Author: tornike

.pdf-lightbox {
position: fixed;
top: 50%;
left: 50%;
transform: translate(-50%, -50%);
width: 60%;
height: 80%;
background: #fff;
z-index: 99999;
display: none;
}

.lightbox-overlay {
position: fixed;
top: 0;
left: 0;
width: 100%;
height: 100%;
background: rgba(0, 0, 0, 0.5);
z-index: 9999;
display: none;
}

.pdf-container {
width: 100%;
height: 100%;
display: flex;
flex-direction: column;
}

.pdf-frame {
flex: 1;
border: none;
}
სსიპ საქართველოს ტექნიკურ უნივერსიტეტში 2024/2025 სასწ. წლისათვის სამაგისტრო პროგრამებზე დამატებითი მიღების სასპეციალიზაციო გამოცდების შედეგები ფაკულტეტების მიხედვით 

სამშენებლო ფაკულტეტი

• სამაგისტრო პროგრამა – „მშენებლობა“
• სამაგისტრო პროგრამა – „მშენებლობის ინჟინერია და  მენეჯმენტი“

ენერგეტიკის ფაკულტეტი

• სამაგისტრო პროგრამა – „ენერგეტიკა და ელექტროინჟინერია“

სამთო-გეოლოგიური ფაკულტეტი

• სამაგისტრო პროგრამა – „სამთო და გეოინჟინერია“
• სამაგისტრო პროგრამა – „გეოლოგია“
• სამაგისტრო პროგრამა – „ნავთობის და გაზის ტექნოლოგიები “

ქიმიური ტექნოლოგიისა და მეტალურგიის ფაკულტეტი

• სამაგისტრო პროგრამა – „ქიმიური და ბიოლოგიური ინჟინერია“

სატრანსპორტო სისტემებისა და მექანიკის ინჟინერიის ფაკულტეტი

• სამაგისტრო პროგრამა – „ ტრანსპორტი“
• სამაგისტრო პროგრამა – „ სამრეწველო ინჟინერია და ტექნოლოგია“
• სამაგისტრო პროგრამა – „ბიზნესის ორგანიზაცია და მართვა“

სამართალი და საერთაშორისო ურთიერთობების ფაკულტეტი

• სამაგისტრო პროგრამა – „სამართალი“
• სამაგისტრო პროგრამა – „საერთაშორისო ურთიერთობები“

ინფორმატიკისა და მართვის სისტემების ფაკულტეტი

• სამაგისტრო პროგრამა – „ ინფორმატიკა“
• სამაგისტრო პროგრამა – „კომპიუტერული სისტემები და ქსელური ტექნოლოგიები“
• სამაგისტრო პროგრამა – ”ბიოსამედიცინო ინჟინერია“(ინგლისურენოვანი)
• სამაგისტრო პროგრამა – „საინჟინრო ფიზიკა“
• სამაგისტრო პროგრამა – „სამედიცინო ფიზიკა“
• სამაგისტრო პროგრამა – „ციფრული სატელეკომუნიკაციო ტექნოლოგიები“

აგრარული მეცნიერებების და ბიოსისტემების ინჟინერინგის ფაკულტეტი

• სამაგისტრო პროგრამა – ”სასურსათო ტექნოლოგია“
• სამაგისტრო პროგრამა – ”სურსათის უვნებლობა“

ბიზნესტექნოლოგიების ფაკულტეტი

• სამაგისტრო პროგრამა – „საჯარო მმართველობა“
• სამაგისტრო პროგრამა  – „საბანკო პროცესების მართვა“
• სამაგისტრო პროგრამა – „სასტუმრო მომსახურების მართვა“ 

საინჟინრო ეკონომიკის, მედიატექნოლოგიებისა და სოციალური მეცნიერებების ფაკულტეტი

• სამაგისტრო პროგრამა – „ეკონომიკა“
• სამაგისტრო პროგრამა – „საზოგადოებასთან ურთიერთობა“

საქართველოს ტექნიკურ უნივერსიტეტსა და სარკინიგზო ტრანსპორტის სააგენტოს შორის თანამშრომლობის მემორანდუმი გაფორმდა, რომელსაც სტუ-ის ვიცე-რექტორმა, პროფესორმა თამარ წერეთელმა და სარკინიგზო ტრანსპორტის სააგენტოს დირექტორმა ერეკლე კეჟერაშვილმა მოაწერეს ხელი. 

ღონისძიება, რომელსაც ესწრებოდნენ სტუ-ის და სააგენტოს ადმინისტრაციის წარმომადგენლები, სატრანსპორტო სისტემებისა და მექანიკის ინჟინერიის ფაკულტეტის რკინიგზის ტრანსპორტის პროგრამის სტუდენტები და პროფესორ მასწავლებლები, გახსნა ვიცე-რექტორმა.

როგორც თამარ წერეთელმა აღნიშნა, უნივერსიტეტისა და სააგენტოს პარტნიორობა ფაკულტეტისა და, შესაბამისად, სტუდენტებისთვის ნაყოფიერი და მრავალმხრივი იქნება და არაერთი წარმატების მომტანი გახდება. 

ცნობისათვის – სატრანსპორტო სისტემებისა და მექანიკის ინჟინერიის ფაკულტეტის ისტორია 1928 წლიდან იწყება. ფაკულტეტზე ხორციელდება საქართველოსა და ევროპულ საგანმანათლებლო სტანდარტებზე ორიენტირებული, მულტიდისციპლინური საგანმანათლებლო პროგრამები, მათ შორის, ისეთი პროგრამები, რომელთაც საქართველოში ანალოგები არ გააჩნია. 

„ვიმედოვნებთ, რომ ურთიერთთანამშრომლობის დოკუმენტი ჩვენს უნივერსიტეტსა და სარკინიგზო ტრანსპორტის სააგენტოს შორის მყარი პარტნიორობის გარანტი გახდება, რაც საშუალებას მოგვცემს, ერთობლივად ვიზრუნოთ ახალგაზრდა, კონკურენტუნარიანი პროფესიონალი კადრების მომზადებაზე.

