„სტუ-ის სტუდენტური თამაშები 2026“ იწყება

საქართველოს ტექნიკურ უნივერსიტეტში სტუდენტური ცხოვრების გააქტიურებისა და ახალგაზრდების საუნივერსიტეტო ცხოვრებაში ჩართულობის გაზრდის მიზნით, შიდასაუნივერსიტეტო პროექტი – „სტუ-ის სტუდენტური თამაშები 2026“, იწყება.

პროექტი მიზნად ისახავს ახალგაზრდებში ჯანსაღი ცხოვრების წესის პოპულარიზაციას, ფაკულტეტებს შორის შეჯიბრებების გზით სტუდენტთა სპორტული, ინტელექტუალური და შემოქმედებითი შესაძლებლობების გამოვლენას, ჯანსაღი კონკურენციის წახალისებასა და სტუდენტებს შორის მეგობრული ურთიერთობების გაღრმავებას.

სტუდენტურ თამაშებში მონაწილეობა შეუძლიათ საქართველოს ტექნიკური უნივერსიტეტის ბაკალავრიატის, მაგისტრატურისა და დოქტორანტურის საფეხურების აქტიური სტატუსის მქონე სტუდენტებს.

პროექტის გახსნის ღონისძიება 2026 წლის 25 ოქტომბერს, „ლისი ლემანსის“ ტერიტორიაზე გაიმართება. სტუდენტური თამაშები ერთ თვეზე მეტხანს გაგრძელდება და სპორტულ, ინტელექტუალურ და კულტურულ-შემოქმედებით აქტივობებს გააერთიანებს.

პროექტის ფარგლებში დაგეგმილია შემდეგი აქტივობები:

სპორტული მიმართულება

• პადელი
• კარტინგი
• 3×3 კალათბურთი
• მაგიდის ჩოგბურთი
• დარტსი
• მშვილდით სროლა
• ბოულინგი
• ბილიარდი
• მკლავჭიდი
• ჭადრაკი
• შაში
• ნარდი
• FIFA 2027
• ქუჩის ფეხბურთი
• ფუტსალი
• ქართული ჭიდაობა
• ბადმინტონი
• 7-კაცა რაგბი
• ხელბურთი
• კალათბურთი
• ფრენბურთი
• ცურვა
• კლდეზე ცოცვა
• სასტენდო სროლა
• GTU-GAME
• მარათონი

ინტელექტუალური მიმართულება

• „რა? სად? როდის?“
• სპორტული ვიქტორინა
• „წიგნების თარო“
• ესეების კონკურსი
• დებატები

კულტურულ-შემოქმედებითი მიმართულება

• ხატვა
• ქართული ხალხური ცეკვა
• თანამედროვე ცეკვა
• სოლო სიმღერა
• დუეტი
• ქართული ხალხური სიმღერა
• თეატრალური დადგმა
• ფოტოკონკურსი
• გამოფენა

პროექტის დასკვნით ეტაპზე გამოვლინდებიან „საუკეთესო ფაკულტეტი“ და „საუკეთესო გულშემატკივარი“, რომლებსაც ფულადი პრიზები გადაეცემათ.

„სტუ-ის სტუდენტური თამაშები 2026“ ხელს შეუწყობს უნივერსიტეტში აქტიური სტუდენტური ცხოვრების განვითარებას, ფაკულტეტებს შორის თანამშრომლობის გაძლიერებასა და ერთიანი საუნივერსიტეტო გარემოს ჩამოყალიბებას.