სტუ- ის ახალგაზრდა მეცნიერთა სამეცნიერო კვირეულის ლოგოს შექმნასთან დაკავშირებული კონკურსის შედეგი 1 აპრილს გამოცხადდება
სტუ-ის ახალგაზრდა მეცნიერთა სამეცნიერო კვირეულის ლოგოს შექმნასთან დაკავშირებული კონკურსის შედეგი 1 აპრილს, 12:00 საათზე გახდება ცნობილი. დაჯილდოების ცერემონია საქართველოს ტექნიკური უნვერსიტეტის ადმინისტრაციული კორპუსის მე-3 სართულის ფოიეში გაიმართება.
რექტორის ბრძანებით, შექმნილმა საკონკურსო ჟიურიმ, 25 მარტს სამი თანაბარი შეფასების მქონე პროექტი გამოავლინა და პროექტის ავტორებს დამატებითი რეკომენდაციები მისცა.
კონკურსის პირობების თანახმად, გამარჯვებული მხოლოდ ერთი სტუდენტი გახდება, რომელსაც ჯილდოს სახით, 2000 (ორი ათასი) ლარი გადაეცემა. იმავე დღეს, სტუ-ის ადმინისტრაციული კორპუსის მე-3 სართულის ფოიეში საკონკურსო პროექტები გამოიფინება.
შეგახსენებთ, რომ საქართველოს ტექნიკურმა უნივერსიტეტმა, საქართველოს განათლების, მეცნიერებისა და ახალგაზრდობის სამინისტროს მხარდაჭერით, სტუ-ის ახალგაზრდა მეცნიერთა სამეცნიერო კვირეულის ლოგოს შექმნასთან დაკავშირებით, კონკურსი 2 მარტს გამოაცხადა.
კონკურსში საქართველოს ტექნიკური უნივერსიტეტის სტუდენტები მონაწილეობდნენ. საკონკურსო პირობები უნივერსიტეტის რექტორის, აკადემიკოს დავით გურგენიძის ბრძანების შესაბამისად განისაზღვრა. სტუდენტებს საკონკურსო მასალები 2024 წლის 20 მარტის ჩათვლით, 18.00 საათამდე უნდა წარმოედგინათ. კონკურსში მონაწილეობის მსურველებს საკონკურსო წინადადება მსუბუქი მასალისგან დამზადებულ A2 ვერტიკალურ პლანშეტზე ნაბეჭდი პროექტის სახით, უნდა წარმოედგინათ. ასევე, ელექტრონულ ვერსიაში (CD/DVD). საკონკურსო წინადადებას აუცილებლად უნდა ახლდეს ამობეჭდილი განმარტებითი ბარათი (A4 ზომის ფორმატი, N 12 შრიფტი), რომლის მოცულობა არ უნდა აღემატებოდეს 2 გვერდს და მკაფიოდ უნდა იყოს ჩამოყალიბებული ესკიზის კონცეფცია, ასევე, მიახლოებითი ხარჯთაღრიცხვა, მასალაში შესრულების შემთხვევაში.
ცნობისათვის: სტუ-ის რექტორის თავდაპირველი ბრძანების თანახმად, რომელიც 2024 წლის 1 მარტით თარიღდება, საკონკურსო ჟიურის კონკურსის შედეგები 22 მარტს უნდა გამოეცხადებინა. თუმცა, სტუ-ის რექტორის თავდაპირველ ბრძანებაში შეტანილი ცვლილების შედეგად, კონკურსის შედეგების გამოცხადების თარიღად 1 აპრილი დასახელდა.
შესაბამისად, სტუ-ის ახალგაზრდა მეცნიერთა სამეცნიერო კვირეულის ლოგოს შექმნასთან დაკავშირებით კონკურსის შედეგი 1 აპრილს გამოცხადდება.
მსგავსი
სიახლეები
სტუ-ში აკადემიკოს ირაკლი ჟორდანიას დაბადებიდან 95-ე და საწარმოო ძალებისა და ბუნებრივი რესურსების შემსწავლელი ცენტრის დაარსებიდან 48-ე წლისთავი აღნიშნეს
„საქართველოს ტექნიკური უნივერსიტეტის ირაკლი ჟორდანიას სახელობის ცენტრი 48 წლის წინ დაარსდა, მის დამფუძნებელს, აკადემიკოს ირაკლი ჟორდანიას დღეს, 17 სექტემბერს 95...
სიახლეები
DAAD-ის სასტიპენდიო პროგრამები 2027-2028 სასწავლო წლისთვის
2027-2028 სასწავლო წლისთვის, გერმანიის აკადემიური გაცვლის სამსახური (DAAD) სასტიპენდიო კონკურსებს აცხადებს. პროგრამები მოიცავს საზაფხულო კურსებს, სამაგისტრო და სადოქტორო სწავლებას, კვლევით...
სიახლეები
სტუ-ის რექტორი პროფესორ ჰენრი კუპრაშვილს 80 წლის იუბილეს ულოცავს
საქართველოს ტექნიკური უნივერსიტეტის რექტორი, აკადემიკოსი დავით გურგენიძე საუნივერსიტეტო საზოგადოების სახელით 80 წლის იუბილეს ულოცავს ისტორიკოსს, ჟურნალისტს, პოლიტოლოგს, მოცურავეს, მსოფლიო ჩემპიონს...
სიახლეები
სტუ-ის სტუდენტებმა ილია ჭავჭავაძის ხსოვნას პატივი მიაგეს
„ილიას გზა არის გზა, რომელიც განათლებაზე, ეროვნულ თვითშეგნებაზე, სამართლებრივ სახელმწიფოზე, პასუხისმგებლობასა და საკუთარი ქვეყნის სამსახურზე გადის. სწორედ ამიტომ არის მნიშვნელოვანი,...
სიახლეები
სტუ-ის რექტორი პროფესორ ირინა ბადაგაძის გარდაცვალების გამო ოჯახსა და კოლეგებს სამძიმარს უცხადებს
საქართველოს ტექნიკური უნივერსიტეტის რექტორი, აკადემიკოსი დავით გურგენიძე, საუნივერსიტეტო საზოგადოების სახელით, მწუხარებას გამოთქვამს ქართველი მეცნიერის, ეკონომიკურ მეცნიერებათა დოქტორისა და ასოცირებული პროფესორის,...
სიახლეები
სტუ-ის ცოტნე მირცხულავას სახელობის წყალთა მეურნეობის ინსტიტუტის სამეცნიერო საბჭო კონკურსს აცხადებს
საქართველოს ტექნიკური უნივერსიტეტის ცოტნე მირცხულავას სახელობის წყალთა მეურნეობის ინსტიტუტის სამეცნიერო საბჭო აცხადებს ღია კონკურსს სამეცნიერო თანამდებობების დასაკავებლად: ინოვაციური განვითარების ჯგუფი:...