ბისმუტის ფუძიანი მოწინავე ზეგამტარი მასალების შემუშავება დოპირებითა და მაღალენერგეტიკული გადაფქვით

კვლევები ფოკუსირებული იყო სამ მთავარ ასპექტზე:

ა) იმ ფუნდამენტური მექანიზმების დადგენა, რომელთა მეშვეობითაც ბორის შემცველი დოპანტები ცვლიან Bi(Pb)-2223–ის ზეგამტარ თვისებებს;

ბ) პრეკურსორის დოპირების ხარისხის, ნაწილაკთა ზომების განაწილებისა და თერმომექანიკური დამუშავების გრაფიკის შერჩევა/ოპტიმიზაცია;

გ) ოპტიმიზირებული პრეკურსორის გამოყენებით მოკლე ზომის (5-10 სმ) ვერცხლისგარსიანი Bi(Pb)-2223 ზეგამტარი სადენების დამზადება და ტესტირება.Bi(Pb)-2223 ზეგამტარი მოცულობითი ნიმუშების მიღების პროცესი განხორციელდა დამატებითა და ჩანაცვლებით დოპირების მეთოდების გამოყენებით.

დადგინდა ბორის შემცველი დოპანტების ზეგავლენის მექანიზმები Bi(Pb)-2223-ის ზეგამტარ თვისებებზე; ოპტიმიზირებული პრეკურსორის გამოყენებით დამზადდა და ტესტირებულ იქნა მოკლე ზომის (5–10სმ) ვერცხლისგარსიანი Bi(Pb)-2223 ზეგამტარი სადენები „ოქსიდური ფხვნილი მილაკში” (OPIT) ტექნოლოგიით.

გამოკვლეული იყო ზეგამტარი, სტრუქტურული და მიკროსტრუქტურული თვისებების დამოკიდებულება დოპირების დონეზე, მასალათა მიღების პირობებზე და მაღალენერგეტიკულ დამუშავებაზე. კუთრი წინაღობისა და კრიტიკული დენის სიმკვრივის გაზომვები მაგნიტური ველის 0–დან 1 ტესლამდე მნიშვნელობისათვის ჩატარდა სტანდარტული ოთხკონტაქტიანი მეთოდით. ტრანსპორტული Jc–ს გაზომვები შესრულდა 1 მკვ/სმ დაძაბულობის კრიტერიუმით. მიღებული მოცულობითი ნიმუშების ელექტრომაგნიტური დახასიათება ჩატარდა მაგნიტური ამთვისებლობის ანალიზით. სინთეზირებული მასალების მიკროსტრუქტურულითვისებების, ნაწილაკთა ზომებისა და ელემენტთა განაწილების სისტემატური კვლევა განხორციელდა მასკანირებელი ელექტრონული მიკროსკოპისა (მემ) და მასთან ერთად ენერგოდისპერსული რენტგენული (მემ/ედრ) მიკროანალიზის სისტემის გამოყენებით. ზეგამტარი ფაზის შემცველობა&ევოლუცია მიღებულ მასალებში, მესერის პარამეტრები და კრისტალური სტრუქტურები დადგენილი იქნა რენტგენოდიფრაქციული მონაცემების საფუძველზე. “ოქსიდური ფხვნილი მილაკში” (OPIT) ტექნოლოგიიის გამოყენებით დამზადდა მოკლე ზომის (5-10 სმ) ვერცხლისგარსიანი Bi(Pb)-2223 ზეგამტარი სადენები (ლენტები), ზეგამტარი. ჩატარდა მათი ტესტირება.