2026-2027 სასწავლო წლის პირველი სემესტრისათვის სტუ-ის ფარგლებში საგანმანათლებლო პროგრამის შეცვლის (შიდა მობილობის) მსურველთა საყურადღებოდ

სსიპ – საქართველოს ტექნიკურ უნივერსიტეტში 2026-2027 სასწავლო წლის პირველი სემესტრიდან უნივერსიტეტის ფარგლებში საგანმანათლებლო პროგრამის შეცვლის (შიდა მობილობის) მსურველებმა უნდა მიმართონ შესაბამის ფაკულტეტს (სადაც სწავლობენ ან სწავლობდნენ) 2026 წლის 23 ივლისს.

1. უნივერსიტეტის ფარგლებში საგანმანათლებლო პროგრამის შეცვლის (შიდა მობილობა) პირობები განისაზღვრა სტუ-ის აკადემიური საბჭოს მიერ (იხ. დანართი 1);

2. შიდა მობილობასთან დაკავშირებით დამატებითი კითხვებისათვის მიმართეთ ფაკულტეტის წარმომადგენელს.

ყურადღება!

1. არქიტექტურის, ურბანისტიკისა და დიზაინის ფაკულტეტის საბაკალავრო საგანმანათლებლო პროგრამებზე: საბაკალავრო საგანმანათლებლო პროგრამა – „არქიტექტურა“, რუსულენოვანი საბაკალავრო საგანმანათლებლო პროგრამა – „არქიტექტურა“, საბაკალავრო საგანმანათლებლო პროგრამა – „მოდის დიზაინის ტექნოლოგიები“ მობილობის მსურველებმა უნდა გაიარონ გასაუბრება, რომელიც ჩატარდება 2026 წლის 24 ივლისს, 11:00 საათზე.

• გასაუბრება ჩატარდება ფაკულტეტის სპეციალური კომისიის წინაშე, სადაც უნდა წარადგინოთ საკუთარი ხელით შესრულებული გრაფიკული ნამუშევრები (ნახატები და ნახაზები).
• მისამართი: თბილისი; კოსტავას №68, სტუ-ის I კორპუსი, მე-4 სართული, ოთახი 402 ა.

2. დიზაინის საერთაშორისო სკოლის საბაკალავრო საგანმანათლებლო პროგრამებზე: ინგლისურენოვანი საბაკალავრო საგანმანათლებლო პროგრამა ,,დიზაინი” და ,,არქიტექტურა” მობილობის მსურველებმა უნდა გაიარონ გასაუბრება, რომელიც ჩატარდება 2026 წლის 24 ივლისს, 12:00 საათზე.

• გასაუბრება ჩატარდება ფაკულტეტის სპეციალური კომისიის წინაშე, სადაც წერილობით უნდა წარადგინოთ და სიტყვიერად დაასაბუთოთ პროგრამაზე სწავლის მოტივაცია, ასევე წარადგინოთ საკუთარი ხელით შესრულებული გრაფიკული ნამუშევრები (ნახატები და ნახაზები).
• მისამართი: თბილისი, კოსტავას № 75, სტუ-ის VIII კორპუსი, მე-2 სართული, ოთახი 4.