Erasmus+ გაცვლითი პროგრამა ტულუზის ეროვნულ პოლიტექნიკურ ინტიტუტში – 2025-26 აკადემიური წლის I სემესტრი (თანამშრომლებისთვის)

ტულუზის ეროვნული პოლიტექნიკური ინტიტუტი (National Polytechnic Institute of Toulouse – Toulouse INP) (ტულუზა, საფრანგეთი) ERASMUS+ გაცვლითი პროგრამის ფარგლებში აცხადებს კონკურსს 2025-2026 აკადემიური წლის საშემოდგომო სემესტრისთვის.

შერჩევის პროცედურა:

აკადემიური და ადმინისტრაციული პერსონალისთვის

საბუთების მიღების ბოლო ვადა: 15.09.25.

უცხოურ ენაში ტესტირების ბოლო ვადა: 17.09.25.

საკონკურსო კომისიასთან გასაუბრების ბოლო ვადა: 19.09.25.

ტულუზის ეროვნულ პოლიტექნიკურ ინსტიტუტში Erasmus+ მობილობასთან დაკავშირებით უფრო დეტალური ინფორმაცია იხილეთ აქ.

უნივერსიტეტებს შორის გაფორმებული ინტერინსტიტუციური ხელშეკრულებით განსაზღვრულია 4 ადმინისტრაციული და 2 აკადემიური თანამშრომლის მობილობა საქართველოს ტექნიკური უნივერსიტეტიდან ტულუზის ეროვნულ პოლიტექნიკურ ინსტიტუტში. შერჩეულმა კანდიდატებმა მონაწილეობა უნდა მიიღონ 2025 წლის 13-17 ოქტომბერს დაგეგმილ Erasmus Days ღონისძიებებში.

აკადემიური მიმართულება: ენერგეტიკა, გარემოსდაცვისა და ციფრული ტექნოლოგიები (საინჟინრო სკოლა Toulouse INP-ENSEEIHT ); ქიმია, გარემოს დაცვა, მასალათმცოდნეობა, საწარმოო ტექნიკა (საინჟინრო სკოლა Toulouse INP-ENSIACET (A7)) და აგრონომია, სურსათი, გარემოს დაცვა, მენეჯმენტი და ენოლოგია (საინჟინრო სკოლა INP-AgroToulouse).

კოორდინატორის მითითებით, Erasmus Days ღონისძიებებში მონაწილეობის მისაღებად ადმინისტრაციული პერსონალისთვის განსაზღვრულია მიზნობრივი ჯგუფი: ტექნოლოგიებისა და საგრანტო პროექტების ოფისის 2 თანამშრომელი, რომელთა საქმიანობა უკავშირდება ERASMUS+ ინსტიტუციური განვითარების პროექტების მენეჯმენტს; საერთაშორისო ურთიერთობათა დეპარტამენტის 2 თანამშრომელი, რომელთა საქმიანობა უშუალოდ უკავშირდება უნივერსიტეტში Erasmus+ გაცვლითი პროექტების მომზადებასა და განხორციელებას.