სტუ-ის რექტორი პროფესორ შენგელი ფიცხელაურს, იუბილესა და ძიუდოში პრესტიჟული საერთაშორისო ჯილდოს მინიჭებას ულოცავს

სიახლეები

საქართველოს ტექნიკური უნივერსიტეტის რექტორი, საქართველოს რექტორთა მუდმივმოქმედი კონფერენციის თავმჯდომარე, აკადემიკოსი დავით გურგენიძე, საუნივერსიტეტო საზოგადოების სახელით, სტუ-ის სამართლისა და საერთაშორისო ურთიერთობების ფაკულტეტის გამორჩეულ მკვლევარს, სადისერტაციო საბჭოს წევრს, ცნობილ სამართალმცოდნეს, ღვაწლმოსილ პედაგოგსა და მრავალი სტუდენტის აღმზრდელს, ღირსების ორდენის კავალერსა და „საბრძოლო დამსახურებისთვის“ მედლის მფლობელს, საქართველოს ძიუდოს ეროვნული ფედერაციის ვიცე-პრეზიდენტსა და საერთაშორისოდ აღიარებულ სპორტსმენს, გენერალ-მაიორ, პროფესორ შენგელი ფიცხელაურს 80 წლის იუბილეს და ძიუდოში ერთ-ერთი უმაღლესი საერთაშორისო საკვალიფიკაციო ხარისხის – მე-8 დანის მინიჭებას ულოცავს.

ქართული ძიუდოს ერთ-ერთ პიონერსა და ლეგენდას, ევროპისა და მსოფლიოს საერთაშორისო ტურნირების არაერთგზის გამარჯვებულს, პროფესორ შენგელი ფიცხელაურს პრესტიჟული ჯილდო, ძიუდოს საერთაშორისო ფედერაციის (IJF) პრეზიდენტის მარიუს ვიზერის სახელით, IJF-ის ვიცე-პრეზიდენტმა და ევროპის ძიუდოს კავშირის (EJU) პრეზიდენტმა, დოქტორმა ლასლო ტოთმა გადასცა. ლეგენდარული სპორტსმენის დაჯილდოება მისი 80 წლის იუბილესადმი მიძღვნილ საზეიმო ღონისძიებაზე გაიმართა.

საქართველოს ტექნიკური უნივერსიტეტის რექტორის განცხადებით, პროფესორი შენგელი ფიცხელაური პირველი ქართველი ძიუდოისტია, რომელსაც სპორტის აღნიშნული სახეობის განვითარებაში შეტანილი განსაკუთრებული წვლილისთვის უაღრესად პრესტიჟული და ელიტარული ხარისხი მიენიჭა.

„ეს მნიშვნელოვანი საერთაშორისო აღიარება კიდევ ერთხელ ხაზს უსვამს პროფესორ შენგელი ფიცხელაურის განსაკუთრებულ ღვაწლს. ბატონი შენგელი მრავალწლიანი აკადემიური საქმიანობის პარალელურად, ქართული ძიუდოს ცოცხალი ლეგენდაა. ის საერთაშორისო კლასის სპორტსმენი, მწვრთნელი და სპორტის ორგანიზატორია, რომელიც ათწლეულების განმავლობაში ღირსეულად ემსახურა ქართული ძიუდოს განვითარებასა და მისთვის საერთაშორისო ავტორიტეტის მოპოვებას. სწორედ ამ გამორჩეული ღვაწლის, საერთაშორისო ასპარეზზე მიღწეული ბრწყინვალე შედეგებისა და ძიუდოს განვითარებაში შეტანილი განსაკუთრებული წვლილის აღიარებაა ძიუდოს საერთაშორისო ფედერაციის მიერ მისთვის გადაცემული უაღრესად საპატიო ჯილდო. პროფესორი შენგელი ფიცხელაური მე-8 დანის მფლობელი პირველი ქართველი ძიუდოისტი გახდა!

