ონლაინრეგისტრაცია

საერთაშორისო დასაქმების გუნდი – admissionoffice@gtu.ge

სტუ-ს აკადემიური საბჭოს 2018 წლის 20 სექტემბრის #01-05-04/253 დადგენილებაში „სტუ-ს სტუდენტებისთვის სწავლის საფასურის დადგენის შესახებ“ცვლილების შეტანის შესახებ.

საქართველოს ზოგადი ადმინისტრაციული კოდექსის 63-ე მუხლის, „უმაღლესი განათლების შესახებ“ საქართველოს კანონის 21-ე მუხლის „რ“ პუნქტის შესაბამისად, საქართველოს განათლებისა და მეცნიერების მინისტრის 2013 წლის 9 სექტემბრის №133/ნ ბრძანებით დამტკიცებული უნივერსიტეტის წესდების მე-8 მუხლის „ზ“ პუნქტით, „საჯარო სამართლის იურიდიული პირის – საქართველოს ტექნიკური უნივერსიტეტის წესდების დამტკიცების შესახებ“ და აკადემიური საბჭოს 2021 წლის 8 ნოემბრის №01-05-04/31 ოქმის საფუძველზე, საქართველოს ტექნიკური უნივერსიტეტის აკადემიურმა საბჭომ დაადგინა:

სტუ-ს აკადემიური საბჭოს 2018 წლის 20 სექტემბრის #01-05-04/253 დადგენილებაში „სტუ-ს სტუდენტებისთვის სწავლის საფასურის განსაზღვრის შესახებ“ შეიტანოს ცვლილება და დადგენილების I, II, III და IV პუნქტები ჩამოაყალიბოს შემდეგნაირად:

საქართველოს განათლებისა და მეცნიერების მინისტრის ინდივიდუალური ადმინისტრაციულ-სამართლებრივი აქტის საფუძველზე საბაკალავრო და სამაგისტრო პროგრამებზე ჩარიცხულ პირთა სწავლის ერთი წლის (60 კრედიტი) სწავლის საფასური ერთიანი ეროვნული გამოცდების/ზოგადი სამაგისტრო გამოცდების შესაბამისად, აგრეთვე „უმაღლესი განათლების შესახებ“ საქართველოს კანონი (გარდა ამ რეზოლუციის 2 პუნქტით დადგენილი პირისა). 2250 (ორი ათას ორას ორმოცდაათი) ლარი.

„უმაღლესი განათლების შესახებ“ საქართველოს კანონის 52-ე მუხლის მე-3 პუნქტით და 521-ე მუხლის მე-7 პუნქტით, აგრეთვე საქართველოს განათლებისა და მეცნიერების მინისტრის 2011 წლის, 29 დეკემბრის #224 ბრძანებით უნივერსიტეტის საბაკალავრო და ასპირანტურის საგანმანათლებლო პროგრამებზე ჩარიცხულ პირთა სწავლის საფასური „ერთიანი ეროვნული გამოცდების/ზოგადი სამაგისტრო გამოცდების გარეშე უმაღლეს სასწავლებელში სწავლის უფლების მქონე აბიტურიენტების/მაგისტრატურ კანდიდატების/სტუდენტთა მიერ საბუთების წარდგენისა და განხილვის წესის დამტკიცების შესახებ“ განისაზღვრება შემდეგნაირად:

ქართული

საბაკალავრო პროგრამა – 4500 ლარი

სამაგისტრო პროგრამა – 4500 ლარი

რუსული

საბაკალავრო პროგრამა – 5500 ლარი

სამაგისტრო პროგრამა – 5500 ლარი

ინგლისური

საბაკალავრო პროგრამა – 12500 ლარი

სამაგისტრო პროგრამა – 12500 ლარი

ქართული ენის მოსამზადებელი საგანმანათლებლო პროგრამა – 3500 ლარი

3. სადოქტორო პროგრამებზე სწავლის საფასური განისაზღვროს შემდეგი ოდენობით:

1. საქართველოს მოქალაქეებისთვის, უცხო ქვეყნის მოქალაქეებისთვის ან სახელმწიფოებრიობის არმქონე პირისათვის:
   1. ქართული ენის პროგრამაზე – 5000 ლარი;
   2. რუსული ენის პროგრამაზე – 8000 ლარი;
   3. ინგლისური ენის პროგრამისთვის – 12500 ლარი;

4. სტუდენტების მიერ გადახდილი წლიური გადასახადის 15% შესაძლოე გადაეცეს აბიტურიენტების მოსაზიდად დაქირავებულ აგენტს/სააგენტოს.

