ქ.თბილისის რეგიონის მტვრით, PM2.5, PM10 ნაწილაკებით დაბინძურების გამოკვლევა და პროგნოზი

რიცხვითი მოდელირებით და ნატურული მონაცემების სტატისტიკური ანალიზით შესწავლილია ქ.თბილისისა და მისი მიმდებარე ტერიტორიის ატმოსფერული ჰაერის დაბინძურება მტვრით, PM2,5 და PM10– მიკრო აეროზოლებით. აღნიშნული საკითხი წარმოადგენს მსოფლიოს დიდი ქალაქებისა და ინდუსტრიული ცენტრების ეკოლოგიური უსაფრთხოების მეტად აქტუალურ თანამედროვე პრობლემას, ვინაიდან უშუალოდ არის დაკავშირებული ადამიანთა ჯანმრთელობასთან. მსოფლიო ჯანდაცვის ორგანიზაციის დასკვნის თანახმად ქ.თბილისი მიეკუთვნება იმ ქალაქების რიცხვს, სადაც ატმოსფეროს მტვრით, PM2,5და PM10–მიკრო აეროზოლებით დაბინძურების დონე 2- ჯერ და უფრო მეტად აღემატება მათ ზღვრულად დასაშვებ ნორმებს.