სტუ-ის მაგისტრანტი თბილისის ურბანულ ნარგაობებში არსებულ დიდტანიან მერქნიან მცენარეებს იკვლევს
საქართველოს ტექნიკური უნივერსიტეტის აგრარული მეცნიერებების და ბიოსისტემების ინჟინერინგის ფაკულტეტის, უმაღლესი განათლების მეორე საფეხურის – მაგისტრატურა, აგრარული ტექნოლოგიების საგანმანათლებლო პროგრამის მეორე კურსის სტუდენტი გიორგი ანდიაშვილი მერქნიან მცენარეთა მდგომარეობის ინოვაციური მეთოდის პრაქტიკაში გამოყენებაზე მუშაობს.
გიორგი ანდიაშვილის სამაგისტრო თემის — „იმპულსური ტომოგრაფია – მერქნიან მცენარეთა მდგომარეობის კვლევის ინოვაციური მეთოდი. პრაქტიკული გამოყენება“ — ხელმძღვანელია ბიოლოგიის მეცნიერებათა დოქტორი, პროფესორი ირინე დანელია.
გიორგი ანდიაშვილის თქმით, პროექტის მიზანია, თბილისის ურბანულ ნარგაობებში პოტენციური რისკის შემცველი ინდივიდების გამოვლენა თანამედროვე დიაგნოსტიკური მეთოდის – იმპულსური ტომოგრაფიის გამოყენებით.
„პირველი ეტაპი დაეთმობა საველე გასვლების დაგეგმვას. დადგინდება ზუსტი ლოკაციები და მოინიშნება საკვლევი ხეები. მომდევნო ეტაპზე, იმპულსური ტომოგრაფის გამოყენებით ჩატარდება ხეების კვლევა. შეგროვდება ნიმუშები, ჩატარდება მათი ენტომოლოგიური და ფიტოპათოლოგიური კვლევა. თბილისის ურბანულ ნარგაობებში არსებული დიდტანიანი მერქნიანი მცენარეების კვლევა, ადრეული დიაგნოსტიკისა და მოსალოდნელი რისკების შეფასების მიზნით, მეტად აქტუალური და მოთხოვნადია. ასევე, მნიშვნელოვანია მცენარეების მავნე ორგანიზმების (მავნებლები, პათოგენები) კვლევა და მათ წინააღმდეგ ბრძოლის მეთოდების შემუშავება. კლიმატის ცვლილების ტენდენციები და სხვადასხვა აბიოტური სტრესორები სერიოზულ გავლენას ახდენს ერთის მხრივ, მცენარეთა ჯანმრთელობაზე, მეორე მხრივ, მავნე ორგანიზმების გავრცელებასა და ქცევაზე. ყოველივე განსაკუთრებულ საფრთხეს უქმნის ქალაქის ბაღ-პარკებსა და რეკრეაციულ ზონებში არსებულ დიდტანიან, ისტორიული მნიშვნელობის მქონე მერქნიან მცენარეებს. იმპულსური ტომოგრაფიის პრაქტიკაში დანერგვა მნიშვნელოვნად შეუწყობს ხელს ქალაქის შესაბამისი სამსახურების მიერ დროული და ეფექტური ღონისძიებების გატარებას“, – აცხადებს მაგისტრანტი.
იმპულსური ტომოგრაფია ერთ-ერთი ინოვაციური მეთოდია, რომელიც ეფექტიანად გამოიყენება მერქნიან მცენარეთა მდგომარეობის მონიტორინგისთვის და ურბანული გამწვანებისთვის დადებითი შედეგების მომტანია.
„მსოფლიოში, მოსახლეობის თითქმის ნახევარი, ურბანულ გარემოში ცხოვრობს. ურბანიზაციის ტემპისა და მასშტაბების მატებასთან ერთად მატულობს ხმაურის დონე, ჰაერის გაჭუჭყიანება, ხოლო მცენარეული საფარი პირიქით, მცირდება. ცნობილია, რომ ურბანული სივრცეების გამწვანება აუმჯობესებს ქალაქის მიკროკლიმატს, ამიტომ აუცილებელია არსებული ხელოვნური ნარგაობების შენარჩუნება, მათი მუდმივი მონიტორინგის და დროული ეფექტური ღონისძიებების შემუშავების გზით. თანამედროვე ტექნოლოგიები ამ საქმეებს ამარტივებს და უფრო ხარისხიანს ხდის. სამაგისტრო მიგნებები გამოყენებული იქნება ურბანულ გარემოში ჭადრის Platanus spp. ნარგაობების მართვის პროტოკოლის შესამუშავებლად. გამოკვლეულ ხეებში მიმდინარე პათოლოგიური პროცესების მიზეზების დადგენა (პათოგენების იდენტიფიკაცია) ხელს შეუწყობს ამ დაზიანებების შემარბილებელი ღონისძიებების შემუშავებას“, — აცხადებს გიორგი ანდიაშვილი.
Related
Rector of the GTU Expresses Condolences on the Passing of Professor Nino (Neli) Chichinadze
On behalf of the university community, the Rector of the Georgian Technical University, Academician David Gurgenidze, expresses his condolences to...
The Niko Muskhelishvili Institute of Computational Mathematics at the Georgian Technical University has won another international grant project under the “Horizon Europe” framework
“Participation in the WARIE project – funded through “Horizon Europe” – serves as further confirmation of our university’s scientific potential,...
Announcement of the Council of the Faculty of Law and International Relations on Calling the Election for the Position of Head of the Faculty Quality Assurance Office
In accordance with Article 25 of the Law of Georgia "On Higher Education"; Article 22 of the Charter of the...
Students from the Faculty of Business Technologies at the GTU met with representatives from TBC Concept
Organized by the Career Development Service, the meeting between students from the GTU Faculty of Business Technologies and representatives of...
Certificates Awarded to 23 Customs Officers of the Revenue Service
The Georgian Technical University has awarded certificates to 23 customs officers from the Customs Department of the Revenue Service (under...
Presentation of the Book “Diplomatic and Consular Law” at GTU, Held as Part of Georgian Diplomacy Day
The Faculty of Law and International Relations at Georgian Technical University celebrated Georgian Diplomacy Day. As part of the event,...