თანამშრომლობა მოიცავს სააგენტოს მიერ უნივერსიტეტისთვის ვაკანსიების შესახებ ინფორმაციის მიწოდებას, აქტუალურ საკითხებზე ერთობლივი სამუშაო შეხვედრების ორგანიზებას, უნივერსიტეტში მოქმედი „კვლევებისა და ინოვაციების მხარდამჭერი პროგრამის“ (ReINNOVA) ფარგლებში თანამშრომლობას, რაც სამეცნიერო ღონისძიების ერთობლივად გამართვის შესაძლებლობას, საგანმანათლებლო საქმიანობისა და სტუდენტთა პროფესიული განვითარების მხარდაჭერასა და ზოგადად, რკინიგზის დარგის განვითარებას გულისხმობს,“ – განაცხადა თამარ წერეთელმა.

ვიცე-რექტორმა ყურადღება გაამახვილა იმ მნიშვნელოვან ერთობლივ ღონისძიებებზე, რომელთა განხორციელება მემორანდუმის ფარგლებში უახლოესი მომავლიდან დაიწყება. თამარ წერეთლის განცხადებით, რეგულარულ ხასიათს მიიღებს მეცნიერთა და სტუდენტთა მონაწილეობით ერთობლივი სამეცნიერო დისკუსიები, სიმპოზიუმები, კონფერენციები, ტრენინგები და სემინარები. 

საქართველოს ტექნიკური უნივერსიტეტის რექტორმა, აკადემიკოსმა დავით გურგენიძემ აკადემიური საბჭოს გადაწყვეტილების საფუძველზე, საქართველოს ტექნიკური უნივერსიტეტის ინფორმატიკისა და მართვის სისტემების ფაკულტეტის პროფესორს, საერთაშორისო კომპიუტერული აკადემიის წევრ-კორესპონდენტს, 230-ზე მეტი სამეცნიერო სტატიისა და 9 სამეცნიერო მონოგრაფიის, 7 სახელმძღვანელოს ავტორს, ფიზიკა-მათემატიკის მეცნიერებათა დოქტორს დავით ნატროშვილს უნივერსიტეტის წინაშე გაწეული განსაკუთრებული ღვაწლისთვის, სტუ-ის ოქროს მედალი გადასცა. 

საქართველოს ტექნიკური უნივერსიტეტის რექტორმა „ოქროს მედალი“ დავით ნატროშვილს აკადემიური საბჭოს სხდომაზე გადასცა.

როგორც აკადემიკოსმა დავით გურგენიძემ თავის გამოსვლაში აღნიშნა, დავით ნატროშვილმა არაერთი ღირსეული თაობა აღზარდა და უდიდესი წვლილი მიუძღვის საქართველოს ტექნიკური უნივერსიტეტის წარმატებულ საქმიანობაში.

რექტორის განცხადებით, დავით ნატროშვილი არის მსოფლიო დონის მათემატიკოსი, რომელიც სხვადასხვა დროს მსოფლიოს წამყვან უნივერსიტეტებში მოღვაწეობდა. იგი სამეცნიერო-პედაგოგიური მოღვაწეობას ეწეოდა გერმანიაში: ქემნიცის, შტუტგარტის, დარმშტადტის, გიოტინგენის, ბერლინის, ობერვოლფახის, ბრაუნშვაიგის, კარლსრუეს, ჰამბურგის, ფრაიბურგის, პოტსდამის, საარბრუკენის, მიუნხენის უნივერსიტეტებში.

ინგლისში: ლონდონის, ბათის, გლაზგოს, მანჩესტერის, სალფორდის, ლიდსის, რედინგის, ბრუნელის, სასექსის უნივერსიტეტებში. იტალიაში, რომის უნივერსიტეტში „La Sapienza“; პორტუგალიაში ავეიროს უნივერსიტეტში.

ამერიკის შეერთებული შტატების ოკლაჰომას (ტალსა), დელავერის (ნიუარკი), როჩესტერის, მიჩიგანის, უნივერსიტეტებში; პოლონეთში ვარშავის მექანიკის ინსტიტუტში; საფრანგეთში: სორბონის უნივერსიტეტში, პარიზის პოლიტექნიკურ ინსტიტუტში, სენტ-ეტიენის უნივერსიტეტში.

ჩინეთში: პეკინისა და შანხაის უნივერსიტეტებში, საბერძნეთში ათენის უნივერსიტეტში, ესპანეთში კანტაბრიას უნივერსიტეტში (სანტანდერი), შვეიცარიაში ციურიხის ტექნიკურ უნივერსიტეტში, ირანში თეირანის უნივერსიტეტში და ბულგარეთში სოფიისა და რუსეს უნივერსიტეტებში.

„საქართველოს ტექნიკურ უნივერსიტეტსა და ქვეყნის წინაშე მსოფლიოში ცნობილ მათემატიკოსის დავით ნატროშვილის დამსახურების გათვალისწინებით, აკადემიურმა საბჭომ მიიღო გადაწყვეტილება, ღვაწლმოსილი პედაგოგისა და მეცნიერისთვის უნივერსიტეტის უმაღლესი ჯილდო – ოქროს მედალი მიენიჭებინა.

საუნივერსიტეტო საზოგადოების სახელით, ვულოცავ ჩვენს კოლეგას ამ საპატიო ჯილდოს და ვუსურვებ წარმატებას სამეცნიერო-პედაგოგიურ საქმიანობაში, მშობლიური უნივერსიტეტისა და ქვეყნის საკეთილდღეოდ,“ – აღნიშნა თავის გამოსვლაში სტუ-ის რექტორმა.

ინფორმაციისთვის: საქართველოს ტექნიკური უნივერსიტეტის აკადემიური საბჭოს გადაწყვეტილებით, 2022 წლის 19 მაისს დაწესებული ჯილდო – „ოქროს მედალი” გაიცემა უნივერსიტეტის წინაშე გაწეული განსაკუთრებული ღვაწლისთვის.

„ოქროს მედალი“ უნივერსიტეტის აკადემიური საბჭოს გადაწყვეტილებით, რექტორის წარდგინების საფუძველზე გაიცემა. სტუ-ის ჯილდო, დაარსებიდან დღემდე, 70-ზე მეტ პირს გადაეცა, მათ შორის არიან როგორც საქართველოს, ასევე უცხო ქვეყნის მოქალაქეები. 

საქართველოს ტექნიკური უნივერსიტეტი ახალ, 2024/2025 სასწავლო წელს სტუდენტებისთვის გრანდიოზულ კულტურულ ღონისძიებებს ჩაატარებს.
 
