საერთაშორისო პროექტების სამუშაო შეხვედრა წარმატებით დასრულდა

8 აპრილს, საქართველოს ტექნიკური უნივერსიტეტის ადმინისტრაციული კორპუსის ბიბლიოთეკაში ორდღიანი სამუშაო შეხვედრა – „საერთაშორისო პროექტები – შედეგები და პერსპექტივები“ დასრულდა.

ღონისძიება ტექნოლოგიებისა და საგრანტო პროექტების ოფისის ორგანიზებით ჩატარდა, სადაც Horizon Europe-ისა და Interreg-ის პროგრამების ფარგლებში, მიმდინარე ინოვაციური კვლევები და მათი სამომავლო გეგმები განიხილეს.

შეხვედრის ფარგლებში მოხსენებები წარადგინეს საერთაშორისო პროექტების ხელმძღვანელებმა და მკვლევრებმა:

• დავით ლომიძე (კვანტური ფიზიკისა და საინჟინრო ტექნოლოგიების ინსტიტუტი) – პროექტი BEYOND;
• გიორგი გიორგობიანი (გამოთვლითი მათემატიკის ინსტიტუტი) – პროექტები: GAIN, Forge AI და WARIE;
• თამრიკო სუპატაშვილი (წყალთა მეურნეობის ინსტიტუტი) – პროექტი AlgaeRevive;
• დავით მაღრაძე (აგრარული მეცნიერებებისა და ქიმიური ტექნოლოგიების ფაკულტეტი) – პროექტი Eco2Wine.

ღონისძიების მნიშვნელობაზე ისაუბრა ტექნოლოგიებისა და საგრანტო პროექტების ოფისის უფროსმა, გიორგი მიქიაშვილმა:

“ჩვენი პრიორიტეტია, რომ თითოეული სამეცნიერო მიღწევა უფრო მეტად ხელმისაწვდომი გახდეს ფართო საზოგადოებისთვის. ჩვენ აქტიურად ვმუშაობთ, რათა უზრუნველვყოთ პროექტების შედეგების ეფექტიანი გავრცელება, როგორც ადგილობრივ, ისე საერთაშორისო დონეზე.”

    – გიორგი მიქიაშვილი

ორდღიანი სამუშაო შეხვედრის დასრულებამ კიდევ ერთხელ დაადასტურა საერთაშორისო საგრანტო პროექტების გადამწყვეტი როლი უნივერსიტეტის ინტერნაციონალიზაციისა და განვითარების პროცესში. სტუ კვლავაც აგრძელებს ახალი პარტნიორობების ჩამოყალიბებასა და ევროპულ საგრანტო პროგრამებში აქტიურ ჩართულობას.