სტუ-სა და ნავთობისა და გაზის კორპორაციას შორის მემორანდუმი გაფორმდა

სიახლეები

საქართველოს ტექნიკური უნივერსიტეტის ვიცე-რექტორმა, პროფესორმა თამარ წერეთელმა და საქართველოს ნავთობისა და გაზის კორპორაციის გენერალურმა დირექტორმა ეკატერინე სისაურმა ქვეყნის ეკონომიკის მოთხოვნების, შრომის ბაზრისა და განათლების სისტემის ურთიერთკავშირის ხელშეწყობის, ასევე, უმაღლესი და პროფესიული განათლების განვითარების მიზნით, უნივერსიტეტსა და კორპორაციას შორის ურთიერთგაგების მემორანდუმს მოაწერეს ხელი.

მემორანდუმი ითვალისწინებს მხარეთა თანამშრომლობას განათლების, მეცნიერების, ინოვაციების, პროფესიული განვითარების, სტუ-ის სამთო-გეოლოგიური და მთის მდგრადი განვითარების ფაკულტეტის სტუდენტთა პრაქტიკული მომზადებისა და კვალიფიციური კადრების აღზრდის მიმართულებით. შეთანხმების ფარგლებში განსაკუთრებული ყურადღება დაეთმობა სტუდენტებისა და ახალგაზრდა სპეციალისტებისთვის პრაქტიკული უნარების განვითარებას, სტაჟირების პროგრამების განხორციელებას, ერთობლივი საგანმანათლებლო და კვლევითი პროექტების დაგეგმვა-განხორციელებას.

საქართველოს ტექნიკური უნივერსიტეტის ვიცე-რექტორის თქმით, თანამედროვე შრომის ბაზარი მაღალკვალიფიციურ, კონკურენტუნარიან და პრაქტიკულ გამოცდილებაზე ორიენტირებულ სპეციალისტებს მოითხოვს, რაც აკადემიური სექტორისა და დამსაქმებელი ორგანიზაციების მჭიდრო თანამშრომლობის აუცილებლობას განაპირობებს. როგორც პროფესორი თამარ წერეთელი აცხადებს, საქართველოს ტექნიკური უნივერსიტეტისა და საქართველოს ნავთობისა და გაზის კორპორაციის პარტნიორობა მიზნად ისახავს სტუდენტებისთვის პროფესიული განვითარების დამატებითი შესაძლებლობების შექმნას, მათი დასაქმების ხელშეწყობასა და ქვეყნის ენერგეტიკის სექტორისთვის საჭირო კადრების მომზადებას. მისივე თქმით, თანამშრომლობის ფარგლებში ასევე იგეგმება თემატური სემინარების, ტრენინგების, საჯარო ლექციების, სამეცნიერო-პრაქტიკული კონფერენციებისა და სხვა ერთობლივი ღონისძიებების ორგანიზება, რაც სტუდენტებსა და აკადემიურ პერსონალს შესაძლებლობას მისცემს გაეცნონ დარგში არსებულ თანამედროვე ტენდენციებსა და გამოწვევებს.

 

„თანამედროვე ეკონომიკა სულ უფრო მეტად საჭიროებს როგორც მაღალი აკადემიური კვალიფიკაციის მქონე სპეციალისტებს, ისე პრაქტიკულ უნარებზე ორიენტირებულ პროფესიონალებს. სწორედ ამიტომ, საქართველოს ტექნიკური უნივერსიტეტისთვის პარტნიორული ურთიერთობების განვითარება განათლების, მეცნიერებისა და ინდუსტრიის ეფექტიან ინტეგრაციას უზრუნველყოფს. საქართველოს ნავთობისა და გაზის კორპორაციასთან გაფორმებული ურთიერთგაგების მემორანდუმი სწორედ ამ მიზანს ემსახურება.

საქართველოს ნავთობისა და გაზის კორპორაცია ქვეყნის ერთ-ერთი მნიშვნელოვანი ენერგეტიკული კომპანიაა, რომლის საქმიანობა საქართველოს ენერგოუსაფრთხოებასა და ეკონომიკურ განვითარებას უკავშირდება. ამიტომ ჩვენთვის განსაკუთრებით მნიშვნელოვანია, რომ სტუდენტებმა და ახალგაზრდა მკვლევრებმა რეალურ გარემოში მიიღონ პრაქტიკული გამოცდილება, გაეცნონ თანამედროვე ინდუსტრიულ პროცესებსა და დარგში მიმდინარე ტექნოლოგიურ სიახლეებს. მემორანდუმი ქმნის ფართო შესაძლებლობებს ერთობლივი საგანმანათლებლო, სამეცნიერო და კვლევითი პროექტების განხორციელებისთვის და ასევე მოიცავს პროფესიული განათლების კომპონენტსაც. დარწმუნებული ვართ, რომ თანამშრომლობა ხელს შეუწყობს არა მხოლოდ სტუდენტთა პრაქტიკული უნარების განვითარებას, არამედ გამოყენებითი კვლევების გაძლიერებას, ინოვაციური იდეების წარმოჩენას და კვლევების შედეგების დანერგვას ეკონომიკურ საქმიანობაში.

