ბეჭდვითი მედიატექნოლოგიები

მისანიჭებელი პროფესიული კვალიფიკაცია: საბაზო პროფესიული კვალიფიკაცია ბეჭდვით მედიატექნოლოგიებში

პროგრამის მიზანი: პროფესიული პროგრამის მიზანია, მოამზადოს ბეჭდვითი მედიატექნოლოგიების სფეროსთვის კვალიფიციური, პრაკტიკული უნარ-ჩვევების მქონე, კონკურენტუნარიანი სპეციალისტი, რომელიც შეძლებს პროფესიისთვის დამახასიათებელი ძირითადი ფუნქციების განხორციელებას. კერძოდ, ორგანიზაციებიდან (მაგ., გამომცემლობებიდან) მიღებული დედნების მიხედვით სხვადასხვა ბეჭდვითი პროდუქციის წარმოებას (ჟურნალ-გაზეთები, ბლანკები, ბროშურები, წიგნები, ბუკლეტები, ფლერები, სტიკერები, პოსტერები, ეტიკეტები, შესაფუთი მასალა და ა.შ.).

პროგრამის მოცულობა და ხანგრძლივობა.

ქართულენოვანი სტუდენტებისათვის:

• მოცულობა: 90 კრედიტი
• ხანგრძლივობა: 61 კვირა

არაქართულენოვანი სტუდენტებისათვის:

• მოცულობა: 105 კრედიტი
• ხანგრძლივობა: 72 კვირა

დაშვების წინაპირობა: საბაზო ზოგადი განათლება

დასაქმების შესაძლებლობები: კურსდამთავრებულს შეუძლია დასაქმდეს მკინძავად, მბეჭდავად სხვადასხვა სახის პროფილურ საწარმოებში: სტამბებში, სარეკლამო კომპანიებში, გამომცემლობებში, ჟურნალ-გაზეთების რედაქციებში, საპროექტო, სამეცნიერო და სასწავლო დაწესებულებებში, რომლებიც სხვადასხვა ნაბეჭდ პროდუქციას გამოსცემენ. შესაძლებელია თვითდასაქმებაც.

• ეკონომიკური საქმიანობების სახეების ეროვნული კლასიფიკატორის კოდი: 18.1; 18.11; 18.11.0; 18.12; 18.12.0; 18.13; 18.13.0; 18.14; 18.14.0
• დასაქმების საერთაშორისო კლასიფიკატორის (ISCO) კოდი: 4131

პროგრამის ხელმძღვანელი: თეა ბარამაშვილი

პროგრამის განხორციელების ადგილი: ქ. თბილისი, მ. კოსტავას №68