ბირთვული კვლევების ევროპული ორგანიზაცია (CERN)

საქართველოს ტექნიკური უნივერსიტეტის სამეცნიერო და საინჟინრო წვლილი CERN-ის მასშტაბურ ექსპერიმენტებში

საქართველოს ტექნიკურ უნივერსიტეტს (სტუ) ბირთვული კვლევების ევროპულ ორგანიზაციასთან (CERN) მრავალწლიანი, სტრატეგიული და ნაყოფიერი თანამშრომლობა აკავშირებს. სტუ-ის მეცნიერთა, ინჟინერთა და მკვლევართა ჯგუფები წამყვან როლს ასრულებენ მსოფლიოს უდიდესი სამეცნიერო ექსპერიმენტების — როგორც ფიზიკურ-ანალიტიკურ, ისე მაღალტექნოლოგიურ საინჟინრო მხარდაჭერაში.

წინამდებარე პლატფორმაზე წარმოდგენილია სტუ-ის ბირთვული ინჟინერიის ცენტრის, ვირტუალური და გაფართოებული რეალობის ლაბორატორიის (xrLab) და კვანტური ფიზიკისა და საინჟინრო ტექნოლოგიების ინსტიტუტის მიერ CERN-თან პარტნიორობით განხორციელებული და მიმდინარე სამეცნიერო-კვლევითი პროექტები, პუბლიკაციები და ტექნოლოგიური დოკუმენტაცია.

CERN-ის დოკუმენტების ოფიციალური სერვერის (CERN Document Server) მონაცემებით, საქართველოს ტექნიკური უნივერსიტეტის ინსტიტუციური წევრობითა და მისი მკვლევრების ავტორობით რეგისტრირებულია 402 სამეცნიერო ნაშრომი და პუბლიკაცია.