რექტორის, აკადემიკოს დავით გურგენიძის ინიციატივითა და მხარდაჭერით სტუ-ის სტუდენტური სერვისების, კულტურისა და სპორტის დეპარტამენტის კულტურის განყოფილება სტუდენტებს სთავაზობს შემოქმედებით კოლექტივებში ჩართვას და მთელი სასწავლო წლის მანძილზე საუნივერსიტეტო ოლიმპიადებში მონაწილეობას. 

როგორც სტუ-ის სტუდენტური სერვისების, კულტურისა და სპორტის დეპარტამენტის კულტურის განყოფილების ხელმძღვანელი ბადრი ლებანიძე განმარტავს, ახალ სასწავლო წელს სტუდენტური ოლიმპიადა უნივერსიტეტის ცამეტივე ფაკულტეტზე გაიმართება, ხოლო შემოქმედებითი კოლექტივები საერთაშორისო კონფერენციების მონაწილე უცხოელი მეცნიერების წინაშე წარადგენენ ფოლკლორულ და კლასიკურ რეპერტუარს.

ბადრი ლებანიძის თქმით, ახალი სასწავლო წელი სტუ-ს შემოქმედებითი კოლექტივებისათვის მნიშვნელოვანი იქნება, მაყურებლისათვის კი საინტერესო. 

 „2024-25 წლები საიუბილეო თარიღების სიმრავლითაა გამორჩეული. წელს ჩვენს სახელოვან ქორეოგრაფიულ ანსამბლ „მერანს“ 90 წელი უსრულდება, სტუ-ის ვაჟთა სახალხო კაპელა დაარსებიდან 60 წლის იუბილეს აღნიშნავს, 2025 წელს კი, სტუ-ის თეატრი-სტუდია „მოდინახე“ 80 წლისა შესრულდება.

კულტურის განყოფილების გუნდი, ჩვენი უნივერსიტეტის რექტორისა და ადმინისტრაციის მხარდაჭერითა და თანადგომით, უკვე იწყებს მუშაობას ამ დიდი თარიღების ღირსეულად აღსანიშნავად. წელს ჩვენს სტუდენტებს და სტუ-ს გულშემატკივრებს საინტერესო ღონისძიებები ელით”, – აცხადებს ბადრი ლებანიძე. 

ინფორმაციისთვის – 2024/25 სასწავლო წელს საქართველოს ტექნიკური უნივერსიტეტი გრანდიოზული ღონისძიებით აღნიშნავს სახალხო თეატრ-სტუდია „მოდინახეს“ დაარსებიდან 80 წლის იუბილეს, ასევე გრანდიოზული კონცერტი მიეძღვნება ანსამბლ „მერანის“ 90 წლის და ვაჟთა კაპელას 60 წლის იუბილეებს. 

საქართველოს ტექნიკური უნივერსიტეტის ბიზნესტექნოლოგიების ფაკულტეტი ახალ სასწავლო წელს იწყებს საერთაშორისო საერთაშორისო სტუდენტური კონფერენციით – „მშვიდობა და მთის მდგრადი ტურიზმი გამოწვევები და შესაძლებლობები“. 

საერთაშორისო კონფერენციაში მონაწილეობას მიიღებენ სტუ-ის ბიზნესტექნოლოგიების და მთის მდგრადი განვითარების ფაკულტეტების სტუდენტები და აკადემიური პერსონალი, ასევე საქართველოს ეროვნული უნივერსიტეტი (სეუ) და გორის სახელმწიფო უნივერსიტეტი. 

კონფერენციას რამდენიმე ევროპული ქვეყნის წამყვანი უნივერსიტეტების მეცნიერები დაესწრებიან. 

სტუ-ის ბიზნესტექნოლოგიების ფაკულტეტის დეკანის, პროფესორ რუსუდან ქუთათელაძის თქმით, საერთაშორისო კონფერენცია სტუდენტებს აძლევს საშუალებას, გამოავლინონ უნარები. 

კონფერენციის მხარდამჭერები არიან: გაერთიანებული ერების ტურიზმის ორგანიზაცია (UN Tourism); მთის პარტნიორობა (MOUNTAIN PARTNERSHIP, FAO); გრასრუტ ინსტიტუტი – THE GRASSROOTS INSTITUTE (კანადა); იაპონიის საერთაშორისო თანამშრომლობის სააგენტო – საქართველოს ოფისი (JICA, იაპონია); ტურიზმის ეროვნული ადმინისტრაცია; დაცული ტერიტორიების სააგენტო; კურორტების განვითარების სააგენტო; გარემოს ეროვნული სააგენტო; მილანის უნივერსიტეტი (იტალია); სასტუმრო Pullman Tbilisi Axis Towers ; ტურისტული კომპანია Magic Roads; გარემოს დაცვის ეკოცენტრი (გაეროს ECOSOC საკონსულტაციო სტატუსის ორგანიზაცია); კავკასიის მთიანი რეგიონების საერთაშორისო ასოციაცია; კონსალტინგისა და ახალი პროფესიების რეგიონალური ცენტრი; სტუ-ის ინსტიტუტი ტექინფორმი.

 „2024-2025 სასწავლო წელს, ისევე როგორც წინა წლებში, ბიზნესტექნოლოგიების ფაკულტეტის სხვადასხვა საფეხურის საგანმანათლებლო პროგრამებზე სრულად შეივსო მისაღები კონტიგენტი. კერძოდ, ბაკალავრიატის საგანმანათლებლო პროგრამებზე ჩაირიცხა 250 აბიტურიენტი, მაგისტრატურის – 110, ხოლო დოქტორანტურის – 20. 

საქართველოს ტექნიკურ უნივერსიტეტის ბიზნესტექნოლოგიების ფაკულტეტს აქვს მაღალი რეიტინგი და ერთ-ერთი მოთხოვნადია ქვეყნის საგანმანათლებლო სივრცეში. ხორციელდება სამივე საფეხურის საგანმანათლებლო პროგრამები, რომლებიც ორიენტირებულია მსოფლიოს წამყვან უნივერსიტეტებში აპრობირებულ სასწავლო მეთოდოლოგიის დანერგვაზე, სამეცნიერო კვლევებზე და იძლევა პროფესიული კვალიფიკაციის თეორიულ და პრაქტიკულ უნარებს. ფაკულტეტის ძირითადი მიზანია თანამედროვე მოთხოვნების შესაბამისი კომპეტენციის მქონე, საერთაშორისო შრომით ბაზარზე კონკურენტუნარიანი სპეციალისტების მომზადება/გადამზადება.

