კვანტური გამოთვლები და კვანტური სისტემების მართვის მათემატიკური ამოცანები

უკანასკნელ წლებში კვანტური სისტემების, როგორც დინამიური პროცესების, მართვის შესაძლებლობა გამყარდა ექსპერიმენტებით, რამაც კვანტური სისტემების მართვადობის პრობლემა წარმოშვა კვანტურ დინამიურ სისტემათა საკმაოდ ფართო კლასისათვის. მიღებული იქნა გადახლართული სამდონიანი კვანტური სისტემების მართვადობის კრიტერიუმი. განვითარებული იქნა მონოდრომიული კვანტური გამოთვლებისათვის მართვის გეომეტრიული თეორია. კერძოდ, გამოკვლეული იქნა ჰამილტონიანები, რომლებიც რედუცირდება დიფერენციალურ განტოლებათა რეგულარული სისტემებზე. გამოკვლეული იქნა ლაზერულ ველში ჩაწერილი იონების მართვის ამოცანები წრფივი და სხვა ერთგანზომილებიანი კონფიგურაციებისათვის.