პროფესორ ვიდას კავალიაუსკასის ლიეტუვური ენისა და კულტურის ცენტრი სტუდენტებს ლიეტუვური ენის შესწავლას სთავაზობს

საქართველოს ტექნიკურ უნივერსიტეტში მოქმედი პროფესორ ვიდას კავალიაუსკასის ლიეტუვური ენისა და კულტურის ცენტრი სტუ-ის სტუდენტებს ლიეტუვური ენის შესასწავლად იწვევს.

ლიეტუვური ენისა და კულტურის შემსწავლელი კურსები სტუდენტებისთვის უფასოა და ჩატარდება კვირაში ორჯერ – ორშაბათსა და ოთხშაბათს, საღამოს საათებში. ლექციების ზუსტი დრო სტუდენტებთან შეხვედრის შემდეგ დაზუსტდება.

ცენტრში სტუდენტებისთვის მოქმედებს არაერთი უფასო პროექტი:

• ლიეტუვური ენის შემსწავლელი სემესტრული სასწავლო კურსები ლიეტუვის უნივერსიტეტებში (სტიპენდიით);
• ლიეტუვური ენის შემსწავლელი ერთთვიანი ზამთრის და საზაფხულო კურსები (სტიპენდიით);
• სხვადასხვა საგანმანათლებლო პროგრამა ლიეტუვის რესპუბლიკაში.

სტუ-ის სტუდენტებს, რომლებიც დაასრულებენ საბაკალავრო პროგრამას და შეისწავლიან ლიეტუვურ ენას, მიეცემათ შესაძლებლობა, ლიეტუვის რესპუბლიკის დაფინანსებით, უფასოდ განაგრძონ სწავლა ლიეტუვის უნივერსიტეტების სამაგისტრო პროგრამებზე.

სამაგისტრო პროგრამებზე სწავლის პერიოდში, სტუდენტებს ასევე ენიშნებათ ლიეტუვის რესპუბლიკის სახელმწიფო სტიპენდია.

ამ ეტაპზე, ცენტრში იქმნება ლიეტუვური ენის შესწავლის მსურველ სტუდენტთა ახალი ჯგუფი, რომელში მოხვედრაც ნებისმიერი კურსის სტუდენტს შეუძლია.

სტუდენტებთან პირველი შეხვედრა გაიმართება 2026 წლის 7 ოქტომბერს, საღამოს. შეხვედრის ზუსტი დროისა და სხვა დეტალების შესახებ ინფორმაციას მიიღებთ სატელეფონო ზარით, SMS-ის ან ელექტრონული ფოსტის საშუალებით.

მისამართი: საქართველოს ტექნიკური უნივერსიტეტი, მერაბ კოსტავას ქ. №69, მე-10 სასწავლო კორპუსი, მე-2 სართული, ოთახი №216.

რეგისტრაციის გასავლელად, გთხოვთ, შეავსოთ ქვემოთ მოცემული ფორმა.