ერთწლიან სამაგისტრო პროგრამებზე რეგისტრაცია დაიწყო

გთავაზობთ ინფორმაციას საქართველოს ტექნიკურ უნივერსიტეტში, 2025/2026 სასწავლო წელს, ერთწლიან სამაგისტრო საგანმანათლებლო პროგრამებზე (მოიცავს არანაკლებ 60 კრედიტს) საერთო სამაგისტრო გამოცდების გავლის გარეშე ჩარიცხვის მსურველთა რეგისტრაციის ვადების, თანდართული დოკუმენტაციის წარდგენისა და მისაღები გასაუბრებების განრიგის შესახებ.

• საქართველოს ტექნიკური უნივერსიტეტის ერთწლიან სამაგისტრო საგანმანათლებლო პროგრამებზე (არანაკლებ 60 კრედიტი) ჩარიცხვის მსურველთა რეგისტრაცია შესაძლებელი იქნება 2025 წლის 25 აგვისტოდან 10 სექტემბრის ჩათვლით (შაბათ-კვირის და უქმე დღის გარდა), სტუ-ის ბიზნესტექნოლოგიების ფაკულტეტზე, VI კორპუსი, მე-7 სართული, ოთახი 702ა, კოსტავას ქ.N 77. 

• ერთწლიან სამაგისტრო პროგრამაზე (არანაკლებ 60 კრედიტი), დაშვების წინაპირობის შესაბამისად, გასაუბრება უცხო ენაში (იმ აპლიკანტთათვის, ვინც სამაგისტრო პროგრამაზე დაშვების წინაპირობის შესაბამისად, ვერ წარმოადგინა უცხო ენის ცოდნის დამადასტურებელი სერტიფიკატი არანაკლებ B2 დონის) ჩატარდება 2025 წლის 12 სექტემბერს, 10:00 საათზე, სტუ-ის ბიზნესტექნოლოგიების ფაკულტეტის ბიბლიოთეკაში, VI კორპუსი, მე-7 სართული, ოთახი 704ა, კოსტავას ქ.N 77.

• ერთწლიან სამაგისტრო პროგრამაზე ჩარიცხვის მსურველთა გასაუბრება სპეციალობაში დარგობრივ კომისიასთან ჩატარდება 2025 წლის 16 სექტემბერს, 1000 საათზე, სტუ-ის ბიზნესტექნოლოგიების ფაკულტეტის ბიბლიოთეკაში, VI კორპუსი, მე-7 სართული, ოთახი 704ა, კოსტავას ქ.N 77.

• გასაუბრების შედეგები გამოქვეყნდება 2025 წლის 17 სექტემბერს. სააპელაციო განაცხადების მიღება მოხდება გასაუბრების ჩატარების ადგილზე, 17 სექტემბერიდან 18 სექტემბრის 1400 საათამდე. აპელაციები განიხილება 18 სექტემბერს. გასაუბრების საბოლოო შედეგები(აპელაციის გათვალისწინებით) გამოქვეყნდება იმავე დღეს, უნივერსიტეტის ოფიციალურ ვებგვერდზე.

• მაგისტრანტობის კანდიდატებთან სასწავლო და საფინანსო ხელშეკრულებები გაფორმდება 2025 წლის 22 სექტემბრიდან 26 სექტემბრის ჩათვლით. 

საჭირო დოკუმენტები და ინსტრუქცია:

• ერთწლიან სამაგისტრო პროგრამებზე (არანაკლებ 60 კრედიტი) დაშვების წინაპირობები

• ერთწლიან სამაგისტრო პროგრამებზე (არანაკლებ 60 კრედიტი) საერთო სამაგისტრო გამოცდების გავლის გარეშე მისაღები ადგილები

• განცხადების ფორმა

• რეგისტრაციისთვის საჭირო დოკუმენტები