ტუტორინგისა და მენტორინგის ცენტრში მენტორინგის ქოუჩ-ტრენინგი ჩატარდა

10-11 ოქტომბერს, საქართველოს ტექნიკური უნივერსიტეტის ტუტორინგისა და მენტორინგის ცენტრში მენტორინგის ქოუჩ-ტრენინგი გაიმართა, რომელსაც  სფეროს ექსპერტი  ეკატერინე ბაბუნაშვილი უძღვებოდა.  

ორი დღის განმავლობაში მონაწილეებმა განიხილეს შემდეგი  თემები: 

• მენტორობის ძირითადი პრინციპები და პასუხისმგებლობები

• სტუდენტებთან ეფექტიანი კომუნიკაციის მეთოდები

• მოტივაციის, მხარდაჭერის და ჩართულობის ზრდის სტრატეგიები

• რეალური შემთხვევების განხილვა და პრაქტიკული სავარჯიშოები

• მენტორის როლის ეთიკა, საზღვრები და პროფესიული ქცევის წესები

ტრენინგს 15 მონაწილე ესწრებოდა, რომლებმაც წარმატებით დაასრულეს პროგრამა და სერტიფიცირების შემდეგ,   ტუტორინგისა და მენტორინგის ცენტრის ოფიციალური მენტორები გახდნენ. 

ტრეინინგი  Erasmus+ პროექტ PROMENT-ის ფარგლებში  განხორციელდა, რაც  მიზნად ისახავდა სტუდენტთა მხარდაჭერის სისტემის გაძლიერებას, მენტორების პროფესიული განვითარებისა და პრაქტიკული უნარების დახვეწის გზით.

ტუტორინგისა და მენტორინგის ცენტრი მომავალშიც გააგრძელებს მსგავს ტრენინგებსა და განვითარების ღონისძიებებს, რომლებიც  სტუდენტებისთვის მაღალი ხარისხის აკადემიური და სოციალური მხარდაჭერის უზრუნველყოფას ემსახურება.