule for the Second (Spring) Semester of the 2025–2026 Academic Year
According to the order of the Rector of the LEPL Georgian Technical University dated February 26th, 2026, the second (spring)...
News
Institute of Quantum Physics and Engineering Technologies Announces a Competition for a Scientific Position
The Scientific Council of the Institute of Quantum Physics and Engineering Technologies of the Georgian Technical University announces an open...
News
Service Held at GTU on the Occasion of the Autocephaly Restoration, and a Funeral in the Patriarch’s Memory
The historical role of the recently deceased Catholicos-Patriarch of All Georgia, Archbishop of Mtskheta-Tbilisi, Metropolitan of Bichvinta and Tskhum-Abkhazia, His...
News
Registration for Free Lithuanian Language Courses for GTU Students Is to Begin
The Professor Vydas Kavaliauskas Lithuanian Language, Culture and Education Center at the Georgian Technical University invites students of any course...
News
Within the Framework of the “Study and Get a Job” Program, Short-Term Professional Courses at GTU Are Offered With Full Funding
Within the framework of the “Study and Get a Job” program of the Tbilisi City Hall Municipality, you can take...