ბატონი შენგელი ჩვენი უნივერსიტეტის ღირსეული წარმომადგენელია. ცნობილ სამართალმცოდნეს, გამორჩეულ მეცნიერსა და პედაგოგს თავისი პროფესიონალიზმით და მდიდარი გამოცდილებით მნიშვნელოვანი წვლილი შეაქვს საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის გაძლიერებასა და ახალი თაობების აღზრდაში. მისი მრავალწლიანი საგანმანათლებლო, კვლევითი და საზოგადოებრივი საქმიანობა არაერთი სტუდენტისა და ახალგაზრდა იურისტისთვის პროფესიონალიზმისა და მოქალაქეობრივი პასუხისმგებლობის მაგალითია.

ჩვენი საუნივერსიტეტო საზოგადოების სახელით, ვულოცავ ბატონ შენგელი ფიცხელაურს 80 წლის იუბილესა და უდიდეს საერთაშორისო აღიარებას. ვუსურვებ ჯანმრთელობას, დღეგრძელობას, მხნეობას და კიდევ მრავალ წარმატებას როგორც აკადემიურ, ისე სპორტულ, საზოგადოებრივ თუ სახელმწიფოებრივ საქმიანობაში“.

– აკადემიკოსი დავით გურგენიძე


მსგავსი

სიახლეები

სტუ-ის არჩილ ელიაშვილის სახელობის მართვის სისტემების ინსტიტუტის სამეცნიერო საბჭო კონკურსს აცხადებს

საქართველოს ტექნიკური უნივერსიტეტის არჩილ ელიაშვილის სახელობის მართვის სისტემების ინსტიტუტის სამეცნიერო საბჭო აცხადებს ღია კონკურსს შემდეგი სამეცნიერო თანამდებობის დასაკავებლად: ვახტანგ გომელაურის...

სიახლეები

სტუ-ის რექტორი პროფესორ ლევან ჯაფარიძეს 90 წლის იუბილეს და სამეცნიერო-პედაგოგიური მოღვაწეობის 65-ე წლისთავს ულოცავს

საქართველოს ტექნიკურ უნივერსიტეტის რექტორი, აკადემიკოსი დავით გურგენიძე ცნობილი ქართველი მეცნიერს, საქართველოს მეცნიერებათა ეროვნული აკადემიის აკადემიკოსს, საქართველოს საინჟინრო, რუსეთის სამთო მეცნიერებათა...

სიახლეები

სტუ-ის რექტორი კოლეგებს მეცნიერების საერთაშორისო დღეს ულოცავს

საქართველოს ტექნიკური უნივერსიტეტის რექტორი, აკადემიკოსი დავით გურგენიძე მეცნიერებს, მკვლევრებს, დოქტორანტებსა და კოლეგებს მეცნიერების საერთაშორისო დღეს ულოცავს. „ძვირფასო კოლეგებო! გულითადად გილოცავთ...

სიახლეები

გაზეთ „ასავალ-დასავალში“ გამოქვეყნებულ სტატიებს სტუ განცხადებით ეხმაურება

საქართველოს ტექნიკური უნივერსიტეტი ეხმაურება 2026 წლის 9 ნოემბრის გაზეთ „ასავალ-დასავალის“ 86/87 ნომერში გამოქვეყნებულ სტატიების ციკლს, რომელიც დომენტი (დიტო) ჩუბინიძის მიმართ...

სიახლეები

სტუ-ის რექტორი პროფესორ ნინო (ნელი) ჭიჭინაძის გარდაცვალების გამო სამძიმარს გამოთქვამს

საქართველოს ტექნიკური უნივერსიტეტის რექტორი, აკადემიკოსი დავით გურგენიძე საუნივერსიტეტო საზოგადოების სახელით სამძიმარს უცხადებს აგრარული მეცნიერებებისა და ქიმიური ტექნოლოგიების ფაკულტეტსა და ოჯახს...

სიახლეები

სტუ-ის ნიკო მუსხელიშვილის სახელობის გამოთვლითი მათემატიკის ინსტიტუტმა „Horizon Europe“-ის კიდევ ერთ საერთაშორისო საგრანტო პროექტში გაიმარჯვა

„ჰორიზონტი ევროპის“ ფარგლებში დაფინანსებულ WARIE პროექტში მონაწილეობა ჩვენი უნივერსიტეტის სამეცნიერო პოტენციალის, პროფესიონალიზმისა და საერთაშორისო აკადემიურ სივრცეში დამკვიდრებული მაღალი რეპუტაციის კიდევ...

მხარდაჭერა

რატომ გვწერთ?