გურამ მახარაძე – 85
საქართველოს ტექნიკური უნივერსიტეტიოს რექტორი, აკადემიკოსი დავით გურგენიძე, საუნივერსიტეტო საზოგადოების სახელით, დაბადებიდან 85-ე წლისთავს ულოცავს ენერგეტიკის ფაკულტეტის პროფესორ გურამ მახარაძეს.
„ბატონო გურამ,
გულითადად გილოცავთ იუბილეს.
თქვენი მრავალწლიანი სამეცნიერო, საგანმანათლებლო და პროფესიული საქმიანობა წარმოადგენს ქართული ელექტროენერგეტიკის განვითარების მნიშვნელოვან ნაწილს. როგორც საქართველოს ელექტროენერგეტიკის დამსახურებულმა მუშაკმა, თქვენ მნიშვნელოვანი წვლილი შეიტანეთ დარგის განვითარებაში, ინჟინერიული აზროვნების გაძლიერებასა და ახალგაზრდა თაობების აღზრდაში.
თქვენი ავტორობით შექმნილი 50-ზე მეტი სამეცნიერო ნაშრომი და 15-ზე მეტი სახელმძღვანელო დღემდე მნიშვნელოვან აკადემიურ საფუძველს წარმოადგენს როგორც სტუდენტებისთვის, ისე ახალგაზრდა და გამოცდილი მკვლევრებისთვის. აღნიშნული შრომები გამოირჩევა მაღალი სამეცნიერო ღირებულებით, აქტუალობითა და პრაქტიკული მნიშვნელობით, რის გამოც ისინი ფართოდ გამოიყენება სასწავლო და კვლევით პროცესში.
განსაკუთრებული დაფასებისა და აღიარების ღირსია ისიც, რომ თქვენი ხელმძღვანელობით წარმატებით მომზადდა და დაცულ იქნა 30-ზე მეტი სადოქტორო და სამაგისტრო ნაშრომი. ეს არა მხოლოდ თქვენი მაღალი პროფესიონალიზმისა და ნაყოფიერი სამეცნიერო საქმიანობის დასტურია, არამედ ნათლად წარმოაჩენს თქვენს ძლიერ პედაგოგიურ და სამეცნიერო სკოლას, რომელმაც მნიშვნელოვანი წვლილი შეიტანა ახალი თაობის მეცნიერებისა და სპეციალისტების აღზრდაში.
გისურვებთ ჯანმრთელობას და კიდევ მრავალ წარმატებულ წელს ქართული ენერგეტიკისა და მეცნიერების სამსახურში“.
– აკადემიკოსი დავით გურგენიძე
მსგავსი
სიახლეები
CERN-ის მეცნიერის, პროფესორ ტიციანო კამპორეზის საჯარო ლექცია სტუ-ში
საქართველოს ტექნიკური უნივერსიტეტის სტუდენტებისა და დაინტერესებული პირებისთვის ბირთვული კვლევების ევროპული ორგანიზაციის (CERN) გლობალური CMS-ექსპერიმენტის ერთ-ერთმა ლიდერმა, პროფესორმა ტიციანო კამპორეზიმ საჯარო...
სიახლეები
სტუ-ში დანტეს საერთაშორისო დღე და დანტე ალიგიერის საზოგადოების თბილისის კომიტეტის 20 წლის იუბილე აღინიშნა
„საქართველოს ტექნიკური უნივერსიტეტისთვის განსაკუთრებული მნიშვნელობა აქვს ისეთ საერთაშორისო კულტურულ და საგანმანათლებლო ინიციატივებს, რომლებიც ცოდნის, ჰუმანისტური ღირებულებებისა და კულტურათაშორისი დიალოგის გაღრმავებას...
სიახლეები
დასკვნითი გამოცდები იწყება!
სტუ-ში დასკვნითი გამოცდები 29 ივნისს დაიწყება და 11 ივლისის ჩათვლით გაგრძელდება. დასკვნითი გამოცდების ცხრილი ფაკულტეტების მიხედვით განთავსებულია ონლაინ პლატფორმაზე. საგამოცდო...
სიახლეები
სტუ-ის საცურაო აუზ „ტონუსის“ გუნდი საქართველოს ჩემპიონი გახდა
საქართველოს ტექნიკური უნივერსიტეტის საცურაო აუზის - „წყალთა სახეობის ცენტრ „ტონუსის“ წყალბურთელთა გუნდი საქართველოს ჩემპიონი გახდა. საქართველოს ჩემპიონატში „ტონუსთან“ ერთად, ბათუმის,...
სიახლეები
იმიტირებული გამოცდა მათემატიკაში – გამოცადე ძალები ეროვნულებამდე!
საქართველოს ტექნიკური უნივერსიტეტი (სტუ) აბიტურიენტებისთვის მათემატიკაში იმიტირებულ გამოცდას ატარებს. ტესტის სტრუქტურა, სირთულე და შეფასების კრიტერიუმები სრულად შეესაბამება ერთიანი ეროვნული გამოცდების ფორმატს. ეს არის საუკეთესო შანსი, რეალურ საგამოცდო გარემოში შეამოწმო შენი ცოდნა და...
სიახლეები
„ახალგაზრდები პლანეტის უკეთესი მომავლისთვის“ – საგანმანათლებლო და შემეცნებითი ღონისძიებები სტუ-ში
საქართველოს ტექნიკურმა უნივერსიტეტმა, განათლების, მეცნიერებისა და ახალგაზრდობის სამინისტროს ინიციატივითა და მხარდაჭერით, ახალგაზრდებში მეცნიერების პოპულარიზაციისა და კვლევით-ინოვაციურ საქმიანობაში მათი აქტიური ჩართულობის...