რექტორი აკადემიკოსი დავით გურგენიძე სტუდენტებს, პროფესორ-მასწავლებლებს და საქართველოში ავტორიზებულ უნივერსიტეტეტებს დამოუკიდებლობის დღეს ულოცავს
საქართველოს ტექნიკური უნივერსიტეტის რექტორი, საქართველოს უმაღლეს საგანმანათლებლო დაწესებულებათა რექტორების მუდმივმოქმედი კონფერენციის თავმჯდომარე, აკადემიკოსი დავით გურგენიძე პროფესორ-მასწავლებლებს, სტუდენტებსა და კურსდამთავრებულებს, ასევე, საქართველოში ავტორიზებული უნივერსიტეტების რექტორებსა და სამეცნიერო-აკადემიურ წრეებს ეროვნულ დღესასწაულს – საქართველოს დამოუკიდებლობის დღეს ულოცავს.
„გულითადად გილოცავთ ეროვნულ დღესასწაულს – საქართველოს დამოუკიდებლობის დღეს – ჩვენს საუნივერსიტეტო საზოგადოებას, სტუდენტებსა და კურსდამთავრებულებს, საქართველოში ავტორიზებული უნივერსიტეტების რექტორებსა და სამეცნიერო-აკადემიურ წრეებს და ყველა იმ პატრიოტს, ვისაც გულწრფელად აღელვებს ჩვენი ქვეყნის ბედ-იღბალი.
დამოუკიდებლობის აღდგენის დღე, წარსულის ხსოვნასთან ერთად, მომავლის საქართველოს შენების მოწოდებაა, სიმბოლოა ქართველი ხალხის ურყევი ნებისა – თავად განსაზღვროს და გამოჭედოს თავისი ბედი. ეს თარიღი ჩვენი ერის უდრეკობისა და სიბრძნის, ნიჭისა და ნებელობის გამოვლინებაა – ერის ყველა თაობის მამულიშვილთა, რომელთაც მუდამ სწამდათ და სწამთ ერთიანი, ძლიერი, თავისუფალი და განვითარებული საქართველოს იდეისა.
დღეს, ჩვენი თაობა ვიღებთ პასუხისმგებლობას, ღირსეულად გავაგრძელოთ მათი გზა – განუხრელი სვლა აღმშენებლობისკენ. განვავითაროთ ცოდნა, განათლება, მეცნიერება და ინოვაციური მიდგომებისა და ახალი ტექნოლოგიების დანერგვით, თვალი გავუსწოროთ მომავლის გამოწვევებს.
საქართველოს ტექნიკურ უნივერსიტეტს, ისევე როგორც ყველა სხვა უმაღლეს სასწავლებელს, თავისი განსაკუთრებული მისია აქვს საქართველოს ღირსეული მომავლის შექმნის გზაზე – აღზარდოს პროფესიონალ სპეციალისტთა და მკვლევართა ახალი თაობა, ნიჭიერი და პასუხისმგებლობით აღსავსე მოქალაქეები და ამით გაამყაროს ქართული სახელმწიფოებრიობა, რათა ჩვენმა ქვეყანამ თავისი კუთვნილი ადგილი დაიმკვიდროს მსოფლიო თანამეგობრობაში.
გილოცავთ საქართველოს დამოუკიდებლობის დღეს! #ესდღეჩვენია“, – ნათქვამია საქართველოს ტექნიკური უნივერსიტეტის რექტორის, დავით გურგენიძის მიმართვაში.
დამოუკიდებლობის დღის აღსანიშნად, საქართველოს ტექნიკური უნივერსიტეტის ადმინისტრაციული შენობა, 26 მაისის დადგომისთანავე, საქართველოს დროშის ფერებში განათდა.
მსგავსი
სტუ-ის ცოტნე მირცხულავას სახელობის წყალთა მეურნეობის ინსტიტუტის სამეცნიერო საბჭო კონკურსს აცხადებს
საქართველოს ტექნიკური უნივერსიტეტის ცოტნე მირცხულავას სახელობის წყალთა მეურნეობის ინსტიტუტის სამეცნიერო საბჭო აცხადებს ღია კონკურსს სამეცნიერო თანამდებობების დასაკავებლად: ინოვაციური განვითარების ჯგუფი:...
აზიის მეცნიერებათა აკადემიის პრეზიდენტის ვიზიტი სტუ-ში
საქართველოს ტექნიკური უნივერსიტეტის ვიცე-რექტორი, პროფესორი თამარ ლომინაძე უნივერსიტეტში სამუშაო ვიზიტით მყოფ აზიის მეცნიერებათა აკადემიის (Asian Academy of Sciences – AASc,...
იტალიური ენის უფასო კურსები სტუ-ის სტუდენტებისთვის
საქართველოს ტექნიკური უნივერსიტეტის ბაზაზე არსებული „დანტეს კაბინეტი“ გაძლევთ უნიკალურ შანსს, გაიაროთ იტალიური ენის უფასო კურსები, რომლებიც განკუთვნილია საქართველოს ტექნიკური უნივერსიტეტის...
სტუ-სა და სახმელეთო ტრანსპორტის სააგენტოს შორის თანამშრომლობის მემორანდუმი განახლდა
საქართველოს ტექნიკური უნივერსიტეტის ვიცე-რექტორმა, პროფესორმა თამარ წერეთელმა და სსიპ სახმელეთო ტრანსპორტის სააგენტოს დირექტორმა ბაკურ მიქაძემ უნივერსიტეტსა და სააგენტოს შორის თანამშრომლობის...
პროფესიული კურსები სტუდენტებისთვის
საქართველოს სამეცნიერო-საგანმანათლებლო კომპიუტერული ქსელების ასოციაცია გრენა სხვადასხვა უნივერსიტეტის პირველკურსელებისთვის სასწავლო კურსებს იწყებს. 28 სექტემბერს და 5 ოქტომბერს, ასოციაცია გრენა პირველკურსელებს ორ...
სტუ-ში 2026-2027 სასწავლო წლის საშემოდგომო გარე მობილობით გადმომსვლელ სტუდენტთა საყურადღებოდ!
გთხოვთ, ყურადღებით გაეცნოთ ინფორმაციას სტუ-ის შერჩეულ პროგრამაზე გარე მობილობისთვის გამოყოფილი ვაკანტური ადგილებისა და დაშვების პირობების შესახებ: https://students.emis.ge/VacancyInfo მობილობით გადმოსვლის მსურველმა...