ბიზნესტექნოლოგიების ფაკულტეტზე ტარდება საერთაშორისო კონფერენციები, ვორქშოფები, ტრენინგები. განხორციელდა საერთაშორისო და შიდა საფაკულტეტო პროექტები პროფესორ-მასწავლებელთა და სტუდენტთა მონაწილეობით; ტრადიციად იქცა უცხო ქვეყნის პროფესორთა მიერ საჯარო ლექციების ჩატარება; ფაკულტეტის პროფესორ-მასწავლებლების ავტორობით გამოიცა მრავალი მონოგრაფია, სახელმძღვანელო და დამხმარე სახელმძღვანელო; ისინი მონაწილეობენ ადგილობრივ/საერთაშორისო კონფერენციებში საქართველოსა და უცხოეთში, კითხულობენ ლექციებს ევროკავშირის ქვეყნების უმაღლეს სასწავლებლებში, არიან სხვადასხვა დარგობრივი აკადემიის აკადემიკოსები, ნიუ-იორკის აკადემიის წევრები, საერთაშორისო იმფაქტ-ფაქტორიანი ინდექსაციის მქონე ჟურნალის სარედაქციო კოლეგიის წევრები, ტრენერები, აკრედიტაციის ექსპერტები, ღირსების ორდენის მფლობელები, პარლამენტის ყოფილი წევრები; ფაკულტეტს გაფორმებული აქვს ხელშეკრულება სხვადასხვა სამთავრობო და არასამთავრობო ორგანიზაციებთან, სადაც სტუდენტები გადიან სტაჟირებას და პრაქტიკას; ფაკულტეტის დოქტორანტებმა მრავალჯერ მოიპოვეს შოთა რუსთაველის ეროვნული სამეცნიერო ფონდის დოქტორანტურის საგანმანათლებლო პროგრამების გრანტი

ჩვენი სტუდენტები აქტიურად არიან ჩართული ERASMUS+ გაცვლით პროგრამებში, 50-მდე სტუდენტი და პროფესორი იმყოფებოდა უცხოეთის სხვადასხვა უმაღლეს სასწავლებელში, 60-ზე მეტი სტუდენტი სახელმწიფო სტიპენდიანტია, 50-მდე სტუდენტს მოპოვებული აქვს სახელმწიფო გრანტი. ფაკულტეტის სტუდენტები აქტიურად მონაწილეობენ და არიან სპორტის სხვადასხვა სახეობაში საქართველოს/ევროპის ჩემპიონები, ახალგაზრდული ნაკრების წევრები.

ჩვენი ფაკულტეტის წარმატება უკავშირდება საქართველოს ტექნიკური უნივერსიტეტის რექტორის ინიციატივას, სტუდენტებისთვის შექმნას ევროპული სტანდარტის საგანმანათლებლო სივრცე. მადლობას მოვახსენებ აკადემიკოს დავით გურგენიძეს მხარდაჭერისთვის,“ – აცხადებს რუსუდან ქუთათელაძე.

ცნობისათვის – საქართველოს ტექნიკური უნივერსიტეტის ბიზნესტექნოლოგიების ფაკულტეტზე ბაკალავრიატის საგანმანათლებლო პროგრამის სტუდენტებისათვის დაწესებულია სამი სახელობითი სტიპენდია: ნიკო ნიკოლაძის, აკაკი ხოშტარიას და დავით სარაჯიშვილის. ფაკულტეტი, სხვა ფაკულტეტებთან ერთად, აქტიურადაა ჩართული ქვეყნის ინოვაციური განვითარების პროცესში.

საქართველოს ტექნიკური უნივერსიტეტის ორგანიზებითა და ბათუმის შოთა რუსთაველის სახელობის სახელმწიფო უნივერსიტეტის მონაწილეობით ბათუმში გამართული „საზაფხულო სკოლის – ლაბორატორიული უნარ-ჩვევების ამაღლება ბიოქიმიისა და იმუნოლოგიის მიმართულებით“ ათდღიანი სასწავლო კურსი მოიცავდა როგორც თეორიულ, ასევე პრაქტიკულ მეცადინეობებს, რომლებშიც მონაწილეობდნენ სტუ-ის აგრარული მეცნიერებებისა და ბიოსისტემების ინჟინერინგის ფაკულტეტის, ქიმიური და მეტალურგიის ფაკულტეტისა და ბათუმის შოთა რუსთაველის სახელობის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის აკადემიური პერსონალი, სტუდენტები და მკვლევრები. 

როგორც სტუ-ის აგრარული მეცნიერებებისა და ბიოსისტემების ინჟინერინგის ფაკულტეტის დეკანი, აკადემიკოსი ედიშერ კვესიტაძეს აღნიშნავს, საზაფხულო სკოლის მიზანია, ხელი შეუწყოს უნივერსიტეტებში თანამედროვე ლაბორატორიული პრაქტიკუმების დანერგვას და გაუმჯობესებას.

დეკანის ინფორმაციით, სწავლების ეს მეთოდი მნიშვნელოვანია მონაწილეებში ისეთი უნარ-ჩვევების გამოსამუშავებლად, როგორიცაა: კრიტიკული ანალიზისა და ახალი იდეების გენერირება, პროფესიულ სფეროში მიღებული შედეგების წარდგენა და განხილვა და ლაბორატორიული კვლევის ორგანიზება და ანალიზი. 

„ჩვენთვის უმნიშვნელოვანესია ლექტორების, ლაბორანტებისა და სტუდენტების თეორიული და პრაქტიკული გადამზადება თანამედროვე ლაბორატორიული მეთოდებით ბიოქიმიისა და იმუნოლოგიის მიმართულებით და პრაქტიკული უნარ-ჩვევების წილის გაზრდა საბუნებისმეტყველო და აგრარული მეცნიერებების სწავლებაში.

აღსანიშნავია, რომ ახალგაზრდებმა საბუნებისმეტყველო და აგრარული მეცნიერებებისადმი ინტერესი გამოხატეს. საზაფხულო სკოლის ეს კურსი მონაწილეებს საშუალებას აძლევს, სრულად დაეუფლონ ლაბორატორიულ უნარ-ჩვევებს ბიოქიმიისა და იმუნოლოგიის მიმართულებით, ასევე, გაიუმჯობესებენ აპარატურასთან მუშაობის ტექნიკა, რაც საშუალებას მისცემს მათ, გაიღრმაონ ცოდნა შესაბამის მიმართულებებში და დანერგონ ახალი სასწავლო მეთოდები უნივერსიტეტებში. მადლობას ვუხდი საზაფხულო სკოლის მენტორებს – აგრარულ მეცნიერებათა დოქტორს, ქრისტინე მუსელიანს და ქიმიური და ბიოლოგიური ინჟინერიის დოქტორს, თამრიკო ხობელიას. წარმატებებს ვუსურვებ კოლეგებს და სტუდენტებს“, – აცხადებს ედიშერ კვესიტაძე. 

