საერთაშორისო სამეცნიერო კონფერენცია IEEE AICT 2026 ბაქოში გაიმართება

2026 წლის 14-16 ოქტომბერს, საქართველოს ტექნიკური უნივერსიტეტის, ტურინის პოლიტექნიკური უნივერსიტეტის (იტალია) და ჯორჯ ვაშინგტონის უნივერსიტეტის (აშშ) თანაორგანიზებით, აზერბაიჯანის დიპლომატიური აკადემია ADA (Azerbaijan Diplomatic Academy) ბაქოში უმასპინძლებს მე-20 საიუბილეო საერთაშორისო კონფერენციას IEEE AICT 2026.

კონფერენციის ტექნიკური მხარდამჭერია IEEE (Institute of Electrical and Electronics Engineers).

მნიშვნელოვანი თარიღები:

• ნაშრომების წარდგენის ბოლო ვადა: 2026 წლის 30 მაისი
• ნაშრომის მიღების შესახებ პასუხის დაბრუნების ბოლო ვადა: 2026 წლის 30 ივნისი
• საბოლოო ვერსიის (Camera Ready) წარდგენის ბოლო ვადა: 2026 წლის 20 ივლისი.

ძირითადი თემები და მიმართულებები:

კონფერენცია მოიცავს 12-მდე ძირითად მიმართულებას (Tracks), მათ შორის:

• მონაცემთა მეცნიერება და ანალიტიკა (Data Science and Advanced Analytics)
• დიდი მონაცემების ინჟინერია (Big Data Engineering)
• ხელოვნური ინტელექტი და მანქანური სწავლება (AI & Machine Learning)
• კიბერუსაფრთხოება
• ICT ბიზნესში, მართვაში, ეკონომიკასა და განათლებაში
• ICT მედიცინასა და ჯანდაცვაში.

კონფერენციაზე წარდგენილი ნაშრომები გამოქვეყნდება IEEE Xplore Digital Library-ში და ინდექსირებული იქნება საერთაშორისო სამეცნიერო ბაზების მიერ (Scopus, Web of Science).

დამატებითი ინფორმაციის მისაღებად ეწვიეთ კონფერენციის ოფიციალურ ვებგვერდს.