საქართველოს ტექნიკური უნივერსიტეტი ყოველთვის იყო და რჩება ქვეყნის ინდუსტრიული, ტექნოლოგიური და საინჟინრო განვითარების პროცესის აქტიურ მონაწილედ. ჩვენი მიზანია, ახალგაზრდებს შევუქმნათ ისეთი საგანმანათლებლო გარემო, რომელიც მათ მისცემს არა მხოლოდ ფუნდამენტურ ცოდნას, არამედ შესაძლებლობას, სწავლის პროცესშივე დაეუფლონ პროფესიას“.

პროფესორი თამარ წერეთელი


მსგავსი

სიახლეები

სტუ-ის რექტორი კოლეგებს მეცნიერების საერთაშორისო დღეს ულოცავს

საქართველოს ტექნიკური უნივერსიტეტის რექტორი, აკადემიკოსი დავით გურგენიძე მეცნიერებს, მკვლევრებს, დოქტორანტებსა და კოლეგებს მეცნიერების საერთაშორისო დღეს ულოცავს. „ძვირფასო კოლეგებო! გულითადად გილოცავთ...

სიახლეები

გაზეთ „ასავალ-დასავალში“ გამოქვეყნებულ სტატიებს სტუ განცხადებით ეხმაურება

საქართველოს ტექნიკური უნივერსიტეტი ეხმაურება 2026 წლის 9 ნოემბრის გაზეთ „ასავალ-დასავალის“ 86/87 ნომერში გამოქვეყნებულ სტატიების ციკლს, რომელიც დომენტი (დიტო) ჩუბინიძის მიმართ...

სიახლეები

სტუ-ის რექტორი პროფესორ ნინო (ნელი) ჭიჭინაძის გარდაცვალების გამო სამძიმარს გამოთქვამს

საქართველოს ტექნიკური უნივერსიტეტის რექტორი, აკადემიკოსი დავით გურგენიძე საუნივერსიტეტო საზოგადოების სახელით სამძიმარს უცხადებს აგრარული მეცნიერებებისა და ქიმიური ტექნოლოგიების ფაკულტეტსა და ოჯახს...

სიახლეები

სტუ-ის ნიკო მუსხელიშვილის სახელობის გამოთვლითი მათემატიკის ინსტიტუტმა „Horizon Europe“-ის კიდევ ერთ საერთაშორისო საგრანტო პროექტში გაიმარჯვა

„ჰორიზონტი ევროპის“ ფარგლებში დაფინანსებულ WARIE პროექტში მონაწილეობა ჩვენი უნივერსიტეტის სამეცნიერო პოტენციალის, პროფესიონალიზმისა და საერთაშორისო აკადემიურ სივრცეში დამკვიდრებული მაღალი რეპუტაციის კიდევ...

Placeholder
სიახლეები

სამართლისა და საერთაშორისო ურთიერთობების ფაკულტეტის საბჭოს განცხადება ფაკულტეტის ხარისხის უზრუნველყოფის სამსახურის ხელმძღვანელის თანამდებობაზე არჩევნების დანიშვნის შესახებ

„უმაღლესი განათლების შესახებ“ საქართველოს კანონის 25-ე მუხლის, „საჯარო სამართლის იურიდიული პირის - საქართველოს ტექნიკური უნივერსიტეტის წესდების დამტკიცების თაობაზე“ საქართველოს განათლებისა...

სიახლეები

სტუ-ის ბიზნესტექნოლოგიების ფაკულტეტის სტუდენტები „თიბისი კონცეპტის“ წარმომადგენლებს შეხვდნენ

საქართველოს ტექნიკურ უნივერსიტეტში სტუდენტებისა და დამსაქმებლების თანამშრომლობის გაღრმავებისა და ახალგაზრდებისთვის დასაქმების ახალი შესაძლებლობების გაცნობის მიზნით, კარიერული განვითარების სამსახურის ორგანიზებით, ბიზნესტექნოლოგიების...

მხარდაჭერა

რატომ გვწერთ?