ცნობისათვის – საქართველოს ტექნიკური უნივერსიტეტის ორგანიზებითა და ბათუმის შოთა რუსთაველის სახელობის სახელმწიფო უნივერსიტეტის მონაწილეობით ბათუმში საზაფხულო სკოლა ყოველწლიურად ტარდება. 

ბათუმის ქვიშის მოედანზე დასრულდა აჭარის ფრენბურთის ფედერაციის მიერ ორგანიზებული საერთაშორისო ტურნირი, „კორტების მეფეები“, რომელშიც საქართველოს ტექნიკური უნივერსიტეტის სპორტულმა წყვილმა პეტრე ლობჟანიძემ და დანიელ ხეირაბადიმ გაიმარჯვეს.

ტურნირში 6 ქვეყნიდან 28 წყვილი მონაწილეობდა.

პეტრე ლობჟანიძემ და დანიელ ხეირაბადმა დაძაბულ ფინალურ ბრძოლაში მოახერხეს ზაქაიძე/ქაჩიბაიას წყვილის დამარცხება. 

საქართველოს ტექნიკური უნივერსიტეტის სტუდენტები აქტიურად არიან ჩართული სპორტის სხვადასხვა სახეობაში და წარმატებულად ასპარეზობენ შიდა თუ საერთაშორისო შეჯიბრებებზე. 

„16 სექტემბერს, საქართველოს ტექნიკურ უნივერსიტეტში ახალი სასწავლო წელი დაიწყო. ვულოცავ პირველკურსელებს ცხოვრების ახალი ეტაპის დაწყებას და ყველა სტუდენტს წარმატებას ვუსურვებ. ჩვენ უკვე მთელი სასწავლო წლის სპორტული აქტივობები დაგეგმილი გვაქვს. სექტემბრის ბოლოს ჩატარდება სამდღიანი საერთაშორისო ტურნირი ქვიშის ფრენბურთში, სადაც 10 ქვეყნის უნივერსიტეტების სპორტული გუნდები იასპარეზებენ “, – აცხადებს სპორტის განყოფილების უფროსი არჩილ იოსელიანი. 

საქართველოს ტექნიკური უნივერსიტეტის არქიტექტურის, ურბანისტიკისა და დიზაინის ფაკულტეტი ახალ სასწავლო წელს, გერმანელ არქიტექტორებთან ერთად, იწყებს ახალი საერთაშორისო პროექტით – „Frank Buken/ ფრანკ ბუკენ ერთად“.

საერთაშორისო პროექტი „Frank Buken/ ფრანკ ბუკენ ერთად“ მოიცავს თბილისში, წერეთლის გამზირის მიმდებარე არეალის ურბანულ კვლევას, რომელშიც არქიტექტურის, ურბანისტიკისა და დიზაინის ფაკულტეტი სტუდენტები ჩაერთვებიან. 

არქიტექტურის, ურბანისტიკისა და დიზაინის ფაკულტეტის დეკანის, პროფესორ ნინო იმნაძის ინფორმაციით, სამივე საფეხურის სტუდენტები უკვე ემზადებიან მსოფლიო არქიტექტურის დღესთან დაკავშირებით სტუდენტური ნამუშევრების გამოფენისთვის, თემაზე – „Empowering the Next Generation in Participatory Urban Design“.

აკადემიური პერსონალი და სტუდენტები ასევე მონაწილეობას მიიღებენ საერთაშორისო ფორუმში – „SHARE International Architecture and Technology Forum in Tbilisi“. 

არქიტექტურის, ურბანისტიკისა და დიზაინის ფაკულტეტის დეკანი, პროფესორი ნინო იმნაძე: 

„საქართველოს ტექნიკური უნივერსიტეტის არქიტექტურის, ურბანისტიკისა და დიზაინის ფაკულტეტი სწავლების სხვადასხვა საფეხურზე ახორციელებს სამ საბაკალავრო, ერთ სამაგისტრო და ორ სადოქტორო პროგრამას.

2024 – 2025 სასწავლო წლისთვის სწავლების სხვადასხვა საფეხურზე მივიღეთ 220 სტუდენტი.

მათ შორის, საბაკალავრო ქართულენოვან პროგრამაზე “არქიტექტურა” 180 სტუდენტი; საბაკალავრო რუსულენოვანი პროგრამაზე “არქიტექტურა” – 15; საბაკალავრო პროგრამაზე “მოდის დიზაინის ტექნოლოგიები” – 25; სამაგისტრო საგანმანათლებლო პროგრამაზე “არქიტექტურა” – 60 სტუდენტი; სადოქტორო .საგანმანათლებლო პროგრამაზე “არქიტექტურა” – 9.

მიღებული სტუდენტებიდან 15-ზე მეტი უცხო ქვეყნის მოქალაქეა. როგორც წინა წლებში, წელსაც სრული შევსება გვაქვს.

უნივერსიტეტი და ფაკულტეტი ახალ სასწავლო წელს სტუდენტებს სთავაზობს საინტერესო სასწავლო, სამეცნიერო პროცესს, კულტურულ და სპორტულ ღონისძიებებს.

მათ შესაძლებლობა ექნებათ, მონაწილეობა მიიღონ ადგილობრივ და საერთაშორისო პროექტებში, ვორქშოფებში და კონკურსებში, როგორიც არის: საერთაშორისო კონკური „არქიტექტურული პრემია 2024″; ნომინაცია – “წლის საუკეთესო სტუდენტური პროექტი”.

კონკურსის ორგანიზატორები არიან “საქართველოს არქიტექტორთა ასოციაცია” და ჟურნალი “სტილი”; საერთაშორისო კონკურსი – „2024 წლის საუკეთესო სამაგისტრო დამამთავრებელი პროექტის დათვალიერება“, ნომინაციებით: ქალაქგეგმარება, მოცულობითი არქიტექტურა, გარემოს დიზაინი, შენობათა რესტავრაცია-რეკონსტრუქცია.

