მობილობის ანგარიშები

მობილობის პერიოდში შეასრულა ნაშრომი სტუ 89-ე ღია სტუდენტური კონფერენციისთვის „საბჭოთა მასობრივი ბინათმშენებლობის გავლენა - ვილნიუსისა და თბილისის ორი რაიონის შედარებითი ანალიზი“

ეს მობილობა ნამდვილად განსაკუთრებული გამოცდილება იყო ჩემთვის. აკადემიური თვალსაზრისით სწავლა ძალიან საინტერესო და ინტერაქტიული აღმონდა. ვეწვიეთ სასტუმროს, რომელსაც ერთ-ერთი ლექტორი მართავდა, დავდიოდით გეოქეშინგზე და შეხვედრა გვქონდა ღვინის ბიზნესის მფლობელთან - რაც სწავლას უფრო პრაქტიკულს და სახალისოს ხდიდა. სასწავლო პროცესს მიღმა, ადმინისტრაციის მიერ ორგანიზებული Welcome week განსაკუთრებით დაგვეხმარა. გვქონდა ბეჟას ტური, ვისწავლეთ პორტუგალიური ტრადიციული ცეკვა და ბევრ საინტერესო აქტივობაში მივიღეთ მონაწილეობა. ადგილობრივი ბადებიც ძალიან ყურადღებიანები იყვნენ და დაგვეხმარნენ ადაპტაციაში. სტუდენტებიც ხშირად ვუზიარებდით ერთმანეთს ინფორმაციას ჩვენს ქვეყნებსა და კულტურებზე, მაგალითად, ვიყავით ქართულ რესტორანში და სადაც მოვუყევით ჩვენს ტრადიციებზე. ამ გამოცდილებამ ძალიან ბევრი რამ მასწავლა - როგორც აკადემიურად, ისე პიროვნულად და მართლა ძალიან მადლობელი ვარ ამ შესაძლებლობისთვის. უფრო დამოუკიდებელი, გახსნილი და თავდაჯერებული გავხდი, შევიძინე ახალი მეგობრები და ვიმოგზაურე პორტუგალიის ულამაზეს ქალაქებში.