ინდუქციური გამოყვანის ოპერატორის გამოყენება ადამიანის ინტელექტის ფუნქციის მოდელირებასა და ტექნიკურ ამოცანებში

კვლევის არსი მდგომარეობდა ინდუქციური გამოყვანის პროცესორის საშუალებით იმ ელემენტარული ფსიქოლოგიური ფუნქციების მოდელირებაში, რომლებიც განაპირობებენ აზროვნების უნარს და ამ კვლევის შედეგის საფუძველზე კონკრეტული, მაღალი პრაქტიკული მნიშვნელობის მქონე „გონიერი“ ტექნიკური სისტემის დამუშავებაში. არსებული გეგმის შესაბამისად, გათვალისწინებული იყო და დამუშავდა ე.წ. „გონიერი“ მიმყოლი სისტემის კონცეფცია. ინდუქციური გამოყვანის პროცესორის გამოყენება შესაძლებელს გახდის, რომ ასეთი მიმყოლი სისტემა გამოყენებულ იქნას სწრაფად მიმდინარე პროცესების მართვის ამოცანებში. პარალელურად, უნივერსიტეტ „გეომედთან“ ერთად განხორციელდა ექსპერიმენტები, რომელთა მიზანი იყო ე.წ. „მოტივაციური ფილტრების“ მოდელირება ინდუქციური გამოყვანის პროცესორის საშუალებით.