ამ ღონისძიების ორგანიზატორია საქართველოს არქიტექტორთა კავშირი და სტუ-ს არქიტექტურის, ურბანისტიკისა და დიზაინის ფაკულტეტი.

წარმატებებს ვუსურვებ ჩვენს სტუდენტებს და აკადემიურ პერსონალს“. 

ცნობისათვის: არქიტექტურის, ურბანისტიკისა და დიზაინის ფაკულტეტის სტუდენტებმა დაასრულეს არქიტექტურული პროექტი ქუთაისში, ჭავჭავაძის გამზირზე, რაც მოიცავდა ყოფილი ტყავ-გალანტერეის ქარხნის მიმდებარედ სკვერის რეაბილიტაცია-რეკონსტრუქციას.

პროექტის გამარჯვებულს 26 სექტემბერს დააჯილდოებენ.

ასევე, ფაკულტეტს დაგეგმილი აქვს სასწავლო კურსის საპროექტო დავალებებთან მიბმული გასვლითი შემეცნებით-პრაქტიკული ვიზიტები საქართველოს რეგიონებში – კახეთი, იმერეთი და ქართლი. 

table p {
margin-left:15px;
margin-right:15px;
}
მობილობით გადმოსვლის მსურველი პირი, რომელიც  სსიპ – მართვის საინფორმაციო სისტემის ელექტრონულ პორტალზე https://students.emis.ge/ გაივლის  რეგისტრაციას (2024 წლის 21 აგვისტოდან  9 სექტემბრის ჩათვლით) და მოიპოვებს სტუ–ში მობილობის წესით გადმოსვლის უფლებას, დაუყოვნებლივ უნდა მიმართოს სტუ-ს. 

საქართველოს ტექნიკურ უნივერსიტეტში მობილობის წესით გადმომსვლელებმა განცხადება (დანართი 1)  და თანდართული დოკუმენტაცია (დანართი 2) უნდა წარმოადგინონ საქართველოს ტექნიკურ უნივერსიტეტში. 

მისამართზე: თბილისი; კოსტავას 77; ადმინისტრციული კორპუსი; მე-3 სართული; ოთახი 334.

საბუთები მიიღება: 2024 წლის 12 სექტემბრიდან 19 სექტემბრის  ჩათვლით (ყოველდღე შაბათ-კვირის გარდა), 10:00 სთ-დან – 16:00 სთ-მდე; 

მობილობის წესით ჩარიცხვის მსურველმა უნდა წარმოადგინოს შემდეგი დოკუმენტაცია: 
     
1. პირადობის მოწმობის  ასლი;

2. სამხედრო მიწერის მოწმობის ასლი (ვაჟებისათვის).

3. სასწავლო ბარათი (ნიშნების ფურცელი) დამოწმებული ბეჭდით;

4. პირად საქმეში არსებული ყველა ბრძანების (პირველადი ჩარიცხვის; სტატუსის შეჩერების/ აღდგენის/ შეწყვეტის) დამოწმებული ასლები; 

5. უცხო ქვეყანაში მიღებული განათლების აღიარების დოკუმენტი (არსებობის შემთხვევაში);

6. ბაკალავრმა – საშუალო განათლების ატესტატის ასლი; 
მაგისტრანტმა – ბაკალავრის დიპლომის  ან მასთან გათანაბრებული დოკუმენტის ასლი (იხ. შენიშვნა); 
დოქტორანტმა – მაგისტრის დიპლომის  ან მასთან გათანაბრებული დოკუმენტის ასლი (იხ. შენიშვნა).
ჩათვლილი კრედიტებისა და ამის საფუძველზე განსაზღვრული სასწავლო წლის შესახებ ინფორმაციას, შესაბამისი ფაკულტეტი, აცნობებს მობილობის მსურველ პირს არაუგვიანეს 2024 წლის 20 სექტემბრისა; 

მობილობის მსურველი ვალდებულია გაეცნოს დასკვნას და იმავე დღეს წერილობით  განაცხადოს თანხმობა ან უარი სტუ-ში მობილობით გადმოსვლის შესახებ.

წინააღმდეგ შემთხვევაში, უნივერსიტეტი იტოვებს უფლებას წინასწარი გაფრთხილების გარეშე არ განიხილოს საკითხი მისი მობილობის წესით სტუ-ში ჩარიცხვის შესახებ.

ფაკულტეტების მიხედვით, საკონტაქტო პირების ჩამონათვალი იხილეთ (დანართი 3).

გთხოვთ, გაითვალისწინოთ, რომ საბუთების მიღება და სტუ-ში გადმოსვლასთან დაკავშირებით თანხმობის/უარის განაცხადის გაკეთება უნდა მოხდეს პირადად განმცხადებლისგან ან მისი ნდობით აღჭურვილი პირისგან ნოტარიულად დამტკიცებული მინდობილობის საფუძველზე.

შენიშვნა: ქვემოთ ჩამოთვლილ სამაგისტრო და სადოქტორო პროგრამებზე მობილობის წესით ჩარიცხვის მსურველთა მიერ  წარმოსადგენი დოკუმენტაცია მიიღება შესაბამისი სამაგისტრო და სადოქტორო პროგრამებზე დაშვების წინაპირობების გათვალისწინებით.