2. დადგენილება მოქმედებს 2021/2022 სასწავლო წლის მეორე სემესტრიდან ჩარიცხული, აღდგენილი ან გადაყვანილი სტუდენტებისთვის.
3. დადგენილება დასამტკიცებლად წარედგინება სტუ-ს წარმომადგენლობით საბჭოს (სენატს).
4. დადგენილება გამოქვეყნდება უნივერსიტეტის ვებგვერდზე და დაინტერესებულ პირებს ინფორმაციას მიაწვდის საქმის წარმოების დეპარტამენტი.
5. დადგენილება შეიძლება გასაჩივრდეს გამოქვეყნებიდან 1 თვის ვადაში თბილისის საქალაქო სასამართლოს ადმინისტრაციულ საქმეთა კოლეგიაში; მისამართი: ქ. თბილისი, დავით აღმაშენებლის ხეივანი, მე-12 კმ, №64.

საქართველოს ტექნიკურ უნივერსიტეტში (სტუ) უცხოელი სტუდენტების მიღების პროცესი მარტივი და სრულად დისტანციურია. რეგისტრაციის დასასრულებლად, გთხოვთ, მიჰყვეთ ქვემოთ მოცემულ 3 ძირითად ეტაპს:

ეტაპი 1: სარეგისტრაციო საფასური და ძირითადი ინფორმაცია

• რეგისტრაციის დასაწყებად აუცილებელია გადაიხადოთ ერთჯერადი, არაანაზღაურებადი სარეგისტრაციო საფასური – 75 აშშ დოლარი (ან მისი ექვივალენტი ლარში). საბანკო რეკვიზიტები მითითებულია ონლაინ სარეგისტრაციო ფორმაში.
• პირველ ეტაპზე დაგჭირდებათ გადახდის დამადასტურებელი ქვითრის (Receipt) ატვირთვა.
• ასევე, უნდა მიუთითოთ თქვენი პირადი მონაცემები: სახელი, გვარი, პასპორტის ნომერი, საკონტაქტო ინფორმაცია და ფიზიკური მისამართი.

ეტაპი 2: სასწავლო პროგრამის არჩევა

• აირჩიეთ სწავლების სასურველი საფეხური (ბაკალავრიატი, მაგისტრატურა, დოქტორანტურა ან მოსამზადებელი კურსი).
• მიუთითეთ სასურველი საგანმანათლებლო პროგრამა და სწავლების ენა (ქართული, ინგლისური ან რუსული).
• თუ ირჩევთ ინგლისურენოვან პროგრამას, სავალდებულოა ინგლისური ენის ცოდნის დამადასტურებელი სერტიფიკატის (B2 დონე) წარმოდგენა.

ეტაპი 3: დოკუმენტების ატვირთვა

სარეგისტრაციო ფორმის ბოლო ეტაპზე აუცილებელია შემდეგი დოკუმენტების ატვირთვა (დოკუმენტები უნდა იყოს თარგმნილი და ნოტარიულად დამოწმებული):

• პასპორტის ასლი
• განათლების დამადასტურებელი დოკუმენტი:
  • ბაკალავრიატისთვის — სკოლის ატესტატი;
  • მაგისტრატურისთვის — ბაკალავრის დიპლომი და ნიშნების ფურცელი (დანართი);
  • დოქტორანტურისთვის — მაგისტრის დიპლომი და ნიშნების ფურცელი.
• შევსებული განაცხადის ფორმა (ფორმის ჩამოტვირთვა შესაძლებელია რეგისტრაციის გვერდიდან).
• დამატებითი დოკუმენტები (საჭიროებისამებრ): პროფესიული სერტიფიკატი, შედარების აქტი (ტრანსფერის დროს), პორტფოლიო და სამოტივაციო წერილი (არქიტექტურისა და დიზაინის პროგრამებისთვის).
• სტუ-ს დახმარების სერვისი: თუ გსურთ უნივერსიტეტმა გაგიწიოთ დახმარება დოკუმენტების თარგმნასა და განათლების ხარისხის განვითარების ეროვნულ ცენტრში წარდგენაში, უნდა ატვირთოთ დამატებითი 300$-იანი მომსახურების საფასურის გადახდის ქვითარი.

ყველა დოკუმენტის ატვირთვისა და ფორმის გაგზავნის შემდეგ, უნივერსიტეტის საერთაშორისო ურთიერთობების დეპარტამენტი დაგიკავშირდებათ მითითებულ ელ-ფოსტაზე შემდგომი ინსტრუქციებით.