სტუ სამაგისტრო პროგრამებზე დამატებით მიღებას აცხადებს

გთავაზობთ ინფორმაციას საქართველოს ტექნიკურ უნივერსიტეტში 2025/2026 სასწავლო წელს სამაგისტრო საგანმანათლებლო პროგრამებზე ჩარიცხვის მსურველთათვის ვაკანტურ ადგილებზე (ვაკანტური ადგილები იხილეთ დანართი 1) დამატებითი რეგისტრაციის ვადების, თანდართული დოკუმენტაციის წარდგენისა და საგამოცდო განრიგის შესახებ.

• საქართველოს ტექნიკური უნივერსიტეტის სამაგისტრო საგანმანათლებლო პროგრამებზე ჩარიცხვის მსურველთა რეგისტრაცია შესაძლებელი იქნება ელექტრონულ პლატფორმაზე – register.gtu.ge, 2025 წლის 11 სექტემბრიდან 15 სექტემბრის 18:00 საათამდე (რეგისტრაციისთვის საჭირო დოკუმენტაცია და განცხადების ფორმა იხილეთ დანართი 2, დანართი 3 );

• სამაგისტრო პროგრამაზე დაშვების წინაპირობის შესაბამისად, მისაღები გამოცდა უცხო ენაში ჩატარდება 2025 წლის 17 სექტემბერს, 10 საათზე, სტუ-ის I კორპუსში, ელექტრონული სასწავლო რესურსების ცენტრში (კომპიუტერული ცენტრი – 2, პირველი სართული), კოსტავას ქ. N68;

• სამაგისტრო პროგრამაზე მისაღები სასპეციალიზაციო გამოცდები ჩატარდება 2025 წლის 17 სექტემბერს, 12 საათზე, სტუ-ის I კორპუსში, ელექტრონული სასწავლო რესურსების ცენტრში (კომპიუტერული ცენტრი – 2, პირველი სართული), კოსტავას ქ. N68;

• სამაგისტრო პროგრამაზე დაშვების წინაპირობის შესაბამისად, გასაუბრება უცხო ენაში ჩატარდება 2025 წლის 17 სექტემბერს, 10 საათზე, სტუ-ის I კორპუსში, კოსტავას ქ. N68 მე-5 სართული, ოთახი N508, (ბიბლიოთეკაში); 

• გამოცდების პირველადი შედეგები გამოქვეყნდება 18 სექტემბერს. სააპელაციო განაცხადების მიღება მოხდება გამოცდის ჩატარების ადგილზე, 17 სექტემბერიდან 19 სექტემბრის 11 საათამდე. გამოცდების საბოლოო შედეგები (აპელაციის გათვალისწინებით) გამოქვეყნდება 19 სექტემბერს, უნივერსიტეტის ოფიციალურ ვებ გვერდზე;

• საერთო სამაგისტრო გამოცდის თითოეული ნაწილისა და სასპეციალიზაციო გამოცდის შედეგების საფუძველზე (საკონკურსო ქულა), კოეფიციენტებით რანჟირების საფაკულტეტო დოკუმენტები (ჩასარიცხ აპლიკანტთა სიები) განთავსდება 2025 წლის 22 სექტემბერს, უნივერსიტეტის ოფიციალურ ვებგვერდზე; 

• სტუ-ის ფაკულტეტების დეკანატებში მაგისტრანტობის კანდიდატებმა სასწავლო და საფინანსო ხელშეკრულებები უნდა გააფორმონ 2025 წლის 23 სექტემბრიდან -24 სექტემბრის ჩათვლით.

ფაკულტეტების საკონტაქტო ინფორმაცია იხილეთ დანართში 4