სამაგისტრო პროგრამებზე დაშვების წინაპირობები

N	სამაგისტრო საგამანათლებლო პროგრამა	წარმოსადგენი დოკუმენტაცია
1	ნავთობისა და გაზის ტექნოლოგიები (რუსულენოვანი)	მაგისტრატურის საგანმანათლებლო პროგრამაში სწავლის უფლება აქვს პირს, რომელიც ფლობს ბაკალავრის ან მასთან გათანაბრებულ აკადემიურ ხარისხს ინჟინერიის, წარმოების და მშენებლობის სფეროში, ასევე საბუნებისმეტყველო მეცნიერებების, მათემატიკისა და სტატისტიკის სფეროში (გეოლოგია, გეოფიზიკა, ქიმია)
2	გარემოსდაცვითი ინჟინერია	მაგისტრატურაში სწავლის უფლება აქვს არანაკლებ ბაკალავრის ან მასთან გათანაბრებული აკადემიური ხარისხის მქონე პირს (სწავლის სფეროების კლასიფიკატორის შემდეგი ფართო სფეროებიდან: 06 ინფორმაციისა და კომუნიკაციის ტექნოლოგიები; 05 საბუნებისმეტყველო მეცნიერებები, მათემატიკა და სტატისტიკა; 07 ინჟინერია, წარმოება და მშენებლობა; 08 სოფლის მეურნეობა, მეტყევეობა, მეთევზეობა, ვეტერინარია),
3	ფარმაცია	მაგისტრატურაში სწავლის უფლება აქვს არანაკლებ ბაკალავრის ან მასთან გათანაბრებულიაკადემიური ხარისხის მქონე პირს (სწავლის სფეროების კლასიფიკატორის შემდეგი ფართო სფეროებიდან: 09 ჯანდაცვა, სოციალური კეთილდღეობა; 06 ინფორმაციისა და კომუნიკაციის ტექნოლოგიები; 05 საბუნებისმეტყველო მეცნიერებები, მათემატიკა და სტატისტიკა; 07 ინჟინერია, წარმოება და მშენებლობა; 08 სოფლის მეურნეობა, მეტყევეობა, მეთევზეობა, ვეტერინარია),
4	მეტალურგია	მაგისტრატურაში სწავლის უფლება აქვს არანაკლებ ბაკალავრის ან მასთან გათანაბრებული აკადემიური ხარისხის მქონე პირს (სწავლის სფეროების კლასიფიკატორის შემდეგი ფართო სფეროებიდან: 05 საბუნებისმეტყველო მეცნიერებები, მათემატიკა და სტატისტიკა; 07 ინჟინერია, წარმოება და მშენებლობა),
5	მასალათმცოდნეობა	მაგისტრატურაში სწავლის უფლება აქვს არანაკლებ ბაკალავრის ან მასთან გათანაბრებული აკადემიური ხარისხის მქონე პირს (სწავლის სფეროების კლასიფიკატორის შემდეგი ფართო სფეროებიდან: 06 ინფორმაციისა და კომუნიკაციის ტექნოლოგიები; 05 საბუნებისმეტყველო მეცნიერებები, მათემატიკა და სტატისტიკა; 07 ინჟინერია, წარმოება და მშენებლობა),
6	არქიტექტურა	მაგისტრატურის საგანმანათლებლო პროგრამა „არქიტექტურა“-ზე სწავლის უფლება აქვს არქიტექტურის ბაკალავრის აკადემიური ხარისხის მქონე პირს

 

სადოქტორო პროგრამებზე დაშვების წინაპირობები

N	სადოქტორო საგამანათლებლო პროგრამა	წარმოსადგენი დოკუმენტაცია
1	სამხედრო ინჟინერია	მაგისტრის ან მასთან გათანაბრებული აკადემიური ხარისხის დიპლომი ინჟინერიის მიმართულებით, შეიარაღებული ძალების უფროსი და უმაღლესი წოდების ოფიცრები,ასევე ის ოფიცრები, რომელთა სამსახურებრივ ფუნქციებში შედის სამხედრო საინჟინრო უზრუნველყოფის საკითხებიც;
2	მეტალურგია	მაგისტრის ან მასთან გათანაბრებული ხარისხი სწავლის სფეროების კლასიფიკატორის შემდეგი ფართო სფეროებიდან: 05 საბუნებისმეტყველო მეცნიერებები, მათემატიკა და სტატისტიკა; 07 ინჟინერია, წარმოება და მშენებლობა;
3	მასალათმცოდნეობა	დოქტორანტურის საგანმანათლებლო პროგრამაზე „მასალათმცოდნეობა“ სწავლის უფლება აქვს მაგისტრის ან მასთან გათანაბრებული აკადემიური ხარისხის მქონე პირს, რომელსაც ხარისხი მინიჭებული აქვს სწავლის სფეროების კლასიფიკატორის შემდეგი ფართო სფეროებიდან: 05 საბუნებისმეტყველო მეცნიერებები, მათემატიკა და სტატისტიკა; 07 ინჟინერია, წარმოება და მშენებლობა;
4	ტრანსპორტი	დოქტორანტურის საგანმანათლებლო პროგრამაზე დაიშვება სწავლის სფეროების კლასიფიკატორის 07 ინჟინერია, წარმოება და მშენებლობა Engineering, Manufacturing and Construction შესაბამისი განათლების, მაგისტრის ან მასთან გათანაბრებული აკადემიური ხარისხის მქონე პირი
5	მექანიკის ინჟინერია და ტექნოლოგია	მექანიკის ინჟინერია და ტექნოლოგიის დოქტორანტურის საგანმანათლებლო პროგრამაზე დაიშვება სწავლის სფეროების კლასიფიკატორის 07 ინჟინერია, წარმოება და მშენებლობა Engineering, Manufacturing and Construction შესაბამისი განათლების, მაგისტრის ან მასთან გათანაბრებული აკადემიური ხარისხის მქონე პირი,
6	არქიტექტურა	არქიტექტურის მაგისტრის ან მასთან გათანაბრებული აკადემიური ხარისხის დიპლომი.
7	საერთაშორისო ურთიერთობები	მაგისტრის ან მასთან გათანაბრებულ აკადემიურ ხარისხს სოციალურ მეცნიერებებში, პოლიტიკურ მეცნიერებებში, ჰუმანიტრულ მეცნიერებებში, სამართალში, საჯარო მმართველობაში, უსაფრთხოებასა და თავდაცვაში.
8	ინფორმატიკა	მაგისტრის ან მასთან გათანაბრებული აკადემიური ხარისხი ინფორმატიკის, საინჟინრო, ზუსტი და საბუნებისმეტყველო, ეკონომიკის სპეციალობებით;
	მათემატიკა	მაგისტრის ან მასთან გათანაბრებული აკადემიური ხარისხის დიპლომი ზუსტ, საბუნებისმეტყველო და საინჟინრო სპეციალობებით
9	მართვის სისტემები, ავტომატიზაცია და ტესტ-ინჟინერინგი	მაგისტრის ან მასთან გათანაბრებული აკადემიური ხარისხი საინჟინრო, ინფორმატიკის, მათემატიკის, ფიზიკის და სხვა მომიჯნავე სპეციალობებით;
10	ბიოსამედიცინო ინჟინერია (ინგლისურენოვანი)	აპლიკანტს უნდა ჰქონდეს მაგისტრის ან მასთან გათანაბრებული აკადემიური ხარისხი საინჟინრო, ინფორმატიკის, საბუნებისმეტყველო მეცნიერებების, ბიოსამედიცინო სფეროში;
11	ეკონომიკა	ეკონომიკის დოქტორანტურის საგანმანათლებლო პროგრამაზე სწავლის უფლება აქვს სწავლის სფეროების კლასიფიკატორის დეტალური სფეროს – „ეკონომიკა“; „განათლების მეცნიერება“; „პოლიტიკის მეცნიერებები და მოქალაქეობრიობის საფუძვლები“; „სოციალური და ქცევითი მეცნიერებები“; „საბუღალტრო აღრიცხვა და დაბეგვრა“; „ფინანსები, საბანკო საქმე და დაზღვევა“; „მენეჯმენტი და ადმინისტრირება“; „მარკეტინგი და რეკლამა“; „სამართალი“; „სტატისტიკა“; „ტურიზმი“; “მათემატიკა”; „ინფორმატიკა“; „ფილოსოფია“; “ჯანდაცვა და სოციალური კეთილდღეობა“; „ინჟინერია და საინჟინრო საქმე“ შესაბამისი განათლების, მაგისტრის ან მასთან გათანაბრებული აკადემიური ხარისხის მქონე პირს.
12	სოციალური მეცნიერებები	სოციალური მეცნიერებების სადოქტორო პროგრამზე სწავლის უფლება აქვს პირს, რომელიც ფლობს მაგისტრის კვალიფიკაციას ან მასთან გათანაბრებულ აკადემიურ ხარისხს (სწავლის სფეროების კლასიფიკატორის ფართო სფეროს: 01 განათლება; 02 ხელოვნება; ჰუმანიტარული მეცნიერებები; 03 სოციალური მეცნიერებები; ჟურნალისტიკა და ინფორმაცია; 04 ბიზნესი, ადმინისტრირება და სამართალი)

