სტუ-ის ფარგლებში საგანმანათლებლო პროგრამის შეცვლის (შიდა მობილობა) მსურველთა საყურადღებოდ!

სსიპ – საქართველოს ტექნიკურ უნივერსიტეტში 2024-2025 სასწავლო წლის პირველი სემესტრიდან, უნივერსიტეტის ფარგლებში, საგანმანათლებლო პროგრამის შეცვლის (შიდა მობილობის) მსურველებმა უნდა მიმართონ შესაბამის ფაკულტეტს (სადაც სწავლობდნენ ან სწავლობენ) 2024 წლის 15 ივლისიდან 22 ივლისის ჩათვლით.

• შიდა მობილობის ფარგლებში, სტუ-ის აკადემიური საბჭოს მიერ, საგანმანათლებლო პროგრამებზე განისაზღვრა ვაკანტური ადგილების რაოდენობა და პირობები: (დანართი 4).

• არქიტექტურის, ურბანისტიკისა და დიზაინის ფაკულტეტის საბაკალავრო საგანმანათლებლო პროგრამებზე (საბაკალავრო საგანმანათლებლო  პროგრამა „არქიტექტურა“, რუსულენოვანი საბაკალავრო საგანმანათლებლო პროგრამა „არქიტექტურა“, საბაკალავრო საგანმანათლებლო პროგრამა „მოდის დიზაინის ტექნოლოგიები“) შიდა მობილობის მსურველებმა, უნდა გაიარონ შიდა საუნივერსიტეტო შემოქმედებითი ტური, რომელიც ჩატარდება 2024 წლის 23 ივლისს, 11:00 საათზე, მისამართი: თბილისი; კოსტავას #68, სტუ-ის I კორპუსი, ოთახი 408.

• დიზაინის საერთაშორისო სკოლის საბაკალავრო საგანმანათლებლო პროგრამებზე (ინგლისურენოვანი საბაკალავრო საგანმანათლებლო პროგრამა ,,დიზაინი”; ინგლისურენოვანი საბაკალავრო საგანმანათლებლო პროგრამა „არქიტექტურა“) შიდა მობილობის მსურველებმა უნდა გაიარონ შიდა საუნივერსიტეტო შემოქმედებითი ტური, რომელიც ჩატარდება 2024 წლის 23 ივლისს, 11:00 საათზე, მისამართი: თბილისი, კოსტავას #75ა, სტუ-ის VIII კორპუსი.
• სტუ-ის საგანმანათლებლო პროგრამების ჩამონათვალი დაშვების წინაპირობებთან ერთად, იხ. დანართში 1; 2; 3. სამაგისტრო და სადოქტორო საგანმანათლებლო პროგრამებზე დაშვების წინაპირობებში (დანართი 2 და დანართი 3) მითითებულია ის პროგრამები, რომლებზეც გამოცხადებულია შიდა მობილობა და გააჩნია წინაპირობა. ის პროგრამები, რომლებსაც წინაპირობა არ აქვთ, ცხრილში მითითებული არ არის.

შიდა მობილობასთან დაკავშირებით დამატებითი კითხვებისათვის, მიმართეთ ფაკულტეტის წარმომადგენელს. (საკონტაქტო პირები იხ. დანართი 5)