      

• ბრძანება სტუ–ში  მობილობით ჩარიცხვის შესახებ გამოიცემა არა უგვიანეს 2024 წლის 1 ოქტომბრისა;

• სტუ-ში მობილობით ჩარიცხული სტუდენტი აკადემიურ და ფინანსურ ხელშეკრულებას ფაკულტეტთან აფორმებს ბრძანების გამოცემის შემდგომ.

   

გთავაზობთ ინფორმაციას საქართველოს ტექნიკურ უნივერსიტეტში 2024/2025 სასწავლო წელს სამაგისტრო საგანმანათლებლო პროგრამებზე ჩარიცხვის მსურველთათვის ვაკანტურ ადგილებზე დამატებითი რეგისტრაციის ვადების, თანდართული დოკუმენტაციის წარდგენისა და საგამოცდო განრიგის შესახებ.

• საქართველოს ტექნიკური უნივერსიტეტის სამაგისტრო საგანმანათლებლო პროგრამებზე ჩარიცხვის მსურველთა რეგისტრაცია განხორციელდება ელექტრონულ პლატფორმაზე – register.gtu.ge, 2024 წლის 19 სექტემბრიდან 20 სექტემბრის 18:00 საათამდე;

• სტუ-ის სამაგისტრო პროგრამებზე კონკურსში მონაწილეობის უფლება აქვს აპლიკანტს, რომელსაც საერთო სამაგისტრო გამოცდის ტესტის 4 ნაწილიდან, რომელიმე სამში მაინც აქვს გადალახული მინიმალური ზღვარი;

• გამოცდა უცხო ენაში ჩატარდება 2024 წლის 21 სექტემბერს, 10:00 საათზე, სტუ-ის I კორპუსში, საგამოცდო  და ელექტრონული სასწავლო რესურსების ცენტრში (კომპიუტერული ცენტრი – 2, პირველი სართული) კოსტავას ქ. N68: შედეგები გამოქვეყნდება 2024 წლის 21 სექტემბერს. 

• სამაგისტრო პროგრამაზე დაშვების წინაპირობის შესაბამისად გასაუბრება უცხო ენაში ჩატარდება 2024 წლის 21 სექტემბერს, 10:00 საათზე, სტუ-ის I კორპუსში, კოსტავას ქ. N68 მე-5 სართული ოთახი N508, (ბიბლიოთეკაში); შედეგები გამოქვეყნდება 2024 წლის 21 სექტემბერს. 

• სასპეციალიზაციო გამოცდები ჩატარდება 2024 წლის 21 სექტემბერს, 12:00 საათზე, სტუ-ის I კორპუსში, საგამოცდო  და ელექტრონული სასწავლო რესურსების ცენტრში (კომპიუტერული ცენტრი – 2, პირველი სართული), კოსტავას ქ. N68: პირველადი შედეგები გამოცხადდება 2024 წლის 21 სექტემბერს, რომელიც იმავე დღესვე განთავსდება უნივერსიტეტის ოფიციალურ ვებგვერდზე; 

• საპრეტენზიო განცხადებების მიღება მოხდება გამოცდების ჩატარების ადგილზე, 21 სექტემბრიდან-23 სექტემბრის 12:00 საათამდე. საბოლოო შედეგები (აპელაციის გათვალისწინებით) გამოქვეყნდება იმავე დღეს, უნივერსიტეტის ოფიციალურ ვებ-გვერდზე;

• საერთო სამაგისტრო გამოცდის თითოეული ნაწილისა და სასპეციალიზაციო გამოცდის შედეგების საფუძველზე (საკონკურსო ქულა), კოეფიციენტებით რანჟირების საფაკულტეტო დოკუმენტები (ჩასარიცხ აპლიკანტთა სიები) განთავსდება 2024 წლის 24 სექტემბერს, უნივერსიტეტის ოფიციალურ ვებგვერდზე;

• სტუ-ის ფაკულტეტების დეკანატებში მაგისტრანტობის კანდიდატებმა სასწავლო და საფინანსო ხელშეკრულებები უნდა გააფორმონ 2024 წლის 24 სექტემბრიდან -25 სექტემბრის ჩათვლით.

სტუ-ის სამაგისტრო საგანმანათლებლო პროგრამებზე 2024/2025 სასწავლო წლისათვის:

• ვაკანტური ადგილების ჩამონათვალი ფაკულტეტების მიხედვით
• მაგისტრატურაში ჩარიცხვისათვის საჭირო დოკუმენტები
• განცხადების ფორმა (ჩამოსატვირთი)
• საკონტაქტო ინფორმაცია ფაკულტეტების მიხედვით
• რექტორის ბრძანება